ESAIA 17:3 - Jinghpaw Common Language Bible 2009

³ Israela gaw dahpran shara kata byin mat na ra ai, Damasku gaw shi a awng dawm shanglawt ahkaw ahkang sum mat na ra ai. Naw ngam nga ai Suri masha ni gaw Israela amyu masha ni zawn myi man sum mat na mara ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

Jinghpaw Hanson Version Bible

³ Ehprim mung na hpyen dap n nga na sai; Damasku a mungdan hte Suri mung hta matu mara n nga na sai: shanhte gaw Israela kashu kasha ni a arawng sadang zawn tai na mara ai,” nga nna Zaw nawng zaw wa up ai Yehowa tsun nga ai.

ESAIA 17:3 ပူးပေါင်းရင်းမြစ်များ

2 HKAWHKAM 16:9

Tiglat Pilesa mung Ahaza a karum hpyi ai ga hpe madat let, shi a hpyen luksuk hte rau Damasku mare de lung wa nna gasat la wu ai. Hkawhkam Rezin hpe mung sat kau nna mare masha ni hpe Kira shara de bawng masha hku woi mat wa ma ai.

2 HKAWHKAM 17:6

Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.

ESAIA 10:9

Ngai gaw Hkalno hte Hkarhkeme a mare ni hte Hamat hte Arpad a mare ni hpe mung, Samari hte Damasku mare ni hpe mung gasat dang kau ni ai.

ESAIA 16:14

Ya chyawm gaw, dai Madu gaw, “Moba a galu kaba ai sut gan gaw masum ning laman hta teng teng hkoi mat na ra ai. Dai mung na masha law law hta na nkau mi sha asak hkrung nga na mara ai, shanhte gaw n-gun kya mat na mara ai,” ngu nna tsun wu ai.

ESAIA 17:4

Dai Madu gaw, “Israela a galu kaba ai gaw htum mat wa nna, shi a sut su ai hpe matsan chyaren re ai hte galai kau hkrum na ra ai nhtoi du sa wa nga ai.

ESAIA 25:2

Nang gaw mare ni hpe jahten sharun kau nit dai, shanhte a ngang ai hpyen dap ni hpe jahten kau nga ndai. anhte a gumlau hpyen ni gap da ai hkawhkam htingnu ni htani htana hkoi mat masai.

ESAIA 7:16

Dai aten garai n du yang pyi, nanhte hpe jahkrit shama ai hkawhkam lahkawng a mung ni gaw shagram da kau ai hkrum na mara ai.

ESAIA 7:8

Hpa majaw nga yang, Suri gaw de a mare daju rai nga ai Damasku hta grau nna n-gun n rawng nga ai, Damasku gaw Hkawhkam Rezin hta grau n-gun n rawng nga ai. Israela a matu chyawm gaw amyu baw langai hku naw ngam nga na ni gaw kru shi manga ning laman agrawp kau ai hkrum na mara ai.

ESAIA 8:4

Dai ma gaw Nu e, Wa e, nga nna garai n chye shaga yang, Asuri hkawhkam gaw Damasku mare a sut gan ni hte Samari mung a lanep ni yawng hpe magawn la kau na ra ai,” ngu nna tsun wu ai.

HOSEA 1:4

dai Madu gaw Hosea hpe, “Shi hpe ‘Yezrela’ ngu nna shamying u, hpa majaw nga yang, kade n na yang, shi a kaji kawa Yehu Yezrela e shut kau ai masha sai jahkaw ai ru hka amu ni a matu Israela hkawhkam hpe ngai ari jaw na nngai. Ngai gaw Yehu wa a hkawhkam magam matu ni hpe jahtum kau na we ai.

HOSEA 1:6

Gome gaw lahkawng ngu na ma lu nga ai. Ndai lang na ma gaw shayi sha langai rai nga ai. Dai Madu gaw Hosea hpe, “Dai numsha hpe, ‘N tsaw ra nu ai’ ngu nna shamying u; hpa majaw nga yang, ngai gaw Israela amyu masha ni hpe galoi mung tsaw ra myit madun na nngai n rai; shanhte hpe mara raw dat ya na nngai n rai.

HOSEA 10:14

hpyen majan gaw nanhte a amyu masha ni kaw du nna nanhte a hpyen dap ni hten byak mat na mara ai. Dai gaw Betarbela mare hta hpyen majan byin ai shani Hkawhkam Shalman e jahten sharun kau ai mare zawn tai mat nna, kanu ni hte shanhte a kashu kasha ni mung adit sat kau hkrum nga masai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

HOSEA 8:8

Israela gaw kaga amyu baw ni zawn tai mat nna ndi chyaga zawn asung n shang nga ai.

HOSEA 9:11

Israela a galu kaba ai gaw ntsa malen u zawn pyen mat wa nna, dai yang e shanhte a matu ma n shaprat, numsha ma ni hkum gawng n li, ma hkum n tai rai na mara ai.

AMO LAIKA (AMOS) 8:14

Samari a hpara sumla ni hte dagam ai ni gaw, ‘Dan a hpara shing n rai Berasheba a hpara hte ndai amyu masha ni hkrat mat nna bai n rawt wa lu na mara ai,” nga nna tsun ma ai.