ESAIA 18:6 - Jinghpaw Common Language Bible 2009

⁶ Shanhte a hpyenla ni a moi mang ni ntsa malen u ni hte matse labye du sat ni a man e asan sha taw nga na mara ai. Ntsa malen u ni gaw dai hpe ginhtawng ta hta sha nna, matse labye dusat ni gaw nshung ta hta amya sha na mara ai.

Jinghpaw Hanson Version Bible

⁶ Shanhte gaw, bum ga na u matse ni hte, ga ntsa na matse labye ni a matu tai wa nna, u matse ni gaw nlum ta e, ga ntsa na matse labye ni yawng kashung ta e, shanhte hpe amya sha na mara ai.

ESAIA 18:6 ပူးပေါင်းရင်းမြစ်များ

ESAIA 14:19

rai ti mung nang mahtang lup shara n lu nga ndai, na a moi mang gaw kabai shayat kau hkrum nga ai. Dai gaw majan hta sat kau hkrum ai hpyenla ni a moi mang ni hte ka-up da nna shanhte hte rau lunghkrung nhkun de kabai bang nna kabye anut kau hkrum nga ai.

ESAIA 23:13

(Matse labye dusat ni hpe Turu de shingle shang shangun ai gaw Asuri masha ni n rai, Babelon masha ni she rai ma ai. Babelon masha ni gaw langchyi ni hpe sharawt tawn nhtawm Turu a ngang ai hpyen dap ni hpe sharun shabyak kau ya let mare hpe jahten sharun kau da ma ai.)

ESAIA 46:11

Ngai gaw sinpraw maga de na masha langai du sa na shaga nga nngai; shi gaw langji zawn ntsa de nna htim yu wa na ra ai, ngai shatawng shada ai amu ni hpe shangut na ra ai. Ngai tsun ni ai, dai gaw byin wa na ra ai.

ESAIA 56:9

Dai Madu gaw maigan masha amyu baw ni hpe matse labye dusat ni zawn du sa wa nna shi a amyu masha ni hpe kawa sha kau na lam tsun nu ai.

YEREMIA 15:3

Dai Madu ngai gaw shanhte hta hkrit hpa amu mali byin wa na lam hpe daw dan da ni ai: shanhte gaw majan hta sat kau ai hkrum na mara ai; shanhte a moi mang ni gaw gwi ni e garawt mat wa hkrum na mara ai; ntsa malen u ni gaw dai ni hpe sha na mara ai, matse labye dusat ni gaw ngam da ai mang ni hpe araw sha na mara ai.

YEREMIA 16:4

Shanhte gaw hkrit hpa ana zinli ni hte si na mara ai; kadai mung shanhte a matu yawn madai ai hte lup makoi na n rai. Shanhte a moi mang ni gaw ga ntsa na namhpun sumpum ni zawn taw nga na mara ai. Shanhte gaw hpyen majan hta sat kau hkrum nna kawsi hpang gara ai hte htum mat na mara ai; shanhte a si mang ni gaw ntsa malen u ni hte matse labye ni a matu shahpa tai na mara ai.

YEREMIA 7:33

Dai moi mang ni gaw ntsa malen u ni hte nam na matse labye ni a matu lusha tai na ra ai; shanhte hpe gawn jahkrit shari na masha langai mi mung dai shara hta nga na ra ai n rai.

EZEKELA 31:13

Ntsa malen u ni pyen sa wa nna dai kran daw da ai hpun ntsa e pyen gum jup na mara ai; matse labye dusat ni mung de a lakung lakying ntsa hku lai hkawm na mara ai.