ESAIA 17:2 - Jinghpaw Common Language Bible 2009

² Suri mung na mare ni gaw htani htana katsi katsang shara tai mat na ra ai. Dai mare ni gaw sagu dumsu uhpung ni a udat shara tai mat na ra ai, kadai mung shanhte hpe gawt shapraw kau na n rai.

Jinghpaw Hanson Version Bible

² Aroera mare ni hpe kau da masai; de a mare dingsa ni hta sagu hpung ni hpum nga nna, shanhte hpe jahkrit ai kadai mung n nga ai.

ESAIA 17:2 ပူးပေါင်းရင်းမြစ်များ

YOBA 11:19

Na a gumlau hpyen ni hpe nang hkrit ra na ndai n rai; masha law law ni mung nang kaw karum sa hpyi na mara ai.

ESAIA 27:10

Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

ESAIA 5:17

Hten run mat sai mare ni hta, sagu kasha ni tsing makret sha nna, bainam kasha ni udat shara mu tam na mara ai.

ESAIA 7:21

“Dai aten du ai shaloi, hkauna galaw sha ai wa gaw dumsu kanu langai mi hte bainam kanu lahkawng hpe chyu sha rem da lu tim pyi,

ESAIA 7:22

dai ni gaw shi ra ai daram chyu hpe nhpaw n-ya jaw na mara ai. Rai sa, dai mungdan hta naw hti ngam nga ai masha ni mung nga chyu hte lagat ntsin lu sha na mara ai.

YEREMIA 48:19

Aroera mare hta shanu ai ni e, nanhte gaw lam makau e la tsap nga nna; hprawng kagat mat wa ai ni hpe san yu nna shanhte hta hpa byin sai lam hpe sawk sagawn mu.

YEREMIA 7:33

Dai moi mang ni gaw ntsa malen u ni hte nam na matse labye ni a matu lusha tai na ra ai; shanhte hpe gawn jahkrit shari na masha langai mi mung dai shara hta nga na ra ai n rai.

EZEKELA 25:5

Ngai gaw Raba mare hpe gawla-uk ulawng, Amon mungdan ting hpe sagu hpung ni a hpum shara ni shatai kau na nngai, shaloi ngai nan dai Madu rai nga nngai hpe nang chye lu na rin dai.

EZEKELA 39:26

Shanhte hpe jahkrit shama ai ni kadai mung n nga ai sha, shanhte a mungdan hta shim lum ai hte lang mi bai shanu nga lu ai shaloi, ngai hpe gumle gumlau di ai a majaw shanhte kade wa myi man sum hkrum nga ai hpe shanhte malap kau lu na mara ai.

MIHKA 4:4

Masha shagu gaw tinang a sabyi sun ni hte lakum hpun lapran hkan ngwi pyaw sim sa ai hte nga lu na mara ai, kadai mung shanhte hpe jahkrit na mara ai n rai. Chyahtum Chyalai N-gun rawng ai dai Madu gaw ndai lam hpe ga sadi tawn da nu ai.

ZEHPANI 2:6

Panglai hkin-gau na nanhte a lamu ga gaw udat shara, sagu rem ni a sum gap shara hte sagu hpung ni a ulawng shara ni tai mat na mara ai.

BU HKAWM 32:34

Gad a amyu bawsang ni gaw Dibon, Atarot, Aroera,

TARA JAHPRANG 2:36

Dai Madu anhte a Karai Kasang gaw Arnon Kadit makau na Aroera hte dai Kadit ka-ang e nga ai mare kaw na Gilead mung lam dingyang hkan nga ai mare ni yawng hpe dang la shangun mi ai. Anhte a matu nau wa ja la ai ngu na bunghku hte kum da ai mare langai mi mung n nga nga ai.

TARA JAHPRANG 3:12

Anhte dai lamu ga hpe madu la lu ai shaloi, Arnon hka makau na Aroera mare a dingdung maga na lamu ga hte Gilead bum ga chyen mi hta lawm ai mare ni gaw Rubin hte Gad amyu bawsang ni hpe ngai ap ya mase ai.

YAWSHU 13:16

Shanhte a lamu ga gaw (Arnon Kadit mahka) e de ai Aroera mare hte dai kadit ka-ang e nga ai mare kaw nna Medeba grup grup na bum layang ga yawng lawm nga ai.

YAWSHU 13:25

Shanhte a lamu ga gaw Yezera mare hte Gilead mung ting na mare ni yawng hte Raba sinpraw ang de na Aroera du hkra,