ESAIA 15:6 - Jinghpaw Common Language Bible 2009

⁶ Nimrim Hka Lawng gaw hkun hkraw mat sai, dai makau hta tu ai tsingdu mung nyip mat sai, tsit lali ai hpa mung n tu nga ai.

Jinghpaw Hanson Version Bible

⁶ Kaning rai nme law Nimrim hka lawng ni katsi katsang rai mat sai; tsingdu tsingman hkraw mat sai; maku ni si mat sai, tsit lali ai baw hpa mung n tu hkraw ai.

ESAIA 15:6 ပူးပေါင်းရင်းမြစ်များ

YEREMIA 14:5

Pa layang ni hta ushat n nga ai majaw, chyahkyi kanu gaw shi a kasha hkalung hpe kau da nga ai.

YEREMIA 48:34

“Heshbon masha ni hte Eleale masha ni marawn jahtau ai shanhte a nsen hpe Yahaza du hkra na lu nga ai; dai nsen hpe Zoara mare hta nga ai masha ni mung na lu ma ai; Horonaim hte Eglat Shelishiya du hkra mung na lu nga ai; Nimrim hka shi pyi hkyet mat sai.

YOELA 2:3

Wan zawn shanhte hkai nmai ni sha ma ai. Shanhte a shawng na lamu ga gaw Eden Sun hte bung nga ai, rai ti mung shanhte a hpang e, dai gaw akrin ayang rai nga ai. Shanhte a lata kaw na hpa mung lawt lu ai n rai.

BU HKAWM 32:3

“Dai Madu gaw Israela amyu masha ni hpe karum nna shang madu la lu ai ndai ginwang na Atarot, Dibon, Yazera, Nimra, Heshbon, Eleale, Sibma, Nebo hte Beon kahtawng ni gaw yam nga rem sha na matu kaja ai lamu ga ni rai nga ai; anhte hta mung yam nga grai law nga mali ai.

BU HKAWM 32:36

Bet Nimra, hte Bet Haran ngu ai bunghku kum ai mare ni hpe bai de da ma ai.

YAWSHU 13:27

Yawdan Kadit hta de ai Bet Haram, Betnimra, Suhkot, Zahpon mare ni hte Heshbon Hkawhkam Sihon a mungdan lamu ga ngam ni lawm nga ai. Sinna maga de na shanhte a lamu ga jarit gaw Yawdan hka a dingdung Galile Nawng du hkra rai nga ai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.