ESAIA 19:1 - Jinghpaw Common Language Bible 2009

¹ Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

Jinghpaw Hanson Version Bible

¹ Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

ESAIA 19:1 ပူးပေါင်းရင်းမြစ်များ

SHAKAWN KUNGDAWN 104:3

lamu madin hta nga ai hka ni a ntsa e, na a nta hpe gap da nga ndai. Nang gaw sumwi ni hpe na a gumra leng zawn, nang akyu jashawn nna; nbung a singkaw ntsa e, nang jawn nga ndai.

SHAKAWN KUNGDAWN 104:34

Nye a kabu gara ai lam gaw shi kaw na rai nga ai majaw, nye a mahkawn shakawn ai ga hpe Madu ra sharawng nga u ga law.

SHAKAWN KUNGDAWN 18:9

Shi gaw lamu hpe gang je nna yu wa ai hte shi a lagaw npu e, sin mak ai sumwi hte yu wa nu ai.

SHAKAWN KUNGDAWN 68:4

Karai Kasang hpe mahkawn mu, shi a mying nsang hpe mahkawn shakawn mu; sumwi jawn ai wa a matu lam shajin mu. Shi a mying gaw Madu rai nga ai, shi a man hta kabu gara nga mu!

PRU MAT 12:12

“Dai shana jang, Ngai gaw Egutu mung ting de dinghkren mat wa nna masha hte yam nga lahkawng yan kaw na kasha alat shagu hte hpe sat kau nhtawm, Egutu a karai ni yawng hpe mung ari jaw na we ai. Ngai gaw dai Madu rai nga nngai.

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

ESAIA 13:7

Masha shagu a lata ni kya gumba mat na mara ai, masha shagu a nden marai n rawng mat na ra ai.

ESAIA 19:16

Egutu masha ni gaw numsha ni zawn hkrit kaya agam wa ai aten du wa nga ai. Shanhte gaw dai Madu shanhte hpe ari jaw na matu shi a lata ladawn da nu ai hpe mu ai shaloi hkrit kajawng ai hte gari mat na mara ai.

ESAIA 21:9

Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.

YEREMIA 25:19

Ndai gaw gawm kaw na lu na kaga masha amyu baw ni yawng a mying jahpan ni rai nga ai: Egutu hkawhkam, shi a du salang ni hte ningbaw ni; Egutu masha ni yawng hte Egutu mung hta nga ai maigan masha ni yawng; Uza mung na hkawhkam ni yawng; Ashkelon na Hpilisti mare ni yawng a hkawhkam ni, Gaza, Ekron hte naw ngam nga ai Ashdod na hkawhkam ni yawng; Edom, Moba hte Amon mung na masha ni yawng; Turu hte Sidon mung na hkawhkam ni yawng; Ka-ang Panglai zunlawng mungdan ni a hkawhkam ni yawng; Dedan, Tema hte Buza mare ni; kara kadun rep ai amyu masha ni yawng; Arabi hkawhkam ni yawng; nam mali kata na amyu bawsang ni a hkawhkam ni yawng; Zimri, Elam hte Medi hkawhkam ni yawng; dingdung maga de nga ai ni ai tsan ai kaw na hkawhkam ni yawng. Ginding aga ntsa e nga ai masha amyu baw shagu gaw dai gawm kaw na la lu na rai ma ai. Yawng a jahtum e, Babelon hkawhkam wa mung dai gawm kaw na lu na ra ai.

YEREMIA 4:13

Yu u, gumlau hpyen gaw sumwi ni zawn sa wa mara ai. Shanhte a majan hpyen leng ni gaw nbung bung hpoi zawn rai nga ai, shanhte a hpyen gumra ni gaw galang ni hta grau nna lawan nga ma ai. Anhte sum mat saga ai! Anhte daw dan ai hkrum saga ai!

YEREMIA 44:8

Nanhte sa du shanu nga ai ndai Egutu mung hta, hpara sumla ni hpe nawku ai lai hte kaga hpara ni hpe nawng jau ai lai galaw let, ngai hpe hpa majaw pawt sindawng shangun nga myit ta? Nanhte hkum hpe shaza na matu mung, mungkan ga na masha amyu baw shagu gaw nanhte hpe asawng asang shatan nhkan ga tsun kau na matu mung, na a mying gaw dagam dala, matsa mawa ga tsun ai zawn lang na matu mung, nanhte gaw ndai n hkru ai amu hpe galaw nga myit ni?

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

YEREMIA 51:44

Ngai gaw Babelon hpara ngu ai Bela hpara hpe ari jaw na nngai, shi lagu tawn da ai arung arai ni hpe nhtang ap shangun na nngai. Masha amyu baw ni gaw dai hpara hpe htawm hpang de galoi mung nawku na mara ai n rai. “Babelon mare bunghku ni kadawng mat masai.

EZEKELA 30:13

Tsaw Htum ai dai Madu gaw, “Memhpi mare na hpara sumla ni hte n teng n man ai karai ni hpe jahten kau na nngai. Kadai mung Egutu mung hpe up hkang lu na n rai, ngai gaw mungdan masha yawng hpe jahkrit shama na nngai.

YOELA 3:19

“Shanhte gaw Yuda mung hpe gasat nna, dai hta nga ai mara n kap ai masha ni hpe sat kau mu ai majaw, Egutu mung gaw zaibru jang tai mat nna, Edom gaw katsi katsang hten run mat na ra ai.

NAHUM 1:1

Ndai gaw Ninewe hte seng ai mungga rai nga ai, Elkosha mare na Nahum mu ai shingran a lam rai nga ai.

NAHUM 1:3

Dai Madu gaw loi loi hte masin pawt ai n rai, rai ti mung shi gaw daru magam n-gun rawng nga ai hte mara lu ai wa hpe ari n jaw ai sha galoi mung dat dat ai n rai. Dai Madu hkawm ai shara hta, laru ru nga ai; sumwi ni gaw shi a lagaw a npu na ga nhpu rai nga a hka!

ZEHKARIA 10:11

Shanhte panglai tsin-yam hku lai di ai shaloi, dai Madu ngai nan panglai hka leng ni hpe kayat na nngai; Nila hka a sung ai ai shara ni hkun hkraw mat na ra ai. Gumrawng gumtawng ai Asuri gaw shagrit kau ai hkrum nna, chyalai n-gun hte hpring ai Egutu mung n-gun daw mat na ra ai,

ZEHKARIA 14:18

Egutu masha ni Sum Poi n galaw hkraw ai rai yang, lung wa na matu ningdang ai masha amyu baw shagu a ntsa e dai Madu shangun dat ai ana zinli hte maren shanhte hkrum sha na rai ma ai.

BU HKAWM 33:4

shadang sha alat ni hpe lup makoi nga ai Egutu masha ni a man hku adan aleng hte Ramese mare hku pru wa ma ai. Ndai amu galaw ai a majaw dai Madu gaw Egutu Hpara ni hta grau nna daru magam n-gun rawng nga ai hpe madun dan wu ai.

TARA JAHPRANG 33:26

Israela amyu masha ni e, nanhte a Karai Kasang hte bung ai karai mi n nga; shi a hpung shingkang hta jawn, Sumsing lamu de yawn; nang hpe karum la na nga, sumwi hta jawn nna du sa nga.

YAWSHU 2:11

Anhte shing re ai lam hpe na ga ai shaloi jang pyi hkrit gari nga saga ai; nanhte a lam na ga ai majaw anhte yawng myit daw mat saga ai. Dai Madu nanhte a Karai Kasang chyawm gaw sumsing lamu lahta tang hta mung, ndai ginding aga ntsa e mung Karai Kasang rai nga ai.

YAWSHU 2:24

“Kaja wa teng teng dai Madu anhte hpe mungdan ting jaw ya mani ai; dai kaw na masha nlang anhte hpe hkrit kajawng nga masai,” ngu nna tsun dan ma ai.

YAWSHU 2:9

shan hpe, “Dai Madu nanhte hpe ndai mungdan jaw kau sai mung, mung masha shagu nanhte hpe hkrit kajawng nga saga ai mung, ngai chye nngai.

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!