ESAIA 17:13 - Jinghpaw Common Language Bible 2009

¹³ Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

Jinghpaw Hanson Version Bible

¹³ gaja wa amyu baw ni gaw hka kaba law law zawn wu kadu timung, shi shanhte hpe daru kau nna, shanhte tsan tsan de hprawng mat wa masai; shanhte gaw bum ntsa e, nbung ahpawt nna poi mat wa ai mahkaw hte, bungsha hta lawm ai ga nhpu zawn, hkoi mat wa na mara ai.

ESAIA 17:13 ပူးပေါင်းရင်းမြစ်များ

YOBA 21:18

nbung e shapoi kau ai yihku zawn mung, nbung laru e ahpawt shapoi mat wa hkrum ai ga nhpu zawn mung shanhte hpe ari jaw na ra ai n rai ni?

YOBA 38:11

Ngai gaw dai hpe, “Ndai kaw sha du, htawra kaw nna n lai lu! Ndai yang e na a n-gun kaba rawng ai hka leng ni sim mat lu na,” ngu nna tsun nngai.

SHAKAWN KUNGDAWN 1:4

Rai ti mung, n hkru ai masha ni gaw dai zawn n rai; shanhte gaw nbung e shapoi ai numhkaw hte bung nga ma ai.

SHAKAWN KUNGDAWN 35:5

Dai Madu a lamu kasa gaw shanhte hpe hkan shachyut nga yang; shanhte gaw nbung e shapoi kau ai numhkaw zawn rai mat mu ga!

SHAKAWN KUNGDAWN 65:7

Nang gaw panglai hka ni a wu kadu ai nsen, hka leng ni a kashaw kashai ai nsen ni hte, amyu baw ni a rawt kabrawng ai hpe shazim kau nga ndai.

SHAKAWN KUNGDAWN 65:8

Na a magam amu ni gaw mungkan ga a jahtum shara maga mi kaw nna maga mi de du hkra, kabu gara jahtau garu shangun nga ai. Nang galaw dan sai galu kaba ai lamik kumla ni a majaw, mungkan ga ting mau mahka nga ma ai.

SHAKAWN KUNGDAWN 9:5

Nang gaw tara maigan ni hpe daw dan nna, tara n lang ai ni hpe shamyit kau nit dai; shanhte hpe galoi mung dum sana n rai.

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

ESAIA 21:15

Shanhte gaw shanhte hpe sat na matu jin jin rai nga ai nhtu kaw nna mung, gap na matu jin jin rai nga sai ndan kaw nna mung, majan a shoihpa shoirang yawng kaw na mung, hprawng lawt wa ai ni rai ma ai.

ESAIA 22:18

Shi gaw nang hpe magra la nna gumdin tarin nhtawm, grau dam lada ai mung de, kabai kau dat na ra ai. Nang gaw dai shara hta nang grai gumrawng ai hpyen leng makau e nang si wa na ndai. Nang gaw na a madu a nta hta myi man sum na rai ndai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 29:5

Yerusalem e, nang hpe gasat ai maigan masha ni yawng ga nhpu zawn gawut shapoi kau ai hkrum na mara ai, hkrit kajawng na zawn re ai shanhte a hpyen luksuk ni gaw yihku zawn poi mat wa na mara ai. Akajawng sha hte n myit mada ai aten hta

ESAIA 30:28

Shi gaw arai yawng mayawng hpe agre shayawng kau dat ai mawru hka hpungla zawn shi a man e nbung hpe dat dat nga ai. Dai gaw masha amyu baw ni hpe hten byak lam de ye magawn mat wa nna shanhte a n hkru n shawp ai maw mawn lam ni hpe jahtum kau ya na ra ai.

ESAIA 34:17

Dai Madu gaw mungdan dai hpe shanhte a lapran e karan ya nna shanhte langai hte langai hpe kumhtaw karan ya na ra ai. Shanhte gaw dai mung e prat mi hte prat mi shanu nga na mara ai, shanhte gaw dai mung hpe htani htana madu la na mara ai.

ESAIA 40:15

Masha amyu baw ni gaw dai Madu a matu kaman lila rai nga ai, dai ni gaw hka kahte mi hta pyi grau ma ai n rai; sumtsan ga na zunlawng ni gaw ga nhpu zawn tsang nga ai.

ESAIA 40:24

Shanhte gaw gat hkai nna ru garai n jung ai aten na hkai bawng ni zawn rai ma ai. Dai Madu gaw nbung hpe dat dat ai shaloi, dai ni hkraw mat ai hte yihku zawn shapoi kau ai hkrum nga ma ai.

ESAIA 41:11

“Nang hpe pawt sindawng ai ni gaw hkrat sum ai a kaya kahpa lam hpe chye wa na mara ai. Nang hpe gasat ai ni si mat na mara ai

ESAIA 8:7

Ngai Madu nan Asuri hkawseng hte shi a hpyen luksuk ni yawng hpe woi sa nna, Yuda mung hpe gasat kau shangun na nngai. Shanhte gaw hka hkin-gau hte daru ni yawng hpe lim kau shangun lu ai Uhprat hka nu a hka hpungla zawn rawt lung wa na mara ai.

Daniela 2:35

Hpri, kagam ga, magri mang, gumhpraw hte aja ni agrawp mani mat nna ginhtawng ta, chyarang pa ntsa e taw ai ga nhpu zawn tai mat nga ai. Dai gaw nbung e ahpawt kau ai n rai; ahkang ngam ai n rai. Rai ti mung dai nlung gaw bum tai wa nna lamu ga ting hpe ka-up kau nga ai.

HOSEA 13:3

Dai rai nna ndai masha ni gaw jahpawt manap na sai wan zawn mung, shani jau jau hkoi mat ai numri zawn mung, mat mat na ra ai. Shanhte gaw bungsha hte poi mat wa ai chyarang pa na mam nsan zawn mung, wan hkut shadaw na pru ai wan hkut zawn mung rai ma ai.

ZEHPANI 2:2

nanhte gaw nbung e shapoi kau hkrum ai numhkaw zawn garai n gawt kau hkrum ai hte dai Madu a masin kahtet ai gaw garai n hkru ai sha nanhte a ntsa de garai n du ai hte shi a sindawng kahtet ai hpe madun ai shani garai n du yang, nanhte a n hkru ai lam hpe hpyi nem nga mu.