ESAIA 18:3 - Jinghpaw Common Language Bible 2009

³ Ginding aga ntsa ting hta nga ai masha shagu hte e, madat mu! Bum pungding ntsa e sharawt da na kumla dawnghkawn hpe yu yu mu! Pahtau dum ai nsen hpe madat mu!

Jinghpaw Hanson Version Bible

³ Mungkan e shanu nga ai, ga ntsa masha yawng hte e, bum ntsa e dawnghkawn sharawt nga yang, mada yu mu; pahtau dum yang, madat mara nga mu.

ESAIA 18:3 ပူးပေါင်းရင်းမြစ်များ

SHAKAWN KUNGDAWN 50:1

Dai Chyahtum Chyalai n-gun rawng ai Madu Karai Kasang mungga tsun ai; sinpraw kaw nna sinna maga du hkra na mungkan ting hpe shi shaga nga ai.

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 11:12

Dai Madu gaw bra ayai hkawm nga sai Israela hte Yuda amyu masha ni hpe lamu ga jut mali kaw nna bai woi la ai hte shinggyin da nga ai lam masha amyu baw hpe madun dan na nga, kumla dawnghkawn langai sharawt da na ra ai.

ESAIA 13:2

Kawng krin pungding ntsa e majan dawnghkawn sharawt da mu! Hpyenla ni hpe jahtau mu, gumrawng gumtawng ai mare chyinghka ni hpe gasat na, shanhte a matu kumla tai u ga, nanhte a lata lahpum sharawt da mu.

ESAIA 13:4

Bum ni a ntsa e garu kachyi nga ai-masha wunawng wuwa kaba a nsen, masha amyu baw ni a nsen hte mungdan ni zup hpawng nga ai nsen ni hpe madat mu. Hpyen luksuk ni a dai Madu gaw majan a matu shi a hpyen hpung ni hpe hkyen da nga ai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 31:9

Shanhte a hkawseng wa gaw hkrit gari ai hte hprawng mat wa na ra ai, du salang ni mung grai hkrit kajawng mat ma ai majaw shanhte a majan dawnghkawn ni hpe kabai kau da na mara ai,” ngu nna tsun ai. Dai Madu gaw ning nga tsun nu ai-dai Madu gaw Yerusalem hta nawku daw jau hkrum ai hte dai yang e shagu hkungga ni a matu wan nat hkungga nawng jau ya ai hkrum nga ai.

ESAIA 49:22

Tsaw Htum ai dai Madu gaw shi a amyu masha ni hpe ning ngu tsun nga ai: “Ngai gaw masha amyu baw ni hpe kumla madun na nngai, shanhte gaw na a ma kaji ni hpe dum nta de woi wa na mara ai.

ESAIA 5:26

Dai Madu gaw sumtsan na amyu baw langai hpe saw shaga na matu kumla langai jaw nga ai. Shi gaw shanhte hpe lamu ga htum kaw nna sa wa na matu lahpyaw hte shaga nga ai. Shanhte gaw ndai shara de tin tin, chyang chyang hte sa wa ma ai!

ESAIA 7:18

“Dai aten du ai shaloi, dai Madu gaw Nila hka nu a hka hku jahtum maga de nga ai hka shi, hka gai hkan nga ai jinu ni zawn law ai Egutu amyu masha ni hte, lagat zawn law ai Asuri masha ni hpe shanhte a mungdan kaw nna du sa wa na matu, lahpyaw hpyaw ai kumla hte shaga dat na ra ai.

YEREMIA 22:29

O lamu ga e, lamu ga, lamu ga e, Dai Madu ning nga tsun sai ga hpe madat u:

YEREMIA 51:27

“Gasat na matu masat dawnghkawn sharawt mu! Pahtau dum dat mu! Shaloi amyu baw ni na lu na mara ai! Babelon hpe gasat na amyu baw ni hpe hkyen da mu! Shi hpe gasat na matu Ararat, Mini, Ashkena mungdan ni hpe tsun mu. Woi gasat ningbaw na dap hpareng wa hpe san da mu. Dinggam-yaw zawn law nna kamawng ai hpyen gumra ni hpe woi lung wa mu.

MIHKA 1:2

Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.

MIHKA 6:2

Bum ni hte dinggrin anga nga ai mungkan ga na npawt nhpang ni e, dai Madu a amu madat mu! Dai Madu gaw shi a amyu masha ni hte dangrang na amu langai lu nga ai. Shi gaw Israela hpe mara shagun na ra ai.

MIHKA 6:9

Dai Madu hpe hkrit hkungga ai gaw hpaji byeng-ya rai nga ai. Shi gaw dai mare hpe jahtau tsun nna, “Mare kata hta hpawng nga ai amyu masha ni hte dai hpe san da ai ni e, madat mu!

ZEHKARIA 9:14

Dai Madu gaw shi a amyu masha ni a ntsa e dan pru nna; shi gaw shi a pala ni hpe myihprap gala ai zawn gap dat na ra ai. Tsaw Htum ai dai Madu gaw pahtau dum dat na ra ai; shi gaw dingda maga de na nbung laru hta hkawm sa wa na ra ai.

MAHTE 13:16

“Nanhte a myi mu lu nna, nanhte a na na lu nga malit dai majaw a lu myit dai.

MAHTE 13:9

“Na tu ai wa gaw na la u ga!,” nga nna ga hpungdim wu ai.