ESAIA 17:12 - Jinghpaw Common Language Bible 2009

¹² Daru magam n-gun rawng ai masha amyu baw ni gaw panglai hka wu kadu ai nsen zawn, hka leng kaba ni ngoi kashaw ai nsen zawn garu gachyi nga ma ai.

Jinghpaw Hanson Version Bible

¹² Aka, nammukdara wu kadu ai zawn, masha amyu law law wu kadu nna, amyu baw ni gaw hka rum kaba zawn, wu nga ma ai:

ESAIA 17:12 ပူးပေါင်းရင်းမြစ်များ

SHAKAWN KUNGDAWN 18:4

Si hkrung si htan a hkrithpa gaw ngai hpe gawan da nna; jahten sharun ai a hka leng gumdin ni nye a ntsa e, taleng nga sai.

SHAKAWN KUNGDAWN 29:3

Dai Madu a nsen hpe, panglai hka ni a ntsa e, na lu nga ai; hpung shingkang dan hkung ai Karai Kasang a nsen gaw mu zawn ngoi nga ai, shi a nsen gaw nammukdara a ntsa e hpung tang kashaw nga ai.

SHAKAWN KUNGDAWN 83:2

Yu u, na a gumlau hpyen ni gumlang nga ma ai; nang hpe n ju n dawng nga ai ni rawt malan nga ma ai.

ESAIA 13:4

Bum ni a ntsa e garu kachyi nga ai-masha wunawng wuwa kaba a nsen, masha amyu baw ni a nsen hte mungdan ni zup hpawng nga ai nsen ni hpe madat mu. Hpyen luksuk ni a dai Madu gaw majan a matu shi a hpyen hpung ni hpe hkyen da nga ai.

ESAIA 28:17

Teng man rap ra ai gaw npawt nhpang a matu shadawn sumri tai na ra ai, ding man ai gaw de a joi si sumri rai na ra ai,” ngu nna tsun ai. Sin marang gaw nang manoi nga ai masu magaw ga mahkra hte hpe ye magawn mat wa nhtawm, mawru hka hpungla gaw nanhte a shim lum ai nga shara hpe agre jahten kau ya na ra ai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

ESAIA 8:9

Amyu baw ni e, hkrit ai myit hte rau hpawng shinggyin nga mu! Mungkan ga a sumtsan shara na masha ni e, madat mara nga mu. Gasat na matu hkyen da mu, rai ti mung hkrit tsang nga myit! Rai sa, jin jin rai nga ti mung, hkrit tsang nga mu!

ESAIA 9:5

Shang gasat ai luksuk a hpyen hkyepdin ni hte shanhte a sai galu ai hpun nba ni yawng, wan hte jahten kau hkrum na mara ai.

YEREMIA 6:23

Shanhte gaw shanhte a ndan ni hte nhtu ni hpe lang da ma ai; gumshem nna matsan n chye dum ai ni rai ma ai. Shanhte gumra jawn sa wa ma ai shaloi, shanhte a nsen gaw panglai hka wu kadu ai zawn rai nga ai. Shanhte gaw Yerusalem hpe htim gasat na matu jin jin rai nga masai,” ngu nna tsun ai.

EZEKELA 43:2

dai yang e, Israela a Karai Kasang a htoi tu ai hpung shingkang gaw sinpraw maga de nna pru wa ai hpe ngai mu nngai. Karai Kasang a nsen mung panglai hka wu kadu ai nsen hte bung nna ginding aga gaw kabrim ai nhtoi hte htoi tu nga ai.

Daniela 7:2

dai shana e ngai mu ai yup mang rai nga ai: Nbung ni man shagu de nna bung wa nhtawm nammukdara hka man ntsa hku ahpawt mat wa nga ai.

MIHKA 4:11

Masha amyu baw ni law law nang hpe gasat na matu hpawng nga masai. Shanhte gaw, “Yerusalem gaw hten run mat ra ai! Ndai mare hten run taw nga ai hpe anhte mu lu na ga ai!,” ngu nna tsun ma ai.

BU HKAWM 10:35

Dai Ga Shaka Sumpu rawt pru wa na rai jang, Mawshe gaw, “Madu e, rawt u, na a gumlau hpyen ni hpe shabra kau nna nang hpe n dawng ai ni hpe jahtaw kau u law!,” ngu nna tsun wu ai.

LUKA 21:25

“Dai shaloi e, jan shata, shagan ni hta laklai ai lamik kumla ni dan pru na ra ai. Ga ntsa e mungdan ni yawng gaw, panglai hkaleng ni a wu kadu ai nsen majaw hkrit kajawng ai hte myit ru myit tsang hkrum na mara ai.

SHINGRAN 17:1

Dai shaloi gawm sanit lang ai lamu kasa sanit hta langai mi gaw, ngai hpang de sa nna, “Sa rit, hka nu ni law law a makau e de da ai mare kaba ngu ai shawa num kaba hpe ari gara hku jaw na ra ai lam ngai nang hpe madun dan de ga:

SHINGRAN 17:15

Bai, lamu kasa gaw, “Nang mu ai shawa num dung nga ai hka nu ni gaw, masha mungdan ni, shawa masha wunawng wuwa ni, amyu baw ni hte, ga amyu myi shaga ai amyu ni, rai nga ma ai.