ESAIA 19:2 - Jinghpaw Common Language Bible 2009

² Dai Madu gaw, “Ngai gaw Egutu mung kata hta dinghku majan shabyin dat nna, kahpu kanau shada da, htingbu htingbyen shada da hpe hpyen tai shangun na we ai. Shingjawng kashun mare ni hte shanhte shada da htim gasat wa nna, shingjawng kashun ai hkawhkam ni mung shanhte a magam tingnyang a matu malan da ting shakut wa na ra ai.

Jinghpaw Hanson Version Bible

² “Ngai gaw Egutu masha ni hpe dumbru dumbra shangun nna, langai hte langai tinang a kahpu kanau wa hte, tinang a htingbu wa hpe gasat na hte, mare mi hte mare mi, mung mi hte mung mi, shada gasat na mara ai.

ESAIA 19:2 ပူးပေါင်းရင်းမြစ်များ

1 HKAWHKAM 16:21

Israela amyu masha ni hta hpung garan mat ai rai nna, nkau mi Ginat a kasha Tibni hpe hkawhkam shatai mayu ma ai; kaga hpung mi chyawm gaw Omri hpe ra sharawng nga ma ai.

2 HKAWHKAM LABAU 15:6

Karai Kasang gaw ru yak tsin-yam tsindam hte myit ru myit yak lam shanhte hpe shapraw dan wu ai majaw amyu baw ni gaw kaga amyu baw wa hpe, mare mi gaw kaga mare mi hpe dip gamyet hkat ma ai.

ESAIA 3:5

Masha hkum shagu hte gaw shada da zai hku nna adip arip di hkat na mara ai. Shabrang ni gaw asak kaba ai ni hpe hkungga lara na mara ai n rai, hpa n tai ai masha ni gaw shanhte a ntsa na masha ni hpe hkungga lara na mara ai n rai.

ESAIA 9:21

Manashe hte Ehprim amyu masha ni gaw shada da gasat hkat ma ai, shan lahkawng gaw Yuda hpe jawm gasat ma ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

YEREMIA 46:12

Masha amyu baw ni na a kaya kahpa lam na masai; na a hkrap agru ai nsen hpe masha shagu na masai. Hpyenla shada da ahtu nna, shan gaw ga de kataw mat ma ai.

YEREMIA 51:46

Nanhte na ai shi wawn ga ni a majaw, nanhte a myit marai hkum shayaw kau myit, hkrit mung hkum hkrit myit. Mungdan kata na kashun kashe du daw sai hkaw shiga, hkawhkam langai gaw kaga langai wa mi hpe gasat ai zawn nga ai shiga gaw shaning shagu pru shajang nga ai.

EZEKELA 38:21

Ngai gaw dai zawn re ai ru yak tsin-yam tsindam yawng hte Goga hpe jahkrit na nngai. Tsaw Htum ai dai Madu ngai nan tsun ni ai. Shi a masha ni gaw shanhte a nhtu ni hte shada da kayin kahtam hkat na mara ai.

ZEHKARIA 8:10

Dai aten a shawng e, kadai mung nchyang hkan tam lu na n rai; masha rai tim, dusat yam nga rai tim, tinang a gumlau hpyen ni a lata kaw na shim nga lu ai n rai, ngai mahtang amyu masha ni langai hte langai hpe hpyen shangun da we ai.

MAHTE 10:21

Masha ni gaw tinang a kahpu kanau shada da langai hte langai si na matu ap kau na mara ai. Kawa ni mung dai hte maren kasha ni hpe, kasha ni mung kawa ni hpe si na matu ap kau na mara ai.

MAHTE 10:36

masha langai wa a n kaja dik ai hpyen ni gaw, tinang a nta dinghku masha ni rai na mara ai.

MAHTE 12:25

Yesu gaw, shanhte hpa baw myit mang nga ma ai hpe chye ya mu ai majaw, shi shanhte hpe tsun mu ai gaw, “Mungdan langai mi hta masha ni gaw myit n hkrum nna shada da gasat hkat nga yang gaw dai mungdan na na grin na n rai. Gara mare, gara nta dinghku rai tim, myit n hkrum nna shada da gasat hkat ma yang gaw bra garan mat na mara ai.

MAHTE 24:7

Masha amyu mi hte amyu mi, mung mi hte mung mi, shada da majan byin na mara ai.

MARKU 3:24

Mungdan langai mi a kata hta daw hka bra ayai nna shada da gasat hkat ai rai yang dai mungdan gaw n grin nga lu ai.

TARA AGYI 7:22

Gidon a masha ni pahtau dum dat ma ai shaloi, dai Madu gaw dai dap na hpyen laba nlang hte hpe shada da a lapran nhtu hte kahtam si shangun wu ai majaw Zarehtan shara na Bet Shita mare hte Tabat makau na Abela Mehola de du hkra hprawng htaw mat wa ma ai.

TARA AGYI 9:23

Shaloi, Karai Kasang gaw Abimelek hte Shehkem masha ni langai hte langai a lapran e nhtan shai shangun ai hte shi hpe gumlau ma ai.

1 SAMUELA 14:16

Shawlu a masha ni gaw Benyamin a lamu ga na Gibea shara hta sin yu nga ma yang, Hpilisti masha ni dumbri dumbra, kashuk kashak rai hprawng kagat hkawm nga ma ai hpe mu ma ai.

1 SAMUELA 14:20

Dai hpang, shi hte shi a masha ni mung Hpilisti masha ni hpe htim gasat na nga, majan pa de rawt lung wa ma yang, shanhte shada da gasat hkat nna tsep kawp ashuk ashak rai jawng nga ma ai.