ESAIA 15:7 - Jinghpaw Common Language Bible 2009

⁷ Masha ni gaw shanhte lu ai sut gan yawng hte hprawng shakut lu na matu Mu Mahka Kadit hpe lai di ma ai.

Jinghpaw Hanson Version Bible

⁷ Dai re ai majaw shanhte gaw tinang lu ai sutgan hte, mahkawng da ai arung arai ni hpe, mu mahka hpun hkaraw lai hkra la mat wa na mara ai.

ESAIA 15:7 ပူးပေါင်းရင်းမြစ်များ

ESAIA 10:14

Mungkan ga na masha amyu baw ni gaw u tsip langai hte bung nga ai, ngai gaw udi ni hpe aloi sha hkan magawn la lu ai zawn shanhte a sut gan ni hpe magawn la nngai. Ngai hpe jahkrit shama na singkaw langai mi mung n kahprap lu nga ai, ngai marawn kyek bun na n-gup kadai n hpaw mahka lu nga ai!,” nga nna shakawng nga ai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 15:8

Jahtau hkrap ai nsen gaw Moba mung a lamu ga jarit shara shagu hkan du hkra na lu nga ai. Dai nsen hpe Eglaim hte Berelim mare du hkra na lu nga ai.

ESAIA 30:6

Ndai gaw dingda nam mali e nga ai dusat ni hte seng ai Karai Kasang a mungga rai nga ai: “Dat kasa ni gaw hkanghkyi ni, atuk rawng ai lapu ni hte pyen ai baren ni nga nga ai dai hkrit tsang ra ai mungdan hku ga lai mat wa ma ai. Shanhte gaw shanhte a lawze ni hte gawla-uk ni hta manu dan ai kumhpa ni mara nna, shanhte hpe loi mi pyi n karum ya lu ai amyu baw ni a matu htaw sa ma ai.

ESAIA 5:29

Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

YEREMIA 48:36

“Dai rai nna, shanhte madu da ai sut gan ni htum mat ai majaw, marai langai ngai makoi mayang mahkawn hpe dum shapyaw dat ai zawn, nye a myit masin mung Moba hte Kira Here masha ni a matu sharung shayawt nga nngai.

JAW JAU 23:40

Dai shani e, nanhte a hpun hta na kaja htum ai namsi nkau mi hpe mung, namhtan hpun lakung ni, alap kap ai hpun lakung ni hpe la nhtawm dai Madu nanhte a Karai Kasang hpe shagrau sha-a na nawku htung hte seng ai poi hpe galaw hpang na rai myit dai.