ESAIA 16:8 - Jinghpaw Common Language Bible 2009

⁸ Heshbon makau na yi sun ni hte Sibma a sabyi sun ni gaw hten za mat nga ai-ndai sabyi sun ni hta na pru ai sabyi ntsin gaw masha amyu baw ni a mung up du ni hpe lu nang shangun ngun rai nga ai. Kalang mi, sabyi ru ni gaw Yazera mare hte sinpraw maga de nga ai nam maling de du hkra mung, sinna maga de Jum Nawng a wora hkran de du hkra hkrawn sa wa nga ai.

Jinghpaw Hanson Version Bible

⁸ Kaning rai nme law, Heshbon a yi hkauna ni hte Sibma tsabyi ru ni gaw, nyui mat nga ai; amyu baw ni a du ni gaw, Yazera shara hte nam mali de hkrawn du ai lakung lakying ni hpe daw kau mu ai; de a makrung ni gaw nawng hpe pyi hkrawn lai nga ai.

ESAIA 16:8 ပူးပေါင်းရင်းမြစ်များ

2 SAMUELA 1:21

Gilaboa kawng ni hta marang mung numri mung n hkrat mat nu ga; De a yi hkauna ni gaw tut nawng e nsi naisi n shapraw ya nu ga! Magrau grang ai wa a ninggang ni gaw dai yang e n sawn nsang di kabai kau ai hkrum nga nu hka! Shawlu a ninggang gaw sau hte galoi mung n arut da lu na sai.

ESAIA 10:7

Rai ti mung Asuri hkawseng wa gaw shi a myit masin hta du daw sai hkaw na maw mawn lam ni rawng nga ai. Shi gaw masha amyu baw law law ni hpe gasat shamyit kau na matu daw dan jahkut da nga ai.

ESAIA 15:4

Heshbon hte Eleale masha ni jahtau hkrap ma ai rai nna, shanhte a marawn hkrap ai nsen hpe Yahaza mare du hkra na lu nga ai. Hpyenla ni mung hkrit gari ma ai; shanhte a nden marai mung n nga mat masai.

ESAIA 16:9

Ya chyawm gaw, ngai gaw Yazera a matu hkrap ai zawn Sibma a sabyi ru ni a matu hkrap na nngai. Amyu masha ni hpe kabu gara shangun na matu dai shara ni hta mangai n ngai nga ai majaw, nye a myi prwi ni gaw Heshbon hte Eleale a matu hkrat nga li ai.

ESAIA 24:7

Sabyi ru ni nyui mat ai hte sabyi ntsin n pru mat nga ai. Lang mi kabu gara yu sai masha shagu hte gaw ya aten myit n pyaw n ngawn rai nga ai,

YEREMIA 48:32

Ngai gaw Sibma masha ni a matu hte dai hta grau nna Yazera masha ni a matu mung, marawn hkrap na nngai. Sibma mare e, nang gaw Jum Nawng lai di nna, Yazera de du hkra hkrawn sa wa ai sabyi lakung ni zawn rai nga ndai. Rai ti mung, ya chyawm gaw, na a mangai nsi naisi ni hte na a sabyi si ni gaw jahten sharun kau ai hkrum nga sai.

BU HKAWM 21:32

Yazera mare hpe htim gasat la na matu, kaja htum ai mahkrun hkan sawk tam na masha ni hpe Mawshe shangun dat wu ai. Dai hpang Israela masha ni mung dai mare hte de a grup yin na kahtawng ni hpe gasat la nhtawm dai mung e nga nga ai Amori masha ni hpe shaden kau ma ai.

BU HKAWM 32:3

“Dai Madu gaw Israela amyu masha ni hpe karum nna shang madu la lu ai ndai ginwang na Atarot, Dibon, Yazera, Nimra, Heshbon, Eleale, Sibma, Nebo hte Beon kahtawng ni gaw yam nga rem sha na matu kaja ai lamu ga ni rai nga ai; anhte hta mung yam nga grai law nga mali ai.

BU HKAWM 32:35

Atrot Shohpan, Yazera, Yogbeha,

BU HKAWM 32:38

Nebo, Bela Meon ni hte Sibma mare ni hpe de ma ai. Shanhte bai de da ai mare ni hpe mying nnan hte galai shamying da ma ai.

YAWSHU 13:19

Kedemot, Mepat, Kiriahtim, Sibma, kadit na kawng e de ai Zeret Shahara;

YAWSHU 13:25

Shanhte a lamu ga gaw Yezera mare hte Gilead mung ting na mare ni yawng hte Raba sinpraw ang de na Aroera du hkra,