ESAIA 19:14 - Jinghpaw Common Language Bible 2009

¹⁴ Dai Madu gaw shanhte hpe shanut shanat rai nga ai hpaji jaw nu ai. De a akyu gaw, chyaru nang ai wa gaw tinang a nhpat hta bai galwi la ai zawn Egutu mung gaw lam shagu hta shut hpyit amu galaw ai hte ndi nda rai nga ai.

Jinghpaw Hanson Version Bible

¹⁴ Yehowa gaw Egutu mung ka-ang e nhtan shai ai wenyi kayau tawn da nna, chyaru nang ai wa gaw tinang a nhpat hta bai galwi ai hte maren, shanhte gaw Egutu hpe lam shagu hta shadam kau mu ai.

ESAIA 19:14 ပူးပေါင်းရင်းမြစ်များ

2 HKAWHKAM LABAU 18:22

Mihkaia mung ning ngu tsun let hpungdim dat wu ai: “Byin lai wa sai lam gaw ndai hku rai nga ai. Dai Madu gaw ndai na a myihtoi ni hpe mahtang nang hpe masu hkalem kau shangun nu ai. Rai ti mung nang nan chyawm gaw ru yak tsin-yam tsindam hkrum kadup na ra ai lam shi nan daw dan da nu ai!”

YOBA 12:16

Karai Kasang gaw n-gun hte tut nawng awng dang ai wa rai nga ai; masu hkalem hkrum ai wa hte hkalem ai wa gaw shi a lata hta rai nga ai.

YOBA 12:25

shanhte gaw nsin kata hta lamawm hkawm nna chyaru nang ai ni zawn ndi nda rai hkawm ma ai.

GA SHAGAWP 12:8

Nang zai byeng-ya hpaji hpe chye nga ai wa rai yang, shakawn shagrau ai nang hkrum na ndai; nang angawk ai wa rai yang chyawm gaw masha ni na a ntsa e yu kaji kau na mara ai.

ESAIA 19:2

Dai Madu gaw, “Ngai gaw Egutu mung kata hta dinghku majan shabyin dat nna, kahpu kanau shada da, htingbu htingbyen shada da hpe hpyen tai shangun na we ai. Shingjawng kashun mare ni hte shanhte shada da htim gasat wa nna, shingjawng kashun ai hkawhkam ni mung shanhte a magam tingnyang a matu malan da ting shakut wa na ra ai.

ESAIA 24:20

Ginding aga shi nan gaw chyaru nang ai wa zawn ndi nda rai nna, nbung laru kata na yihkyap kanga ai zawn, rai mat na ra ai. Mungkan ga gaw shi a shut hpyit ai yubak ni hta li nga ai; dai gaw kazut taw mat nna galoi mung bai rawt lu na ra ai n rai.

ESAIA 29:14

Dai rai nna ngai gaw shanhte langai hte langai hpe n myit mada ai mauhpa amu hte kajawng dat na nngai. Hpaji rawng ai ni angawk mat wa nna shanhte yawng a myit let ai lam gaw kaman lila tai mat na mara ai,” ngu nna tsun wu ai.

ESAIA 3:12

Gumhpraw hkoi sha ai ni gaw nye a amyu masha ni hpe dip gamyet sha nga ma ai, shanhte a hka madu ni gaw shanhte hpe masu hkalem nga ma ai. Nye a amyu masha ni e, nanhte a ningbaw ni gaw nanhte hpe lam woi shadam nga ma ai, dai rai nna nanhte gaw gara hku kayin wa na lam n chye nga myit dai.

ESAIA 9:16

Ndai amyu masha ni hpe lam woi ai ni gaw shanhte hpe lam shadam kau manu ai, shanhte hpe tsep kawp kashuk kashak shabyin kau manu ai.

YEREMIA 25:27

Dai hpang, dai Madu gaw ngai hpe, “Chyahtum Chyalai N-gun Rawng ai dai Madu Israela a Karai Kasang ngai nan shanhte hpang de shangun dat ai hpyen majan a majaw shanhte lu nang, madawn ai hte kataw mat nna n lu sharai rawt mat hkra dai ntsin lu na matu ngai hkang da ni ai lam shanhte hpe tsun u.

YEREMIA 48:26

Dai Madu gaw, “Moba gaw ngai hpe gumlau ai majaw, shi hpe chyaru nang kau shangun mu. Moba gaw shi a nhpat hta galwi la na ra ai, masha ni gaw shi hpe mani asawng kau na mara ai.

MAHTE 17:17

Yesu htan nna, “Nanhte gaw makam masham n rawng ai hte nhtan shai ai amyu she rai nga myit hka! Nanhte hte rau ngai galoi du hkra nga lu na rai ta? Galoi du hkra, ngai nanhte hpe sharang nga lu na rai ta? Dai la kasha ma hpe ngai hpang de woi sa wa marit,” ngu wu ai.

2 HTESALONI 2:11

Dai re ai majaw, dai sawt ai lam hpe shanhte kam sham hkra Karai Kasang gaw dai shut ai lam a n-gun atsam shanhte hta amu galaw na matu shangun dat wu ai.

TARA AGYI 9:23

Shaloi, Karai Kasang gaw Abimelek hte Shehkem masha ni langai hte langai a lapran e nhtan shai shangun ai hte shi hpe gumlau ma ai.