ESAIA 16:12 - Jinghpaw Common Language Bible 2009

¹² Moba masha ni gaw bum ntsa na shanhte a nawku shara ni hte akyu hpyi na matu shanhte a nawku htingnu ni de shanhte hkum nan hki ba ai hte lung wa nga ma ai, rai ti mung dai gaw shanhte hpe mai kaja ai lam galaw ya lu nga ai n rai.

Jinghpaw Hanson Version Bible

¹² Moba gaw dawng pru nna, tinang a tsaw ai kawng hta, tinang hkum hpe shaba kau ai hte, tinang a nawku ai shara hta akyu hpyi timung, hpa lam la ai n rai.

ESAIA 16:12 ပူးပေါင်းရင်းမြစ်များ

1 HKAWHKAM 11:7

Yerusalem mare a sinpraw maga na bum ntsa e, matsat shabat re ai Moba karai Hkemosha hte matsat shabat re ai Amon a Molek hpe nawku na shara ni gaw da nga wu ai.

1 HKAWHKAM 18:29

Shanhte gaw shana de jan kangai mat wa ai aten du hkra jahtau marawn let abrawp shajang nga ma ti mung, hpa mahtai mi n pru, nsen langai mi mung n shara rai nga ai.

2 HKAWHKAM 19:12

Nye a kaji kawa ni gaw Gozan, Haran, hte Rezep mare ni hpe shamyit kau nna, Israela mung hta shanu nga ai Behteden amyu masha ni hpe sat kau nga ai; shanhte a karai ni shanhte hpe mawai la lu nga ma ai n rai.

2 HKAWHKAM 3:27

Dai rai nna shi a hkang hta hkaw dung na kasha alat hpe woi la nhtawm mare bunghku ntsa e Moba karai hpe hkungga shatai nna nawng kau wu ai. Shing rai Israela masha ni hkrit kajawng mat ma ai majaw mare kaw nna shanhte htingnut mat wa ai hte tinang nang a mung ga de nhtang mat wa shajang ma ai.

GA SHAGAWP 1:28

Shaloi e, nang gaw hpaji byeng-ya hpe shaga wa na rin dai; rai ti mung, ngai htan ya na nngai n rai. Nang gaw ngai hpe shara shagu hkan tam ti mung, ngai hpe mu tam na ndai n rai.

ESAIA 15:2

Dibon masha ni gaw nawku shara hta wa hkrap na matu kawng de lung wa ma ai. Moba masha ni gaw Nebo hte Medeba mare ni a matu sharung shayawt nga ma ai; shanhte gaw yawn hkyen ai hte shanhte a baw ni hte nhka mun ni hpe shangun kau ma ai.

ESAIA 16:13

Ndai gaw Moba hte seng nna shawng e dai Madu jaw ya ai mungga rai nga ai.

ESAIA 26:16

Madu e, nang gaw na a amyu masha ni hpe ari jaw nga ndai, nni nkri hkrum ai shaloi shanhte nang kaw akyu hpyi ma ai.

ESAIA 37:38

Lani mi na aten hta, shi gaw shi a hpara Nisrok a htingnu kata hta nawku nga yang, shi a kasha Adramelek hte Shareze yan gaw shan a nhtu hte shi hpe kahtam sat kau da nna, Ararat mung de hprawng mat wa ma ai. Kaga shi a shadang sha ngu na Esahadon mahtang shi a tingnyang hta hkaw matut dung nga ai.

ESAIA 47:13

Nang gaw hpaji jaw ga lu ti mung daru magam n-gun kata rai nga ndai. Na a gumhpan hpan sara ni, shagan hpe hka ja ai ni hte shata langai hpang langai du na ra ai aten na gumhpan hpan ai ni gaw shawng de sa nna nanhte a ntsa e byin na ra ai lam kaw na hkye la shangun mu.

YEREMIA 10:5

Dai zawn tawk da ai hpara sumla ni gaw ginshau yi hta u ni hpe jahkrit ai u shari sumla ni zawn rai nna, shanhte ga lu shaga ai n rai; shanhte n lu hkawm ai majaw, shanhte hpe hpai hkawm ra nga ai. Dai ni hpe hkum hkrit et, shanhte nang hpe ru yak jahkrum lu ma ai n rai, shanhte na a matu kaja ai amu hpa mung n galaw ya lu ma ai,” ngu nna tsun ai.

YEREMIA 48:13

Dai hpang, Israela amyu masha ni gaw shanhte kam hpa nga ai Behtela hpara hta kaya dum ma ai zawn, Moba masha ni mung shanhte a Hkemosha hpara a majaw kaya dum na mara ai.

YEREMIA 48:35

Shanhte nawku ai shara ni hta wan nat hkungga nawng jau nna, hpara ni hpe shagu hkungga nawng jau ya nga ai Moba amyu masha ni hpe ngai jahtum kau na we ai. Dai Madu ngai nan tsun ni ai.

YEREMIA 48:46

Moba masha ni gaw matsan dum hpa shara rai nga sahka! Hkemosha hpara hpe nawku ai masha ni shamyit kau hkrum sai, shanhte a shayi shadang sha ni hte shayi sha ni mung bawng rim hkrum mat wa nga masai.

YEREMIA 48:7

“Moba e, nang gaw na a n-gun hte sut gan hpe kam hpa nga ndai, rai ti mung, ya chyawm gaw nang hkrat sum mat nit dai; na a Hkemosha hpara mung shi a hkawhkam shadang sha ni hte hkinjawng ni hte hpawn bawng rim la hkrum na mara ai.

BU HKAWM 21:28

Lang mi ndai Heshbon mare kaw na Sihon a Hpyen luksuk gaw wan zawn pru hkawm let, Moba mung na Ara mare hpe jahten kau nu ai; Arnon a lahta na kawng ni hpe mayu kau nu ai.

BU HKAWM 22:39

Dai rai nna Balam gaw Balak hte rau Huzot mare de sa wa ma ai;

BU HKAWM 22:41

Hpang jahpawt e, Balak gaw Israela amyu masha ni hpe loi mi mu mada lu ai Bamot Bala kawng de Balam hpe woi lung wa wu ai.

BU HKAWM 23:14

Balak gaw shi hpe Pisga bum pungding na Zohpim pa de woi lung wa wu ai. Dai yang e mung tawn hkungri sanit gaw nhtawm tawn hkungri shagu hta usu langai hte sagu la langai ngai nat nawng wu ai.

BU HKAWM 23:28

Shing rai nam mali hpe mu mada lu ai Peora bum pungding de Balam hpe woi lung wa wu ai.

BU HKAWM 24:17

Htawm hpang na lam hpe ngai mada yu, Israela amyu baw hpe ngai mu; htoi tu ai shagan zawn Dai amyu baw hta hkawhkam langai pru na ra ai. Shi gaw wan shingram langai zawn Israela hta na du sa wa na ra ai; Shi gaw Moba ningbaw ni hpe anut kau nna, Shet a amyu ni yawng hpe kayat adup na ra ai.