ESAIA 17:14 - Jinghpaw Common Language Bible 2009

¹⁴ Shanhte gaw shana de e hkrit kajawng hpa shabyin dat ma ai, rai ti mung jahpawt manap e, shanhte hkoi mat ma ai. Dai gaw anhte a mung hpe hpya lu hpya sha ai masha shagu hte a hpang jahtum na lam rai nga ai.

Jinghpaw Hanson Version Bible

¹⁴ Shana aten e rai yang shanhte hkrit kajawng nna, jahpawt manap garai n du yang, shanhte n nga masai. Dai gaw anhte hpe jahten shabyak ai ni a kumhtaw, anhte hpe hpya lu hpya sha ai ni a sali wunli rai nga ai.

ESAIA 17:14 ပူးပေါင်းရင်းမြစ်များ

2 HKAWHKAM 19:3

Da ndai gaw Esaia hpe sa jaw na, shi shanhte hpe tsun dat ai ga rai nga ai: “Dai ni gaw nni nkri hkrum ai shani rai nga ai. Anhte gaw asawng asang hkrum let ari jaw hkrum nga saga ai. Ma shangai na nhtoi gu ti mung shangai lu na matu n-gun grai kya nga ai numsha langai zawn rai nga saga ai.

2 HKAWHKAM 19:35

Dai Madu a lamu kasa gaw dai shana jang Asuri hpyen ni but nga ai dap de sa wa nna, hpyenla sen mi mun matsat hkying manga hte hpe sat kau wu ai. Hpang shani jahpawt jau jau aten hta dai shara e shanhte yawng si taw nga ma ai!

YOBA 20:29

Ndai gaw n hkru ai masha ni a matu sali wunli rai nga ai, dai sali wunli gaw shanhte a matu Karai Kasang san da ya nga ai.

SHAKAWN KUNGDAWN 37:36

rai ti mung, kade n na ai aten hta ngai lai wa yu ai shaloi dai shara hta shi n nga sai; shi hpe ngai tam yu tim, shi hpe n mu lu mat ni ai.

GA SHAGAWP 22:23

Dai Madu gaw shanhte a amu hpe tsun karum ya na ra ai; shanhte a asak hpe jahkrit shama ai ni kadai hpe mung, shi sharim kau na ra ai.

ESAIA 10:25

Kade n na yang, ngai nanhte hpe ari jaw nga ai hpe jahtum kau na nngai, dai hpang ngai shanhte hpe jahten kau na nngai.

ESAIA 21:12

Ngai gaw, “Jahpawt manap gaw du wa ra ai, rai ti mung shana bai du na ra ai. Nang bai san mayu ai rai yang, nhtang sa wa nna san u,” ngu nna htan we ai.

ESAIA 29:2

Dai hpang Karai Kasang gaw, “Karai Kasang a tawn hkungri,” ngu shamying ai mare a ntsa e tsin-yam tsindam shapraw na ra ai. Dai shara hta hkrap ngu hkrap ngoi hte hkrap agru ai nsen hpring nna, mare ting gaw asai hte gat lapri da ai tawn hkungri zawn tai mat na ra ai.

ESAIA 29:5

Yerusalem e, nang hpe gasat ai maigan masha ni yawng ga nhpu zawn gawut shapoi kau ai hkrum na mara ai, hkrit kajawng na zawn re ai shanhte a hpyen luksuk ni gaw yihku zawn poi mat wa na mara ai. Akajawng sha hte n myit mada ai aten hta

ESAIA 29:7

dai hpang masha amyu baw ni a hpyen luksuk ni gaw Karai Kasang a tawn hkungri a mare hpe gasat nga na mara ai, shanhte a hpyen laknak arung arai yawng hte hpyen hking arai magup hte gaw yup mang zawn hkoi mat na mara ai, dai gaw shana e myit mang ai arai lama mi zawn tai na ra ai.

ESAIA 30:28

Shi gaw arai yawng mayawng hpe agre shayawng kau dat ai mawru hka hpungla zawn shi a man e nbung hpe dat dat nga ai. Dai gaw masha amyu baw ni hpe hten byak lam de ye magawn mat wa nna shanhte a n hkru n shawp ai maw mawn lam ni hpe jahtum kau ya na ra ai.

ESAIA 33:1

Anhte a gumlau hpyen ni gaw dingnye hkrum nga ma ai! Shanhte hpe kadai e mung n hpya, gumle gumlau n galaw ti mung, shanhte mahtang hpya ai hte gumle gumlau di kau ma ai. Rai ti mung hpya kau na shanhte a aten hte gumle gumlau amu gaw htum mat na ra ai. Shanhte nan hpya lu hpya sha ai hte gumle gumlau ai amu a tsin-yam tsindam hkrum sha ai masha ni tai na mara ai.

ESAIA 33:18

Shawng e maigan masha ahkun hta ai ni hte kin-yu ni hpe hkrit ai lam ni gaw myit dum lam langai sha tai mat na ra ai.

ESAIA 34:17

Dai Madu gaw mungdan dai hpe shanhte a lapran e karan ya nna shanhte langai hte langai hpe kumhtaw karan ya na ra ai. Shanhte gaw dai mung e prat mi hte prat mi shanu nga na mara ai, shanhte gaw dai mung hpe htani htana madu la na mara ai.

ESAIA 41:12

ginding aga ntsa kaw na shanhte hkoi mat na mara ai.

YEREMIA 13:25

Ndai gaw na a hpang jahtum na lam tai na ra ai, nga nna shi tsun nu ai. Nang gaw shi hpe malap kau nhtawm n teng n man ai karai ni hta manoi nga nit dai majaw, ndai lam nang hta shabyin dat na matu shi daw dan nu ai.

YEREMIA 2:3

Israela e, nang hpe chyu sha ngai madu nngai; nang gaw nye a matu chyoi pra nga ndai. Ngai gaw nang hpe machyi shangun ai masha shagu a ntsa e nni nkri hte tsin-yam tsindam dat dat nngai. Dai Madu ngai nan tsun ni ai,” ngu nna tsun ai.

YEREMIA 49:10

Rai ti mung, ngai gaw Esaw a aru arat ni hpe atsai awai singgu krin di kau nngai; shanhte a shim ai shara ni hpe mung hpaw malang da ya na nngai, shanhte gaw loi mi pyi n lu makoi lu ma ai. Edom masha ni yawng jahten shaza kau hkrum nga masai. Shanhte kaw na langai wa mi mung ngam nga lu na ra ai n rai.

EZEKELA 39:10

Shanhte gaw wan ju na matu hpyen laknak arung arai ni lu nga ma ai majaw, layang hkan e hpun n hta, maling hkan e mung hpun n kran ra na mara ai. Shanhte hpe hpya lu hpya sha, kashun kashe lanep hta ai ni hpe shanhte hpya lu hpya sha nna kashun kashe lanep hta la na mara ai,” ngu nna tsun ai. Tsaw Htum ai dai Madu tsun nu ai.

ZEHKARIA 2:12

Yuda gaw shi a chyoi pra ai mungdan hta dai Madu lang mi bai lak san madu la ai hkrum na ra ai. Yerusalem gaw yawng hta shi tsaw ra htum ai mare tai na ra ai.

TARA AGYI 5:31

O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.