ESAIA 19:16 - Jinghpaw Common Language Bible 2009

¹⁶ Egutu masha ni gaw numsha ni zawn hkrit kaya agam wa ai aten du wa nga ai. Shanhte gaw dai Madu shanhte hpe ari jaw na matu shi a lata ladawn da nu ai hpe mu ai shaloi hkrit kajawng ai hte gari mat na mara ai.

Jinghpaw Hanson Version Bible

¹⁶ Dai shani e Egutu masha ni gaw num zawn tai nna, Zaw nawng zaw wa up ai Yehowa shanhte a ntsa e shada ai lata a majaw, shanhte hkrit kajawng nna gari mat na mara ai;

ESAIA 19:16 ပူးပေါင်းရင်းမြစ်များ

SHAKAWN KUNGDAWN 48:6

Shanhte gaw dai yang e, ma shangai hkyen nna shinggyim machyi hkrum ai num hte,

PRU MAT 11:6

Egutu mung ting hta nsen ja ja hte jahtau hkrap ai nsen pru wa na ra ai; dai zawn re ai gaw shawng de mung n byin yu, htawm hpang prat aten e mung bai byin wa na ra ai n rai.

ESAIA 10:32

Dai ni jang, gumlau hpyen ni gaw Noba mare hta nga nga ma ai, dai yang e shanhte gaw Ziun Bum ngu ai Yerusalem mare hpe sha-ang nna shanhte a lata latup nna kanga dan ma ai.

ESAIA 11:15

Dai Madu gaw Nawng Hkyeng hpunggaw hpe jahkyet kau na ra ai, shi gaw Uhprat hka nu hpe hkun hkraw shangun na matu kahtet ai nbung shaga dat na ra ai, grai kaji ai hka shi sanit hpe sha tawn da na ra ai, shaloi kadai mung lai hkawm lu na ma ai.

ESAIA 13:2

Kawng krin pungding ntsa e majan dawnghkawn sharawt da mu! Hpyenla ni hpe jahtau mu, gumrawng gumtawng ai mare chyinghka ni hpe gasat na, shanhte a matu kumla tai u ga, nanhte a lata lahpum sharawt da mu.

ESAIA 30:17

Nanhte gumlau hpyenla langai mu ai shaloi, nanhte a masha hkying mi hprawng te mat wa na mara ai, hpyenla manga hte nanhte a masha yawng hpe jahtaw kau na matu ram na ra ai. Kawng pungding ntsa e dawnghkawn hta lai nna nanhte a hpyen luksuk hta hpa mung ngam nga na ra ai n rai.

YEREMIA 50:37

Dai mung na gumra ni hte hpyen leng ni hpe jahten mu! Dai mung na saw shaga da hkrum ai hpyenla ni si hkrung si htan- shanhte gaw kade sha n-gun kya nga ma hka! Dai mung na sut gan ni hpe jahten mu; hpya lu hpya sha nna lanep hta la mu.

YEREMIA 51:30

Babelon hpyenla ni gaw majan n hkap gasat ai sha, shanhte a dap kata hkan rawng nga ma ai. Shanhte gaw shanhte a share shagan ai myit htum mat manu ai, karum la lam n lu ai ni tai mat nga masai. Mare chyinghka ni agrawp daw mat nna dum nta ni wan hkru nga sai.

OBEDIA 1:9

Teman a majan share ninghkrin ni hkrit gari mat na mara ai, Edom mung na hpyenla shagu sat kau hkrum na mara ai.

NAHUM 3:13

Na a hpyenla ni gaw karum la lam n lu ma ai, na a mungdan mung na a gumlau hpyen ni a man e shamyet shanat shara n nga rai nga ai. Wan gaw na chyinghka htinggrang ni hpe hkru kau ya na ra ai.

ZEHKARIA 10:11

Shanhte panglai tsin-yam hku lai di ai shaloi, dai Madu ngai nan panglai hka leng ni hpe kayat na nngai; Nila hka a sung ai ai shara ni hkun hkraw mat na ra ai. Gumrawng gumtawng ai Asuri gaw shagrit kau ai hkrum nna, chyalai n-gun hte hpring ai Egutu mung n-gun daw mat na ra ai,

ZEHKARIA 2:13

Masha shagu hte e, shi gaw shi a chyoi pra ai nga shara kaw na du sa nga ai majaw dai Madu a man e asim sha nga nga mu.

ZEHKARIA 2:9

“Dai Madu gaw shi nan nanhte hpe ninghkap gasat na ra ai; nanhte gaw lang mi nanhte a shangun ma ni tai yu sai amyu masha ni a kashun kashe hpya kau ai hkrum na marin dai.” Ndai lam byin wa ai shaloi, Chyahtum Chyalai N-gun rawng ai dai Madu ngai hpe shangun dat ai amu, masha shagu chye na wa na mara ai.

1 KORINHTU 2:3

Dai rai nna, ngai nanhte kaw sa du nga ai ten hte ting hta gawng kya ai hte hkrit gari let,

2 KORINHTU 5:11

Anhte gaw dai Madu hpe hkrit kang ai ngu ai hpa rai nga ai hpe chye ga ai majaw kaga masha ni hpe lau la lu na matu shakut shaja ga ai. Karai Kasang anhte a lam akri akrai chye nga ai, nanhte mung nanhte a myit masin ni hta nye a lam atsawm sha chye nga myit dai ngu nna ngai myit mada nga nngai.

HEBRE 10:31

Hkrung nga ai Karai Kasang a lata de hkrat bang wa ai lam gaw nachying hkrithpa wa rai nga ai!