ESAIA 17:8 - Jinghpaw Common Language Bible 2009

⁸ Shanhte gaw shanhte a lata ni hte galaw da sai tawn hkungri ni hpe galoi mung shamyet shanat na ma ai n rai, shanhte a lata amu ngu ai Ashera karai num a masat dingsat ni hte manam pyaw ai baw nat nawng na tawn hkungri ni hpe kam na ma ai n rai.

Jinghpaw Hanson Version Bible

⁸ Tinang a lata hte galaw da ai, tawn hkungri ni hpe mada yu na n rai; tinang layung hte galaw ai Asherim sumla ni hte jan sumla ni hpe hkungga lara na n rai.

ESAIA 17:8 ပူးပေါင်းရင်းမြစ်များ

2 SAMUELA 22:42

Karum la na matu shanhte tam ma ti mung, shanhte hpe kadai mung n hkye mawai la nga ai; Dai Madu hpe shanhte shaga ti mung, shi htan ya wu ai n rai.

2 HKAWHKAM LABAU 14:5

Tara maigan ni a nawku shara ni hte Yuda mare ni yawng hkan nga ai manam pyaw ai baw nawng ya ai tawn hkungri ni hpe shi asan apan shatsai kau wu ai majaw mungdan gaw shi a up hkang ai npu hta ngwi pyaw sim sa nga sai.

2 HKAWHKAM LABAU 31:1

Poi galaw ngut ai hpang, Israela amyu masha ni yawng gaw Yuda mung na mare shagu de pru sa nhtawm nlung shadaw ni hpe agrawp daw kau ma ai. Shanhte gaw Ashera karai num a sumla ni kran daw kau let tawn hkungri ni hte tara maigan masha ni a nawku shara ni mahkra hpe jahten sharun kau ma ai. Shanhte gaw naw ngam nga ai Yuda mung ting hte Benyamin, Ehprim hte Manashe ni a lamu ga ni hpe dai hte maren galaw ma ai. Dai hpang shanhte yawng tinang nang a nta ni de nhtang mat wa shajang ma ai.

2 HKAWHKAM LABAU 34:4

Shi a masha ni gaw shi reng hkang ai npu hta Bala hpara nawku ai shara hta tawn da ai tawn hkungri ni hpe agrawp mani kau ma ai. Dai makau e nga ai manam pyaw ai baw nat nawng ya ai hkungga ni hpe run hpya kau ya ma ai. Shanhte gaw Ashera hpara sumla hkrang ni hte kaga hpara sumla ni yawng hpe ayun ayaw di agrawp mani kau nna dai ni hpe nawng ya ai masha ni a lup ntsa hkan e gat ayai kau ma ai.

PRU MAT 34:13

Shing rai na malai, shanhte a tawn hkungri ni hpe run kau ya nna, chyoi pra ai shadaw ni hpe mung agrawp jahten kau ai hte shanhte a Ashera hpara num a hkrang sumla ni hpe kran daw kau ya na rai ndai.

ESAIA 1:29

Nanhte gaw nanhte galoi mung nawku yu sai hpun ni hte chyoi pra ai sun ni hta hpun hkai da nga myit dai majaw yawn hkyen hkrum na marin dai.

ESAIA 10:20

Naw ngam nga ai Israela amyu masha ni gaw shanhte hpe ganoi jahten kau sai amyu baw a ntsa e loi mi mung shamyet shanat n ra ai aten du wa nga sai. Shanhte gaw dai Madu Israela a chyoi pra ai Karai Kasang hpe kam hpa wa na mara ai.

ESAIA 17:9

Dai nhtoi du ai shaloi, Israela amyu masha ni a lata kaw nna hprawng mat wa nhtawm kau tawn da ai Hiwi hte Amori ni a mare ni zawn, ngang kang ai mare ni gaw katsi katsang shara tai mat nna hten run taw nga na mara ai.

ESAIA 2:8

Shanhte a lamu ga gaw hpara sumla ni hte hpring nga ai, shanhte gaw shanhte a lata ni hte nan galaw ai hkrang rai ni hpe nawku ma ai.

ESAIA 27:9

Rai ti mung maigan htung tara hkan ai ni a nlung tawn hkungri ni hpe namhtun ga hpraw hpe zawn gang daw kau ai hte, Ashera hpara num a masat dingsat kumla shing n rai manam pyaw ai baw tawn ai tawn hkungri ni, htawm hpang de galoi mung n nga mat hkra kabai kau lu ai shaloi chyu sha, Israela amyu masha ni a yubak ni raw dat kau ai hkrum na ra ai.

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

ESAIA 37:19

karai ni n rai nga ai shanhte a karai ni hpe nat kau ma ai; dai ni gaw masha a lata hte galaw ai hpun nlung hpara sumla ni sha rai nga ai hpe anhte yawng chye ga ai.

ESAIA 41:29

Ndai karai ni yawng kaman lila ni rai nga ma ai; shanhte gaw kaja wa hpa n lu galaw ma ai- ndai hpara sumla ni gaw n-gun kya ai hte daru magam n-gun n rawng nga ma ai.”

ESAIA 44:15

Masha langai wa mi gaw dai hpun daw mi hpe ju hpun shatai nna, daw mi hpe hpara sumla tawk nga ai. Bai hpun daw mi hte shi hkum hpe shalum na matu wan htung kaw wut nna muk mung kabaw nga ai; kaga daw mi hpe hpara sumla galaw nna dai hpe nawku nga ai.

YEREMIA 17:2

Na a amyu masha ni gaw tawn hkungri ni hta mung, tsit lali ai hpun shagu hte kawng pungding ni hkan Ashera hpara num a matu sharawt tawn ai sumla ni hpe nawku myit dai. Shanhte gaw nam na bum ntsa hkan e mung nawku ma ai. Na a mungdan ting hta nang shut kau ai yubak lam ni yawng a majaw na a sut gan hte arung arai ni hpe kashun la kau ya na matu, na a gumlau hpyen ni a lata de ngai ap kau na we ai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

HOSEA 14:8

Israela amyu masha ni gaw hpara sumla ni hte hpa mung seng na mara ai n rai; shanhte a akyu hpyi ga ni hpe ngai htan ya let shanhte hpe lanu lahku na we ai. Tsit lali ai hpun zawn ngai shanhte a makawp shingbyi shara tai ya na nngai; Ngai gaw shanhte yawng a shaman chyeju npawt rai nga nngai,” ngu nna tsun ai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

ZEHPANI 1:3

shinggyim masha ni hte dusat yam nga ni yawng, ntsa malen u ni hte hka kata na nga ni hpe ngai jahten kau na we ai. Ngai gaw tara n lang ai ni a hkrat sum ai lam hpe shabyin dat na nngai. Ngai gaw shinggyim masha yawng mayawng hpe shamyit kau na we ai; asak hkrung nga ai ni kadai mung ngam nga lu na n rai, nga nna Madu ngai nan tsun ni ai.

ZEHKARIA 13:2

Dai aten hta hpara sumla ni a amying hpe dai mungdan hta na yeng seng kau na nngai; shaloi kadai mung htawm hpang prat e, dai ni hpe galoi mung dum nga na ma ai n rai. Myihtoi tai na matu tsun ai ni kadai hpe mung ngai seng kau nna, hpara sumla ni hpe nawku na ra sharawng myit ni hpe la kau ya na we ai.

TARA JAHPRANG 7:5

Dai re ai majaw, shanhte a tawn hkungri ni hpe adawt agrawp kau ya mu; shanhte a chyoi pra ai nlung shadaw ni hpe adawt mani kau ya mu; shanhte a Ashera hpara num a masat kumla hpe kran daw kau ya mu; shanhte a hpara sumla ni nat kau ya mu.