ESAIA 19:21 - Jinghpaw Common Language Bible 2009

²¹ Dai Madu gaw shi nan Egutu mung masha ni hpe shadan dan na ra ai, shanhte gaw shi hpe yin la nna nawku daw jau wa na mara ai. Shanhte gaw shi hpe shagu hkungga hte mahku hkungga ni nawng jau wa na mara ai. Shanhte gaw shi hta dagam ga sadi tawn da na mara ai, dai ga sadi hte maren shanhte galaw na mara ai.

Jinghpaw Hanson Version Bible

²¹ Yehowa nan Egutu masha ni hpe shi hkum shadan dan nna, Egutu masha ni gaw, dai shani e, Yehowa hpe chye lu na mara ai; shanhte gaw shagu hkungga hte mahku hkungga nawng let Yehowa hpe nawku nna, shi a man e dagam da ai hte maren, galaw na mara ai.

ESAIA 19:21 ပူးပေါင်းရင်းမြစ်များ

1 HKAWHKAM 8:43

shi a akyu hpyi ga hpe madat ya u. Sumsing lamu na nang nga ai shara hta, shi a ga hpe madat ya nna, galaw na matu nang hpe hpyi tsun ai lam hpe galaw ya u, shaloi mungkan ting na masha amyu ni yawng gaw na a amyu masha Israela ni galaw ai zawn nang hpe chye chyap wa nna na a ga hpe madat mara hkan sa na mara ai. Dai shaloi shanhte gaw nang hpe nawku na matu ngai galaw da sai ndai Nawku Htingnu rai nga ai hpe chye lu na mara ai.

SHAKAWN KUNGDAWN 61:8

Shaloi, ngai ga sadi jaw da ai hte maren, nang hpe shani shagu jaw nngai; nang hpe tut nawng mahkawn shakawn nga na nngai.

SHAKAWN KUNGDAWN 68:31

Egutu mungdan na sumtsan salang ni nang kaw du sa wa na mara ai; Ehtiopi masha ni mung Karai Kasang hpe akyu hpyi ai hta shanhte a lata ni hpe sharawt wa na mara ai.

SHAKAWN KUNGDAWN 68:32

Mungkan ga na mungdan ni e, Karai Kasang hpe shakawn mu; moi chyaloi nhkoi kaw nna nga nga sai lamu hta jawn nga ai Madu hpe mahkawn shakawn mu. Nsen kaba hte jahtau dat ai shi a nsen hpe madat mu.

HPAJI NINGLI 5:4

Dai rai nna, Karai Kasang hpe ga sadi jaw ai shaloi, dai hpe lawan lu ai daram lawan nna shatup u. Shi gaw angawk ai wa hpe akyu jashawn ai n rai. Galaw na ngu ga sadi tawn ai amu hpe galaw u.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 44:5

“Amyu masha ni gaw langai hpang langai, ‘Ngai gaw dai Madu a masha rai nga nngai,’ nga nna tsun wa na mara ai. Shanhte gaw Israela amyu masha ni hte matut mahkai na matu du sa wa na mara ai. Shanhte gaw shanhte a lahpum ni hta dai Madu a amying hpe matsing nna, shi hkum shi Karai Kasang a amyu masha langai hku shamying la na ra ai.”

ESAIA 45:14

Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

ESAIA 55:5

Ya chyawm gaw, nang gaw nang hpe lang mi mung n chye ai maigan masha amyu baw ni hpe nang shaga ai hte shanhte nang hte matut na matu kagat shang wa na mara ai! Ngai gaw dai Madu na a Karai Kasang, Israela a chyoi pra ai Karai Kasang rai nga nngai, ndai yawng mayawng hpe ngai shabyin dat na nngai; ngai gaw nang hpe arawng sadang hte hpung shingkang ap ya na nngai,” ngu nna tsun ai.

ESAIA 56:7

“Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”

ESAIA 60:7

Kedara mung hte Nebaiot mung na sagu ni yawng Nang hpang de la sa nna shagu hkungga ni zawn Dai Madu awng sharawng na matu tawn hkungri ntsa hta nawng ya nga masai. Dai Madu gaw shi a Nawku Htingnu hpe shawng na hta grau nna hpung shingkang rawng shangun na ra ai.

ESAIA 66:23

Shata Praw shagu hte Bansa Nhtoi shagu hta galaw ai poi hta amyu baw shagu na masha ni gaw ngai hpe nawku na matu ndai Yerusalem de sa wa na mara ai,” nga nna dai Madu tsun ai.

YONA 1:16

Ndai amu a majaw, sanghpaw masha ni dai Madu hpe grai hkrit mat ma ai rai nna shanhte gaw shagu hkungga nawng ya ai hte shi hpe daw jau na matu ga sadi jaw ma ai.

HABAKU 2:14

Rai ti mung, Panglai ni gaw hka hte hpring nga ai zawn ginding aga gaw dai Madu a hpung shingkang a machye machyang hpaji hte hpring nga na ra ai.

ZEHPANI 3:10

Tsan la ai Ehtiopi mung na shabra kau dat ai nye a amyu masha ni pyi ngai hpang de shagu hkungga sa sak jaw na mara ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

1 SAMUELA 17:46

Dai ni jang, dai Madu gaw nye a lata de nang hpe ap kau na ra ai rai nna nang hpe ngai gasat dang kau nhtawm na a baw kahtam di la na nngai. Hpilisti ni a moi mang ni hpe mung ntsa malen u ni hte dusat ni sha na matu, ngai jaw kau na mawe ai. Israela amyu hta Karai Kasang nga nga ai hpe mungkan ga ting chye lu na mara ai;