ESAIA 19:13 - Jinghpaw Common Language Bible 2009

¹³ Zoan hte Memhpi mare ningbaw ni gaw mana nga ma hka! Shanhte gaw masha amyu baw hpe lam woi lu na zawn nawn ma ai, rai ti mung shanhte gaw dai ni hpe lam woi shadam kau manu ai.

Jinghpaw Hanson Version Bible

¹³ Zoan du ni gaw mana masai; Nopa du ni gaw, shut masai; Egutu mung a amyu ni a njut nlung ni gaw, shi hpe lam shadam mu ai.

ESAIA 19:13 ပူးပေါင်းရင်းမြစ်များ

ESAIA 19:11

Zoan mare ningbaw ni gaw mana nga ma hka! Egutu mung na hpaji rawng htum ai masha ni gaw angawk ai hpaji jaw nga ma hka! Shanhte gaw moi na hpaji ninghkrin ni hte hkawhkam ni a hkringhtawng dagraw ai ni rai nga ga ai nga nna hkawhkam wa a man e shanhte kaning rai gwi tsun na rai nga ma ta?

YEREMIA 2:16

Rai sa, Memhpi hte Tahpan masha ni gaw shi a baw pungkum hpe kayat ga kau manu ai.

YEREMIA 44:1

Dai Madu gaw Egutu mung na Migdola, Tahpan hte Memhpi mare ni hte Egutu mung a dingda daw de nga nga ai Israela amyu masha ni yawng hte seng nna ngai hpe tsun wu ai.

YEREMIA 46:14

“Egutu mung na mare ni rai nga ai Migdola, Memhpi hte Tahpan mare ni hta ndai shiga htawn tsun mu: dai gaw ‘Nanhte a hkum hpe makawp maga na matu jin jin rai nga mu; nanhte kaw nga ai ni yawng gaw hpyen majan hta shaza hkrum na rai myit dai!

YEREMIA 46:19

Egutu masha ni e, bawng dung sa wa na matu jin jin rai nga mu! Memhpi mare gaw masha kadai mung n shanu ai hte shingran sharat katsi ai shara tai mat na ra ai.

EZEKELA 30:13

Tsaw Htum ai dai Madu gaw, “Memhpi mare na hpara sumla ni hte n teng n man ai karai ni hpe jahten kau na nngai. Kadai mung Egutu mung hpe up hkang lu na n rai, ngai gaw mungdan masha yawng hpe jahkrit shama na nngai.

EZEKELA 30:14

Ngai gaw Egutu mung a dingda daw ni hpe katsi katsang shara shatai kau nna, dingdung maga de nga ai Zoan mare hpe mung wan nat kau na nngai. Mungdan a mare daju rai nga ai Thebe mare hpe mung ari jaw na nngai.

EZEKELA 30:16

Ngai gaw Egutu mung hpe wan nat dat na nngai, Pelusim gaw tsin-yam tsindam hkrum na ra ai. Thebe mare bunghku ni agrawp daw kau hkrum ai hte mare gaw hka mawru e kaput, kau hkrum na ra ai.

HOSEA 9:6

Tsin-yam tsindam du nna amyu masha ni shaden kau ai hkrum ma ai shaloi, Egutu masha ni shanhte hpe hpawng shinggyin la nna Memhpi e lup makoi kau na ma ai! Shanhte a gumhpraw sut hte shanhte a dum nta nga ai shara ni gaw tsingdu tsingman ni hte ju sumwum ni lim ka-up kau hkrum na mara ai.

ZEHKARIA 10:4

Shanhte hta na nye a amyu masha ni hpe up na mung up du ni, ningbaw ni hte up hkang du ni pru wa na mara ai.

BU HKAWM 24:17

Htawm hpang na lam hpe ngai mada yu, Israela amyu baw hpe ngai mu; htoi tu ai shagan zawn Dai amyu baw hta hkawhkam langai pru na ra ai. Shi gaw wan shingram langai zawn Israela hta na du sa wa na ra ai; Shi gaw Moba ningbaw ni hpe anut kau nna, Shet a amyu ni yawng hpe kayat adup na ra ai.

ROMA 1:22

Shanhte gaw shanhte a hkum hpe hpaji chye ai ni rai ga ai ngu nna tsun ma ai rai ti mung shanhte gaw angawk angak re ai ni rai nga ma ai.

1 PETRU 2:7

Kam sham ai nanhte a matu mara ndai nlung gaw grai hpu ging nga ai; rai ti mung n kam n sham ai ni a matu mara chyawm gaw, “Wahpang gaw ai ni akyu n rawng ai ngu nna sai kau ai nlung gaw, njut jahtum na ahkyak dik ai nlung tai wa sai,” nga ai.

1 SAMUELA 14:38

Dai hpang Shawlu gaw amyu masha ni a ningbaw ni hpe, “Nang de sit wa marit, kaning re ai yubak wa galaw shut kau saga ai hpe dai ni tam sawk sagawn yu ga.