ESAIA 18:7 - Jinghpaw Common Language Bible 2009

⁷ Chyahtum Chyalai N-gun rawng ai dai Madu gaw mungkan ting jawm hkrit ai hte hkum shingyan galu nna hkum shan pri tsawm ai amyu masha ni, n-gun ja nhtawm daru magam n-gun hte hpring nga ai amyu hte hka nu hku hkan nna garan da ya sai dai mungdan kaw nna sak jaw ai shagu hkungga hpe hkap la na aten gaw du wa nga sai. Shanhte gaw Chyahtum Chyalai N-gun rawng ai dai Madu hpe nawku ai shara ngu ai Ziun Bum de sa wa na mara ai.

Jinghpaw Hanson Version Bible

⁷ Dai aten e, hkum shing-yan galu ai hte hkum shan manen ai amyu, moi npawt kaw nna ya du hkra gumshem ai amyu, hpareng reng nna kabye kau chye ai hte, hkanu jahka kau ai mungdan a amyu kaw na, Zaw nawng zaw wa up ai Yehowa a matu, kumhpaw kumhpa langai mi, Zaw nawng zaw wa up ai Yehowa amying ningsang nga ai Ziun bum de, la sa na mara ai.

ESAIA 18:7 ပူးပေါင်းရင်းမြစ်များ

2 HKAWHKAM LABAU 32:23

Amyu masha law law hte gaw Yerusalem de sa nna dai Madu a matu hkungga ni, Hezekia hpe kumhpa ni sa ya shajang ma ai; dai aten kaw nna amyu baw ni yawng Hezekia hpe shagrau sha-a nga ma ai.

SHAKAWN KUNGDAWN 68:32

Mungkan ga na mungdan ni e, Karai Kasang hpe shakawn mu; moi chyaloi nhkoi kaw nna nga nga sai lamu hta jawn nga ai Madu hpe mahkawn shakawn mu. Nsen kaba hte jahtau dat ai shi a nsen hpe madat mu.

ESAIA 16:1

Moba masha ni gaw nam mali na Sela mare kaw na sagu kasha langai hpe kumhpa hku nna Yerusalem up ai wa hpang de sak jaw dat ma ai.

ESAIA 18:2

Dai mungdan kaw na dat kasa ni gaw mai-aw hte galaw ai li ni hta jawn nna Nila hka nu de yawng yu wa ma ai. Lawan ladan re ai shiga gun kasa ni e, dum nta de nhtang wa masu! Hka nu ni hte jahka da ai na a mungdan de, n-gun ja nna daru magam n-gun rawng ai na a amyu baw hpang de, hkum shingyan tsaw nna hkum shan manen ai na a masha ni ngu ai mungkan ting jawm hkrit ai ni hpang de mungga la nhtang wa masu.

ESAIA 18:4

Dai Madu gaw ngai hpe, “Mangai aten lum ai shana ni hta atsin sha hkrat ai numri zawn, kahtet kang ai shani hta asim sha jan katen ai zawn sumsing lamu kaw nna ngai gum yu na nngai.

ESAIA 45:14

Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.

MIHKA 4:13

Dai Madu gaw, “Yerusalem masha ni e, rawt sa nna na a gumlau hpyen ni hpe ari jaw u! Hpri nrung hte magri mang lahkru rawng ai usu zawn ngai nang hpe n-gun shaja ya na nngai. Nang gaw masha amyu baw law law ni hpe adup mani kau na ra ai; shanhte kashun kashe rai lu la ai sut gan hpe mungkan ting a Madu rai nga ai, ngai hpang de sa sak ya na mara ai,” ngu nna tsun ai.

HABAKU 1:7

Shanhte gaw jahkrit ai hte hkrithpa lam shachyam shabra ma ai, shanhte nan tara hkum ni rai nga ma ai majaw, gumrawng nga ma ai.

ZEHPANI 3:10

Tsan la ai Ehtiopi mung na shabra kau dat ai nye a amyu masha ni pyi ngai hpang de shagu hkungga sa sak jaw na mara ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MAHTE 2:11

Shanhte dai nta hta e shang bang wa ma yang, dai ma kaji hte kanu Mari hpe shanhte mu mu ai rai nna, lahput hput di let shi hpe nawku mu ai. Tinang a sut sumpu hpaw nna, shi hpe aja, lawban, mura ngu ai kumhpa ni sak jaw mu ai.