ESAIA 17:7 - Jinghpaw Common Language Bible 2009

⁷ Dai nhtoi du ai shaloi, amyu masha ni gaw shanhte a Hpan Madu, Israela a chyoi pra ai Karai Kasang hpang de karum la na matu kayin wa na mara ai.

Jinghpaw Hanson Version Bible

⁷ Dai shani hta e, mung masha ni gaw, tinang a Hpan Madu hpe mada yu nna, shanhte a myi gaw Israela Chyoi pra ai Wa hpe hkungga lara na mara ai.

ESAIA 17:7 ပူးပေါင်းရင်းမြစ်များ

2 SAMUELA 22:42

Karum la na matu shanhte tam ma ti mung, shanhte hpe kadai mung n hkye mawai la nga ai; Dai Madu hpe shanhte shaga ti mung, shi htan ya wu ai n rai.

2 HKAWHKAM LABAU 31:1

Poi galaw ngut ai hpang, Israela amyu masha ni yawng gaw Yuda mung na mare shagu de pru sa nhtawm nlung shadaw ni hpe agrawp daw kau ma ai. Shanhte gaw Ashera karai num a sumla ni kran daw kau let tawn hkungri ni hte tara maigan masha ni a nawku shara ni mahkra hpe jahten sharun kau ma ai. Shanhte gaw naw ngam nga ai Yuda mung ting hte Benyamin, Ehprim hte Manashe ni a lamu ga ni hpe dai hte maren galaw ma ai. Dai hpang shanhte yawng tinang nang a nta ni de nhtang mat wa shajang ma ai.

SHAKAWN KUNGDAWN 95:6

Sa marit, anhte shi hpe dingnyawm ai hte nawku daw jau ga; anhte a Madu Hpan Wa Ningsang Wa a man e, lahput hput di ga.

ESAIA 19:22

Dai Madu gaw Egutu masha ni hpe ari jaw na ra ai, rai ti mung shi gaw shanhte hpe shamai shatsai ya na ra ai. Shanhte gaw shi kaw kayin wa na mara ai, shi gaw shanhte a akyu hpyi ga ni hpe na ya ai hte shanhte hpe shamai shatsai ya na ra ai.

ESAIA 22:11

Hka lawng dingsa na lwi hkrat wa ai hka hpe dim sha-ing da na matu nanhte gaw mare kata hta hka lawng ni hpe galaw manit dai. Rai ti mung nanhte gaw moi chyaloi nhkoi kaw nna dai lam yawng hpe yaw shada da ai hte byin wa na matu shabyin ya ai Karai Kasang a ga hpe n madat kau nga myit dai.

ESAIA 29:24

Angawk ai amyu masha ni chye la na matu sharin la na mara ai, tut nawng aput angun nga ai ni sharin achyin hkam la lu na matu kabu gara na mara ai.” ngu nna tsun wu ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

AMO LAIKA (AMOS) 3:12

Dai Madu gaw, “Sagu rem wa gaw hkanghkyi e sha kau sai sagu lagaw lahkawng shing n rai sagu a na daw mi hpe sha bai gare la lu ai zawn Samari masha ni hta na naw hkrung nga ai nkau mi chyu sha zing hkam ai sut gan hta hkrawn taw nga na mara ai.

MIHKA 7:7

Rai ti mung ngai gaw dai Madu hpe azi yu nga na nngai; ngai hpe hkye hkrang la ai Karai Kasang hpe kamhpa ai hte ngai ala nga na nngai. Nye a Karai Kasang gaw nye a ga madat ya na ra ai.