ESAIA 18:2 - Jinghpaw Common Language Bible 2009

² Dai mungdan kaw na dat kasa ni gaw mai-aw hte galaw ai li ni hta jawn nna Nila hka nu de yawng yu wa ma ai. Lawan ladan re ai shiga gun kasa ni e, dum nta de nhtang wa masu! Hka nu ni hte jahka da ai na a mungdan de, n-gun ja nna daru magam n-gun rawng ai na a amyu baw hpang de, hkum shingyan tsaw nna hkum shan manen ai na a masha ni ngu ai mungkan ting jawm hkrit ai ni hpang de mungga la nhtang wa masu.

Jinghpaw Hanson Version Bible

² Larau ladau re ai shangun ma ni e, sa ma su; hkum shing-yan galu ai hte hkum shan manen ai amyu, moi npawt kaw nna ya du hkra gumshem ai amyu, hpareng reng nna kabye kau chye ai hte, hkanu ni jahka kau ai mungdan a amyu hpang de sa ma su, nga nna tsun ai mungdan e, madat u!

ESAIA 18:2 ပူးပေါင်းရင်းမြစ်များ

2 HKAWHKAM LABAU 14:9

Zera mying ai Ehtiopi masha langai mi gaw hpyen masha sen shi rawng ai luksuk hte hpyen leng masum tsa hte rau Yuda mung hpe shang gasat nhtawm Maresha mare du hkra rawt lung wa wu ai.

2 HKAWHKAM LABAU 16:8

Ehtiopi hte Libya masha ni gaw hpyen leng law law hte gumra jawn ai masha law law rawng ai hpyen luksuk kaba n rai nga a ni? Rai ti mung nang gaw dai Madu hta shamyet shanat nga ndai majaw shanhte hpe dang kau lu ai awng padang nang hpe jaw ya nit dai.

YOBA 9:26

Nye a asak gaw lawan htum ai sanghpaw li zawn prangtai hpe htim magra ai galang zawn lawan lai mat wa nga ai.

PRU MAT 2:3

Rai ti mung dai numsha gaw shi hpe loi mi mung n lu makoi da lu sai majaw, mai-aw hpun hte galaw ai sumpu langai mi hpe la nhtawm dai hta hka n shang lu na matu namsu ni hte chya da wu ai. Shi gaw dai sumpu hta ma bang nhtawm hka kau na tsing galu tu ai shara hta tawn da wu ai.

ESAIA 18:7

Chyahtum Chyalai N-gun rawng ai dai Madu gaw mungkan ting jawm hkrit ai hte hkum shingyan galu nna hkum shan pri tsawm ai amyu masha ni, n-gun ja nhtawm daru magam n-gun hte hpring nga ai amyu hte hka nu hku hkan nna garan da ya sai dai mungdan kaw nna sak jaw ai shagu hkungga hpe hkap la na aten gaw du wa nga sai. Shanhte gaw Chyahtum Chyalai N-gun rawng ai dai Madu hpe nawku ai shara ngu ai Ziun Bum de sa wa na mara ai.

YEREMIA 49:14

Ngai gaw, “Edom e, ngai gaw dai Madu kaw na mungga lu la ni ai. Shi gaw kasa langai mi hpe masha amyu baw ni shanhte a hpyen luksuk ni hpe zup hpawng da na matu mung, nang hpe gasat na jin jin galaw da na matu mung sa tsun shangun nu ai.

EZEKELA 30:9

Dai nhtoi du ai shaloi, Egutu gaw jahten shaza kau hkrum nga sai, ngai gaw hpa n nawn ai Ehtiopi masha ni hpe myit shalau ya na matu kasa ni hpe sanghpaw li ni hte shangun dat na nngai. Shanhte gaw hkrit gari na mara ai. Dai nhtoi gaw du wa ra ai!”

OBEDIA 1:1

Ndai gaw Tsaw Htum ai Madu, Edom masha ni hte seng nna tsun ai Obadia a myihtoi ga rai nga ai. Dai Madu gaw masha amyu baw ni hpang de shi a kasa hpe shangun dat wu ai rai nna, anhte gaw ning nga tsun ai shi a mungga hpe na saga ai: “Jin jin rai nga mu! Edom hpe majan gasat na matu rawt sa saga!.”

HABAKU 1:7

Shanhte gaw jahkrit ai hte hkrithpa lam shachyam shabra ma ai, shanhte nan tara hkum ni rai nga ma ai majaw, gumrawng nga ma ai.

LUKA 10:19

Yu mu! Lapu hte n-gaw gawk ni hpe kabye lu na hte, gumlau a atsam yawng hpe dang lu na ahkang, ngai nanhte hpe jaw made ai rai nna, hpa mung nanhte hpe hkra lu na n rai.