ESAIA 16:5 - Jinghpaw Common Language Bible 2009

⁵ Dai hpang Dawi a matu mara langai gaw hkawhkam tai na ra ai, shi gaw amyu masha ni hpe sadi sahka hte tsaw ra myit hte up hkang na ra ai. Shi gaw ding hpring ai amu galaw na matu lawan na ra ai; teng man rap ra ai amu nga nga ai hpe shi mu na ra ai.)

Jinghpaw Hanson Version Bible

⁵ tingnyang langai mi gaw n-gaw nwai ai hta jung nga nna, marai langai mi gaw, Dawi a sum hta, kangka re ai myit hte dai ntsa e dung nga na ra ai: shi gaw tara dara nna, dinghpring ai hku hkan let, alawan dawdan na ra ai.

ESAIA 16:5 ပူးပေါင်းရင်းမြစ်များ

2 SAMUELA 23:3

Israela a Karai Kasang ga tsun nu ai; Israela hpe makawp maga ai wa gaw ngai hpe ning nga nna tsun ai: “Teng man ai hku up hkang nna Karai Kasang a ga madat let up hkang ai hkawhkam gaw,

2 SAMUELA 5:9

Dai hpyen dap hpe gasat dang kau ngut ai hpang, dai shara e Dawi dung nna dai hpe, “Dawi a Mare,” ngu nna shamying wu ai. Shi gaw dai mare grup grup hte kawng a sinpraw maga de na lamu ga shara ni hta gaw gap galaw lajang da wu ai.

2 SAMUELA 7:16

Na a amyu matu mara ni tut nawng anga nga na mara ai; na a mungdan hpe htani htana agrin nga shangun na nngai. Na a magam tingnyang gaw galoi mung htum mat na ra ai n rai,’” ngu nna tsun wu ai.

1 HKAWHKAM 10:9

Dai Madu na a Karai Kasang hpe shakawn kungdawn ga law! Shi gaw nang hpe Israela hkawhkam shatai nhtawm shi hte nang rau rai nga ai hpe gade sha yu awng sharawng nga ai hpe madun dan nga nu ai. Shi gaw Israela hpe prat dingsa tsaw ra nga ai majaw teng man ai tara hte tara daw dan lu na matu shi nang hpe shanhte a hkawhkam shatai ya nit dai,” ngu nna tsun wu ai.

2 HKAWHKAM LABAU 31:20

Hkawhkam Hezekia gaw Yuda mung ting hta ding man ai amu hte dai Madu shi a Karai Kasang awng sharawng nga ai amu hpe galaw wu ai.

SHAKAWN KUNGDAWN 85:10

Tsaw ra myit hte sadi sahka myit gaw rau dan pru wa nga ai; ding man ai hte ngwi pyaw sim sa ai lam mung, ahpum ginshum wa na mara ai.

SHAKAWN KUNGDAWN 89:14

Na a mungdan hpe ding man ai hte teng man ai lam hta npawt gaw da nga ai; nang galaw ai lam shagu hte hta tsaw ra myit hte sadi sahka ai lam hpe madun dan nga ndai.

SHAKAWN KUNGDAWN 96:13

Dai Madu gaw mungkan ga hpe up hkang na matu du sa wa ai shaloi, shi gaw mungkan ga na amyu masha ni hpe teng man rap ra ai tara ni hte up hkang na ra ai.

SHAKAWN KUNGDAWN 98:9

kawng ni e shi a man hta, kabu gara ai hte mahkawn jawm mahkawn shakawn nga mu. Shi gaw mungkan ga na amyu masha ni hpe teng man rap ra ai tara hte up hkang na ra ai.

SHAKAWN KUNGDAWN 99:4

Chyahtum Chyalai n-gun rawng ai Hkawhkam wa e, nang gaw teng man ai lam hpe tsaw ra nga ndai; Israela mungdan hta, teng man ai tara hpe nang tawn da ya nit dai, ding man ai lam hte rap ra ai tara ni hpe mung nang jashawn da ya nit dai.

GA SHAGAWP 20:28

Hkawhkam wa gaw shi a up hkang ai lam hta, ding man ai, teng man ai hte rap ra ai tara ni hte up hkang nga dingsa gaw shi a hkawhkam aya hta agrin nga na ra ai.

GA SHAGAWP 29:14

Hkawhkam wa gaw matsan mayan masha wa a ahkaw ahkang hpe makawp maga ya ai wa rai yang shi gaw shaning na na up hkang lu na ra ai.

ESAIA 33:22

Sanghpaw li hta lang ai hkinghku ni yawng kaman lila rai nga ai; sanghpaw li sumpan ni hpe n lu kahpyan nga ai! Anhte gaw gumlau hpyen luksuk ni a sut gan yawng hpe rim la na ra ai, dai yang e sut gan grai law nga ai majaw lagaw hten ai masha pyi gam bum langai lu la nga ai. Dai Madu shi nan anhte a hkawhkam tai na ra ai; shi gaw anhte hpe up nna anhte hpe makawp maga na ra ai.

ESAIA 55:4

Ngai gaw shi hpe ningbaw hte masha amyu baw ni a hpyen du tai shangun ni ai, shi hku nna, ngai shanhte hpe nye a daru magam n-gun madun dan ni ai.

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

Daniela 7:27

Ginding aga ntsa na mungdan ni yawng a daru magam n-gun hte galu kaba ai lam gaw Tsaw Htum ai Karai Kasang a amyu masha ni a lata de ap kau ai hkrum na ra ai. Shanhte a hkawhkam daru magam n-gun gaw galoi mung htum mat na ra ai n rai; Ginding aga ntsa na up hkang du ni yawng mayawng mung shi hpe daw jau ai hte shi a ga madat mara na mara ai.

AMO LAIKA (AMOS) 9:11

Dai Madu gaw, “Ngai gaw daw hten mat ai nta langai zawn rai nga ai Dawi a mungdan hpe bai gaw gap da ai shaloi dai nhtoi du wa na ra ai. Ngai gaw de a bunghku ni hpe bai lajang ai hte dai hpe bai gaw gap da na nngai. Ngai gaw dai hpe bai gaw gap ai hte moi na zawn bai de da na nngai.

MIHKA 4:7

Shanhte gaw lagaw hten htu ai hte dum nta hte tsan gang nga ma ai, rai ti mung ngai chyawm gaw naw ngam nga ai ni hte nnan gaw sharawt la nhtawm shanhte gaw amyu kaba tai wa na mara ai. Ngai gaw shanhte hpe Ziun Bum ntsa e dai aten kaw nna htani htana du hkra up nga na nngai,” nga nna tsun ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.