ESAIA 17:5 - Jinghpaw Common Language Bible 2009

⁵ Israela gaw nsi naisi dan nna shu la ngut sai yi langai hte bung na ra ai, dai gaw Rehpim Kadit e nlim gut la ngut sai yi zawn akrin akraw shara tai mat na ra ai.

Jinghpaw Hanson Version Bible

⁵ Mam dan ai wa gaw hkauling lahkawn nna, shi a lata hte mam nsi shu la ai zawn, rai na ra ai; gaja wa, Rehpim kadit e nlim gut la ai zawn, tai na ra ai.

ESAIA 17:5 ပူးပေါင်းရင်းမြစ်များ

2 SAMUELA 5:18

Hpilisti masha ni mung Rehpim Kadit de du nna, dai hpe sa madu la ma ai.

2 SAMUELA 5:22

Hpilisti masha ni gaw Rehpim Kadit de nhtang sa wa nhtawm dai shara hpe kalang mi bai sa madu la nga ma ai.

GA SHAGAWP 27:25

Wushat hpe dan la ngut ai hpang, wushat ningnan naw tu wa nga yang, bum nhkrem na tsing ni hpe dan lu ndai.

ESAIA 17:11

Rai tim, nang hkai da ai dai ni gaw maku rawt wa nna jahpawt manap e apu pu wa tim, dai yang e mangai shu la na aten naw n nga nga ai. Dai yang e ru yak tsin-yam tsindam hte shamai n lu ai nchyi nmu chyu sha nga nga na ra ai.

YEREMIA 51:33

Kade n na yang, hpyen wa gaw shanhte hpe kran kadang kau nna chyarang pa ntsa e mam kabye ai zawn shanhte hpe kabye anut kau na mara ai. Chyahtum Chyalai N-gun rawng ai dai Madu Israela a Karai Kasang ngai tsun ni ai,” ngu nna tsun ai.

YEREMIA 9:22

Masha si mang ni gaw hkauna pa hkan sumpum nga ai namhpun ni hte man dan ai wa a hpang e, lahkawn shinggyin la ai wa n nga ai hkauling zawn shara shagu hkan ayai taw nga ai. Ndai gaw dai Madu ngai hpe tsun shangun mayu ai ga rai nga ai,” ngu nna tsun ai.

HOSEA 6:11

“Yuda masha ni e, nanhte a matu chyawm gaw, nanhte galaw nga ai amu a matu nanhte hpe ari jaw na aten masat da ya mase ai.

YOELA 3:13

Shanhte gaw grai wa n hkru nga ma ai; mam shu la ai aten na nsi naisi zawn shanhte hpe gadoi la mu ai; sabyi ntsin kabrat mat ai aten du hkra, sabyi si ni hpe sabyi htumbyen hta hpring hkra kabye mu ai zawn shanhte hpe kabye agrawp kau u.”

MAHTE 13:30

Dai majaw, dai lahkawng yan nmut ta du hkra, rau tu kaba wa mu ga; nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,’” ngu mu ai.

YAWSHU 15:8

Yebusi masha ni nga ai Yerusalem mare a dingda maga e nga ai kawng ntsa na Hinom Kadit hku hkroi rai nga ai. Dai hpang Hinom Kadit a sinna maga na kawng pungding hku hprut, Rehpim Kadit a dingdung shingjut de hkren,

YAWSHU 18:16

Dai hpang, Rehpim Kadit a dingdung jahtum e nga ai Hinom Kadit hpe praw rai mu mada ai bum lagaw hku garet yu mat wa nna dingda maga Hinom Kadit hku lai, Enrogela de sa wa ai Yebusi masha ni nga ai bum marung a dingda maga de byawn rai nga ai.