ESAIA 15:2 - Jinghpaw Common Language Bible 2009

² Dibon masha ni gaw nawku shara hta wa hkrap na matu kawng de lung wa ma ai. Moba masha ni gaw Nebo hte Medeba mare ni a matu sharung shayawt nga ma ai; shanhte gaw yawn hkyen ai hte shanhte a baw ni hte nhka mun ni hpe shangun kau ma ai.

Jinghpaw Hanson Version Bible

² Mung masha ni gaw hkrap ngu hkrap ngoi na matu, Bayit yan Dibon shara na, tsaw ai kawng ni de lung wa masai; Moba masha ni gaw Nebo yan Medeba shara a lam sharung shayawt nga ma ai; langai hte langai baw krin nna, nhka mun yawng doi kau hkrum masai.

ESAIA 15:2 ပူးပေါင်းရင်းမြစ်များ

2 SAMUELA 10:4

Hanun gaw Dawi a kasa ni hpe rim la nna shanhte a nhka mun maga mi de na shangun kau ya nhtawm dangbau du hkra shanhte a hpun palawng ni hpe rep kau ya let shanhte hpe dat kau dat mu ai.

1 HKAWHKAM LABAU 19:4

Hanun gaw Dawi a kasa ni hpe rim la nhtawm shanhte a nhka mun maga mi de na shangun kau ya let, dangbau du hkra shanhte a hpun palawng ni hpe rep kau ya nna dat kau dat wu ai.

YOBA 1:20

Dai hpang Yoba gaw rawt tsap nna shi a hpun palawng ni hpe yawn hkyen ai hte gang je kau wu ai. Shi a baw shangun kau let ga de myi man yawng nhtawm gum dagup nga ai.

ESAIA 14:31

Hpilisti mare ni yawng hte e, karum la lam a matu hkrap shabam nga mu! Nanhte yawng hte e, hkrit gari nga mu! Sumwi nhpu gaw dingdung maga hku nna du sa wa ra ai-dai gaw magrau grang ai hpyen luksuk langai rai nga ai.

ESAIA 15:3

Lam nmaw hkan nga ai masha ni gaw lachyit nba bu hpun nga ma ai; mare lawk ni hte nta numgaw ntsa hkan e mung masha ni sharung shayawt ai hte jahtau hkrap nga ma ai.

ESAIA 16:12

Moba masha ni gaw bum ntsa na shanhte a nawku shara ni hte akyu hpyi na matu shanhte a nawku htingnu ni de shanhte hkum nan hki ba ai hte lung wa nga ma ai, rai ti mung dai gaw shanhte hpe mai kaja ai lam galaw ya lu nga ai n rai.

ESAIA 16:7

Moba masha ni gaw shanhte hkam sha ai nni nkri a majaw hkrap wa na mara ai. Shanhte yawng gaw Kira-Heresha mare hta sha ga sai lusha kaja hpe dum wa ai shaloi hkrap wa na mara ai. Shanhte gaw myit htum myit chyum hkrum na mara ai.

ESAIA 22:12

Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

ESAIA 3:24

Manam pyaw ai baw lang na malai, shanhte gaw ahpu ahkying nga manam na ra ai, tsawm ai shingkyit ni a malai, shanhte gaw ahtat awat re ai sumri ni kyit ra na mara ai; tsawm htap ai kara a malai, shanhte gaw abaw shakrin kau hkrum na mara ai; kaja ai bu hpun palawng ni a malai, shanhte gaw tsupni ni hpun ra na mara ai; shanhte a tsawm htap ai gaw kaya kahpa tai mat na mara ai!

YEREMIA 3:21

Kawng pungding ni a ntsa e garu ai nsen langai na ai: dai gaw Israela amyu masha ni jahtau hkrap ai hte hpyi nem ai nsen rai nga ai; hpa majaw nga yang, shanhte gaw yubak lam ni hta asak hkrung nna dai Madu shanhte a Karai Kasang hpe malap kau manu ai.

YEREMIA 47:2

Shi gaw, “Yu mu! Dingdung shara hta hka ni rawt tung nga ai, dai gaw hka nu hpungtun zawn agre yu wa na ra ai. Dai gaw mungdan hpe mung, dai hta rawng marawng ni hpe mung, mare ni hte dai mung hta shanu nga ai amyu masha ni hpe mung ka-up kau na ra ai. Amyu masha ni mung karum la na matu tsun jahtau na mara ai; ginding aga ntsa na masha shagu hte gaw ahkup ahka nga hkra hkrap na mara ai.

YEREMIA 47:5

Yawn hkyen kaba gaw Gaza mare masha ni hpang de du nga sai, Ashkelon a mare masha ni atsin sha nga nga ma ai. Ngam nga ai Hpilisti masha ni galoi aten du hkra yawn madai nga na mu ni?

YEREMIA 48:1

Ndai gaw Moba hpe lakap nna Chyahtum Chyalai N-gun rawng ai dai Madu tsun ai mungga rai nga ai: Nebo a masha ni matsan dum hpa rai sai- shanhte a mare hten za mat sai! Kiriahtim gaw sum mat sai, de a chyalai n-gun rawng ai hpyen dap gaw hpya hkrum nga sai, de a mare masha ni kaya kahpa hkrum nga masai;

YEREMIA 48:18

Dibon shara hta shanu nga ai nanhte gaw, nanhte a arawng sadang shara kaw na hkrat nhtawm ga ntsa na ga nhpu hta e dung nga mu; Moba hpe jahten sharun ai wa gaw ndai shara hta nga nga nna; shi a hpyen dap ni hpe sharun jahten kau na wu ai.

YEREMIA 48:31

Ngai gaw Moba mung hta shanu nga ai masha shagu a matu mung, Kira Here masha ni a matu mung hkrap nga na nngai.

YEREMIA 48:35

Shanhte nawku ai shara ni hta wan nat hkungga nawng jau nna, hpara ni hpe shagu hkungga nawng jau ya nga ai Moba amyu masha ni hpe ngai jahtum kau na we ai. Dai Madu ngai nan tsun ni ai.

YEREMIA 49:3

Heshbon mare masha ni e, marawn jahtau nga mu! Ai mare gaw hten za mat sai! Raba shayi sha ni e, sharung shayawt nga mu! Lachyit nba bu hpun nna sharung shayawt nga mu! Waw de kagat, le de kagat rai kagat kahkrang hkawm nga mu. Nanhte a Molek hpara gaw shi a hkinjawng ni hte hkawhkam shadang sha ni hte rau bawng rim mat wa hkrum na mara ai.

YEREMIA 7:29

“Yerusalem amyu masha ni e, sharung shayawt nga mu; na a kara zen di nna kabai kau u. Kawng pungding ntsa hkan e makoi mayang mahkawn hkawn mu, hpa majaw nga yang, dai Madu ngai gaw pawt sindawng nngai hte nye a amyu masha ni hpe ningdang kau ni ai.

EZEKELA 27:31

Shanhte gaw na a matu kara doi kau ai hte, tinang hkum hpe lachyit nba bu hpun da ma ai. Shanhte a myit masin ni gaw shanhte hkrap magang ahkup ahka rai ma ai.

EZEKELA 30:2

Shi gaw, “Si chye ai masha wa e, Tsaw Htum ai dai Madu ngai tsun nga ai mungga hpe myihtoi htoi nna tsun dan u. Nang gaw ndai mungga ni hpe jahtau tsun na rai ndai: Hkrit hpa nhtoi gaw du wa ra ai!

EZEKELA 7:18

Shanhte gaw lachyit nba lawai nna yawng hkrit gari mat na mara ai. Shanhte a baw ni mung doi kau hkrum nna yawng gaw jahpoi hkrum na mara ai.

JAW JAU 13:40

Masha langai mi hta shingdu aman baw krin mat ai rai tim, dai gaw shi hpe n san n seng shangun nga ai n rai.

JAW JAU 21:5

“Hkinjawng kadai mung tinang a baw shangun lu na n rai; tinang a nhka mun ahkut shara lu na n rai. Tinang a sharung shayawt lam madun dan na matu tinang hkum hpe gadoi jahpye lu na wu ai n rai.

AMO LAIKA (AMOS) 8:10

Ngai gaw nanhte a poi ni hpe makoi mayang poi shatai kau nna, nanhte a kabu gara ai mahkawn mangoi ni hpe sharung shayawt ai hte galai kau ya na made ai. Ngai gaw nanhte a baw ni hpe shakrin kau shangun nhtawm lachyit nba hpun shangun na made ai. Nanhte gaw kasha shingtai si mat ai majaw kanu yan kawa yawn hkyen hkrum nga ai zawn tai na myit dai. Dai shani gaw ahkup ahka nga nna htum mat wa na ra ai.

BU HKAWM 21:28

Lang mi ndai Heshbon mare kaw na Sihon a Hpyen luksuk gaw wan zawn pru hkawm let, Moba mung na Ara mare hpe jahten kau nu ai; Arnon a lahta na kawng ni hpe mayu kau nu ai.

BU HKAWM 21:30

Rai ti mung ya shanhte a amyu matu ni nga ai Heshbon kaw nna Dibon lam htum hkra; Nashim kaw na Medeba mare makau na Nohpa du hkra Jahten sharun kau ai hkrum nga sai.”

BU HKAWM 32:3

“Dai Madu gaw Israela amyu masha ni hpe karum nna shang madu la lu ai ndai ginwang na Atarot, Dibon, Yazera, Nimra, Heshbon, Eleale, Sibma, Nebo hte Beon kahtawng ni gaw yam nga rem sha na matu kaja ai lamu ga ni rai nga ai; anhte hta mung yam nga grai law nga mali ai.

BU HKAWM 32:38

Nebo, Bela Meon ni hte Sibma mare ni hpe de ma ai. Shanhte bai de da ai mare ni hpe mying nnan hte galai shamying da ma ai.

TARA JAHPRANG 14:1

“Nanhte gaw dai Madu nanhte a Karai Kasang a amyu masha ni rai nga myit dai. Si ai wa a matu sharung shayawt myit yang, kaga masha ni zawn tinang hkum hpe hkum gadoi jahpye nga myit. Nanhte a kahtan kara hpe mung hkum doi kau myit.

TARA JAHPRANG 34:1

Mawshe gaw Moba pa kaw nna, Nebo bum de lung wa nhtawm, Yerihko mare a sinpraw maga de nga ai Pisga bum pungding de lung wa wu ai. Dai Madu gaw dai yang kaw na shi hpe mungdan ting madun dan wu ai; dai ni gaw Gilead mung kaw nna dingdung maga de nga ai Dan a mare de du hkra;