ESAIA 16:1 - Jinghpaw Common Language Bible 2009

¹ Moba masha ni gaw nam mali na Sela mare kaw na sagu kasha langai hpe kumhpa hku nna Yerusalem up ai wa hpang de sak jaw dat ma ai.

Jinghpaw Hanson Version Bible

¹ Dai mungdan hpe up ai wa a matu, Sela mare kaw na sagu kasha ni hpe, nam mali lam hku, Ziun bum na shayi sha hpang de, sak jaw dat mu.

ESAIA 16:1 ပူးပေါင်းရင်းမြစ်များ

2 SAMUELA 8:2

Dai hpang Moba mung masha ni hpe shi gasat dang kau wu ai. Shi gaw bawng masha shagu hpe ga ntsa e kaleng da shangun nhtawm dai ni kaw na masha masum hta lahkawng hkawng shaw la nna sat kau wu ai. Dai rai nna Moba masha ni mung Dawi a up hkang ai npu de shang mat wa ai hte shi hpe ahkun hkanse bang jaw ma ai.

2 HKAWHKAM 14:7

Amazia gaw Jum Kadit e Edom hpyenla mun mi hpe sat kau wu ai; bai shi gaw Sela mare hpe gasat dang la nna dai mare a mying hpe dai ni du hkra Yokhtela ngu nna shamying da wu ai.

2 HKAWHKAM 3:4

Moba Hkawhkam Mesha gaw sagu rem ai wa rai nna Israela hkawhkam wa hpe shaning shagu shagrau hkungga ai kumhpa ngu na sagu kasha 100,000 hte sagu 100,000 kaw na sagu mun ni hpe jaw jaw di wu ai.

EZRA 7:17

“Nang gaw ndai gumhpraw hpe sadi sahka hte jai nna, usu ni, sagu la ni, sagu kasha ni, nsi naisi ni hte sabyi ntsin mari nhtawm Yerusalem Nawku Htingnu a tawn hkungri ntsa e dai ni hpe nawng ya na rai ndai.

ESAIA 10:32

Dai ni jang, gumlau hpyen ni gaw Noba mare hta nga nga ma ai, dai yang e shanhte gaw Ziun Bum ngu ai Yerusalem mare hpe sha-ang nna shanhte a lata latup nna kanga dan ma ai.

ESAIA 42:11

Nam mali hte de a mare ni Karai Kasang hpe shakawn kungdawn mu ga; Kedara masha ni shi hpe shakawn kungdawn mu ga! Sela mare hta nga ai ni gaw bum pungding ni kaw nna kabu gara ai hte jahtau nga mu ga!

EZEKELA 45:16

“Mung masha ni yawng hte gaw Israela mung hpe up hkang ai du wa hpe ndai hkungga ni sak jaw lu na mara ai.

MIHKA 4:8

Yerusalem na nang Karai Kasang gaw sagu rem wa gaw langchyi ntsa kaw nna yu nga ai zawn shi a amyu masha ni hpe yu mada nga ai; dai mare gaw shawoi na zawn mungdan a mare daju kalang mi bai tai wa lu na ra ai.