ESAIA 16:4 - Jinghpaw Common Language Bible 2009

⁴ Na a mung hta anhte nga lu mi ga. Anhte hpe shamyit kau mayu ai ni a lata kaw na anhte hpe makawp maga la mi,” ngu nna tsun ma ai. (Dip gamyet sha hkrum ai hte jahten shaza ai amu gaw htum mat na ra ai, mungdan hpe agrawp jahten kau ai ni mung hkoi mat na mara ai.

Jinghpaw Hanson Version Bible

⁴ Ngai hte seng ai shapraw kau hkrum ai ni gaw, nang hte rau anga nga mu ga; nang gaw, Moba hpe zingri zingrat ai ni a man e shingbyi shingwung shara tai u ga; kaning rai nme law, Kashun kashe re ai wa gaw kaman sha rai nga nna, hten byak ai lam sim wa sai; adip arip re ai ni gaw dai mungdan hta shaza kau ai hkrum ma ai:

ESAIA 16:4 ပူးပေါင်းရင်းမြစ်များ

ESAIA 14:4

Shi dai amu galaw ai shaloi, shanhte gaw Babelon hkawhkam wa hpe ashu let ning ngu tsun ma ai: “Gumshem ai hkawhkam gaw di hkrat mat nu hka! Shi gaw kadai hpe mung galoi mung bai dip gamyet sana ra ai n rai!

ESAIA 15:6

Nimrim Hka Lawng gaw hkun hkraw mat sai, dai makau hta tu ai tsingdu mung nyip mat sai, tsit lali ai hpa mung n tu nga ai.

ESAIA 25:10

Dai Madu gaw Ziun Bum hpe makawp maga na ra ai, rai ti mung Moba masha ni chyawm gaw yihku hpe ngahkyi hta kabye anyak kau ai zawn kabye anut kau ai hkrum na mara ai.

ESAIA 33:1

Anhte a gumlau hpyen ni gaw dingnye hkrum nga ma ai! Shanhte hpe kadai e mung n hpya, gumle gumlau n galaw ti mung, shanhte mahtang hpya ai hte gumle gumlau di kau ma ai. Rai ti mung hpya kau na shanhte a aten hte gumle gumlau amu gaw htum mat na ra ai. Shanhte nan hpya lu hpya sha ai hte gumle gumlau ai amu a tsin-yam tsindam hkrum sha ai masha ni tai na mara ai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 51:13

Nang gaw nang hpe hpan da ai, sumsing lamu ni hpe kahpyan da ai wa, ginding aga a npawt nhpang ni hpe jahkrat tawn ai wa dai Madu hpe malap kau nu ni? Nang hpe dip gamyet sha ai ni a n-yun bu ai a tut nawng hkrit ra ai shara hte, nang hpe shamyit kau na matu jin jin rai nga ai ni a shara hta nang hpa majaw nga ang nga n ta? Shanhte a n-yun bu ai gaw nang hpe galoi mung hkra lu na n rai.

ESAIA 54:14

Teng man rap ra ai tara hte ding man ai gaw nang hpe n-gun shaja ya na ra ai. Nang gaw dip gamyet sha hkrum ai hte hkrit kajawng ai amu kaw na shim nga lu na ndai.

ESAIA 58:7

Na a lusha hpe kawsi kyet ai wa hpe karan ya u, dum nta n lu ai matsan mayan masha ni shang wa lu mu ga, na a nta ni hpe hpaw tawn u. Bu hpun na hpa mung n lu ai ni hpe hpun palawng jaw u, na a makyin jinghku ni hpe karum na hkum ningdang et.

ESAIA 9:4

Shanhte hpe lit shali shangun ai kandang hte shanhte a lahpa hpe adup ai hkawn ni hpe nang agrawp shadaw kau ya nit dai. Lai sai aten, Midian hpyen luksuk ni hpe nang anut dang kau ai zawn na a amyu masha ni hpe dip gamyet sha ai hte n-gun maku daw sha nga ai amyu baw hpe nang dang kau nga nit dai.

YEREMIA 40:11

Dai aten laman hte hta, Babelon hkawhkam wa gaw Israela masha nkau mi hpe Yuda mung e nga shangun ai hte Gedalia hpe dai mung a mung du aya dang da ma ai lam hpe Moba mung, Amon mung, Edom mung hte kaga mung hkan shanu hkawm nga ai Israela amyu masha ni yawng na ma ai.

YEREMIA 48:18

Dibon shara hta shanu nga ai nanhte gaw, nanhte a arawng sadang shara kaw na hkrat nhtawm ga ntsa na ga nhpu hta e dung nga mu; Moba hpe jahten sharun ai wa gaw ndai shara hta nga nga nna; shi a hpyen dap ni hpe sharun jahten kau na wu ai.

YEREMIA 48:8

Mare langai mi mung jahten sharun ai kaw na lawt lu na n rai; kadit hte layang ni mung hten run mat na mara ai. Dai Madu ngai nan tsun ni ai.

OBEDIA 1:14

Hprawng lawt lu na matu shakut ai ni hpe rim la na matu, lam numshe hkan e nang tsap nga ang nga ndai n rai. Nang gaw shanhte ru tsang hkrum ai shani hta, shanhte hpe gumlau hpyen a lata de ap kau ang nga ndai n rai.

ZEHKARIA 10:5

Yuda amyu masha ni gaw shanhte a gumlau hpyen ni hpe nmaw lam ntsa na hkumpup kata de kabye bang kau dat ai hte hpyenla ni zawn awng padang hkam la lu na mara ai. Dai Madu gaw shanhte hte rau rai nga ai majaw, shanhte gasat nna gumlau hpyen gumra jawn ai ni hpe pyi dang kau na mara ai.

ZEHKARIA 9:8

Nye a mungdan hpe ngai makawp maga na nngai, dai lamu ga hku hpyen hpung ni ga lai lu na ma ai n rai. Nye a amyu masha ni hpe dip gamyet sha na matu gumshem magam ni hpe galoi mung ahkang jaw na nngai n rai. Nye a amyu masha ni kade wa nni nkri hkrum sha nga masai hpe ngai mu se ai,” ngu nna tsun ai.

MALAHKI 4:3

Ngai shabyin ai nhtoi hta, nanhte gaw tara n lang ai ni hpe ka-up kau ai hte shanhte mung nanhte a lagaw npu e taw ai ga nhpu zawn tai mat na mara ai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

ROMA 16:20

Ngwi pyaw ai a npawt Karai Kasang gaw gade n na yang Satan wa hpe nanhte a lagaw npu e kabye agrawp kau na ra ai. Anhte a Madu Yesu a chyeju gaw nanhte hte rau anga nga u ga law.

TARA JAHPRANG 24:14

“Na a mare langai ngai hta nga ai Israela hpu nau shing n rai maigan masha hta rai tim, matsan mayan re ai hte ra kadawn nna nchyang amu galaw sha ai shangun ma hpe masu hkalem sha lu na ndai n rai.

SHINGRAN 11:2

Rai ti mung, dai htingnu a shinggan wang hpe gaw hkum shadawn et, hpa majaw nga yang, dai gaw maigan masha ni hpe ap ya kau ngut sai rai nna, shanhte gaw dai Chyoi Pra Ai Mare hpe shata mali shi lahkawng tup kabye dip da na mara ai.