ESAIA 16:10 - Jinghpaw Common Language Bible 2009

¹⁰ Ya chyawm gaw namhpun kaja ai yi hkauna ni hta kabu gara ai lam n nga sai. Kadai mung sabyi sun ni hta jahtau garu ai hte mahkawn mangoi ai lam n nga sai. Sabyi ntsin galaw shapraw na matu kadai mung sabyi si kabye ai n rai; kabu gara jahtau garu ai nsen htum mat sai.

Jinghpaw Hanson Version Bible

¹⁰ Kaja htum ai yi hkauna ni hta kabu gara, n nga sai; tsabyi sun ni hta mahkawn mangoi ai hte kabu gara nsen, n nga sai; tsabyi si htumbyen ni hta tsabyi si kabye ai wa, n nga sai; kabu jahtau ai nsen hpe ngai jasim kau we ai.

ESAIA 16:10 ပူးပေါင်းရင်းမြစ်များ

YOBA 24:11

Shanhte gaw sau a matu tsanlun, sabyi ntsin a matu sabyi si ni hpe shup ti mung, shanhte nan hpang gara nga ma ai.

ESAIA 24:11

Sabyi ntsin loi mi mung n nga sai majaw, amyu masha ni lam nmaw hkan jahtau garu nga ma ai. Kabu gara ai lam gaw htani htana htum mat sai; dai gaw ndai lamu ga kaw na shapraw kau hkrum nga sai.

ESAIA 32:10

Ya chyawm gaw nanhte myit dik mai nga myit dai, rai ti mung htaning ndai aten hta nanhte a matu sabyi si shinggyin la na hpa n nga na ra ai majaw nanhte myit htum mat na marin dai.

YEREMIA 48:33

Ga sau kaja ai Moba mung kaw na dai kabu gara ai hte kabu pyaw hpa lam hkoi mat sai. Sabyi htumbyen kaw na sabyi ntsin n lwi pru na matu mung, ngai galaw kau ni ai. Sabyi ntsin galaw shapraw ai mung kadai n nga sai majaw kadai mung n kabu lu nga masai.

EZEKELA 7:7

Mungdan hta shanu nga ai amyu masha ni e, na a matu jahtum aten du ra ai. Dai aten gaw ni magang wa ra ai; bum ntsa hkan na nawku ai shara ni hta awng padang masat poi galaw ai lam nga na ra ai n rai, kashuk kashak chyu sha byin ai aten du na ra ai.

YOELA 1:12

sabyi ru ni hte lagum hpun ni nyui nyip mat sai; namsi namsaw hpun ni yawng nyui mat nna si mat sai. Amyu masha ni a kabu gara lam gaw htum mat sai.

AMO LAIKA (AMOS) 5:11

Nanhte gaw matsan mayan masha ni hpe dip gamyet sha nna shanhte a nsi naisi ni kashun la kau ya nga myit dai majaw, nanhte gaw gap da ai tsawm ai nlung wahpang nta ni hta nga lu na myit dai n rai, nanhte hkai da ai tsawm la ai sabyi sun kata kaw na sabyi ntsin lu lu na myit dai n rai.

AMO LAIKA (AMOS) 5:17

Sabyi sun ni yawng hta mung hkrap ngu hkrap ngoi ai gaw nga na ra ai. Ndai amu yawng byin wa na ra ai hpa majaw nga yang, ngai nanhte hpe ari jaw na made ai,” ngu nna tsun nga ai. Dai Madu tsun nu ai.

AMO LAIKA (AMOS) 9:13

Dai Madu gaw, “Nhtoi ni du wa mara ai: “Nli tum tu ai gaw dai hpe dan la lu ai hta grau lawan tu na ra ai, sabyi si ni gaw sabyi ntsin galaw shapraw lu ai hta grau lawan tu na mara ai. Bum ni hta dwi ai sabyi ntsin kahte hkrat na ra ai, kawng ni hta sabyi ntsin ni lwi na ra ai.

ZEHPANI 1:13

Shanhte a sut gan lanep tai mat nna dum nta ni jahten kau ai hkrum na mara ai. Shanhte galaw da ai dum nta ni hta shanhte galoi mung rawng lu na mara ai n rai, sabyi sun hkai sharing da ti mung sabyi ntsin lu lu na mara ai n rai.”

TARA AGYI 9:27

Shanhte yawng mung shanhte a sabyi sun ni de sa nhtawm, sabyi si di, sabyi ntsin shup shapraw let poi galaw ma ai. Shanhte gaw shanhte a hpara htingnu de shang nhtawm lu let, sha let Abimelek hpe jahpoi asawng ma ai.