ESAIA 15:3 - Jinghpaw Common Language Bible 2009

³ Lam nmaw hkan nga ai masha ni gaw lachyit nba bu hpun nga ma ai; mare lawk ni hte nta numgaw ntsa hkan e mung masha ni sharung shayawt ai hte jahtau hkrap nga ma ai.

Jinghpaw Hanson Version Bible

³ Shanhte gaw mare lam hkan e lachyit nba lawai nna, nta ni a ntsa e mung, mare htingwang hkan e mung, yawng sharung shayawt nga nna, ja ja hkrap ngu hkrap ngoi ma ai.

ESAIA 15:3 ပူးပေါင်းရင်းမြစ်များ

2 SAMUELA 3:31

Dawi gaw Yoab hte shi a masha ni hpe shanhte a bu hpun palawng ni gang je kau nhtawm lachyit nba lawai let Abna a matu sharung shayawt na lam hkang dat wu ai. Dai moi mang makoi mayang ai shaloi, Hkawhkam Dawi mung shi hkum nan moi mang shingdu kaw nna hkan sa nang wu ai.

2 HKAWHKAM 6:30

Dai lam hpe hkawhkam wa na la ngut jang, hkrit kajawng ai hte shi a hpun palawng ni hpe gang je kau nna lachyit hpun palawng bu hpun nga ai hpe mare bunghku hte htep rai nga nga ai amyu masha ni mahtang mu ma ai.

ESAIA 15:2

Dibon masha ni gaw nawku shara hta wa hkrap na matu kawng de lung wa ma ai. Moba masha ni gaw Nebo hte Medeba mare ni a matu sharung shayawt nga ma ai; shanhte gaw yawn hkyen ai hte shanhte a baw ni hte nhka mun ni hpe shangun kau ma ai.

ESAIA 22:1

Ndai gaw Shingran Kadit hte seng ai mungga langai rai nga ai. Hpa byin nga a ni? Mare masha ni yawng gaw hpa majaw nta numgaw ntsa e poi galaw nga ma ni?

ESAIA 22:4

Ya chyawm gaw si mat wa sai nye a amyu masha ni yawng a jaw e ahkup ahka nga hkra hkrap sharung na matu ngai hpe sha tawn da mi. Ngai hpe shalan shabran hkum rai myit.

ESAIA 3:24

Manam pyaw ai baw lang na malai, shanhte gaw ahpu ahkying nga manam na ra ai, tsawm ai shingkyit ni a malai, shanhte gaw ahtat awat re ai sumri ni kyit ra na mara ai; tsawm htap ai kara a malai, shanhte gaw abaw shakrin kau hkrum na mara ai; kaja ai bu hpun palawng ni a malai, shanhte gaw tsupni ni hpun ra na mara ai; shanhte a tsawm htap ai gaw kaya kahpa tai mat na mara ai!

YEREMIA 19:13

Nta numgaw hkan e, shagan ni hpe manam pyaw ai baw wan nat nawng nna, kaga hpara ni hpe hkungga nawng jau ai zawn sabyi ru jaw ma ai majaw, Yerusalem mare nta ni hte Yuda hkawhkam ni a nta ni gaw Tohpet shara zawn teng teng awu asin tai mat na ra ai nga nna shanhte hpe htawn tsun u,” ngu nna tsun ai.

YEREMIA 48:37

Shanhte yawng gaw kara shangun kau ma ai; shanhte a nhka mun ni hpe mung shangun ma ai. Shanhte yawng gaw shanhte a lata ni hpe jahpye kau nhtawm marai hkum shagu lachyit nba hpun ma ai.

SHARUNG SHAYAWT 2:10

Yerusalem na asak kaba sai salang ni gaw ga ntsa e atsin sha dung nga nhtawm, Shanhte a baw ntsa hkan e ga nhpu kap nga nna, shanhte a hkum ni hta lachyit nba ni lawai da nga ma ai. Num mahkawn ma ni mung ga de gum dagup nga ma ai.

EZEKELA 7:18

Shanhte gaw lachyit nba lawai nna yawng hkrit gari mat na mara ai. Shanhte a baw ni mung doi kau hkrum nna yawng gaw jahpoi hkrum na mara ai.

AMO LAIKA (AMOS) 8:10

Ngai gaw nanhte a poi ni hpe makoi mayang poi shatai kau nna, nanhte a kabu gara ai mahkawn mangoi ni hpe sharung shayawt ai hte galai kau ya na made ai. Ngai gaw nanhte a baw ni hpe shakrin kau shangun nhtawm lachyit nba hpun shangun na made ai. Nanhte gaw kasha shingtai si mat ai majaw kanu yan kawa yawn hkyen hkrum nga ai zawn tai na myit dai. Dai shani gaw ahkup ahka nga nna htum mat wa na ra ai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

TARA JAHPRANG 22:8

Nta ningnan gap ai shaloi numgaw grup grup hta makawp shinggang teng teng bang lu na rai ndai. Shing rai jang, marai langai ngai di hkrat si mat ti mung dai gaw na a lit rai na ra ai n rai.

YAKU 5:1

Lu su ai ni e, ya e ngai tsun ai hpe madat yu mu! Nanhte gaw du magang ra ai nni nkri nji nmu lam a majaw hkrap ngu hkrap ngoi rai nga mu!

1 SAMUELA 5:12

N si sai masha ni pyi mu shakrwi rawt jat wa ai a majaw karum la na matu shanhte a hpara ni hpe jahtau nga ma ai.