ESAIA 14:32 - Jinghpaw Common Language Bible 2009

³² Anhte gaw Hpilisti mung kaw nna anhte hpang de du sa wa ai kasa ni hpe kaning ngu htan na rai ga ta? Anhte gaw shanhte hpe dai Madu gaw Ziun hpe gaw da nu ai; nni nkri hkam sha nga ai shi a amyu masha ni gaw dai yang e shim lum lam mu tam la na mara ai, ngu tsun dan na ga ai.

Jinghpaw Hanson Version Bible

³² Dai re ai majaw, sumtsan mung na kasa ni hpe, kaning ngu htan na rai ta? Yehowa gaw, Ziun mare hpe gaw da ai rai nna, shi a amyu hta nni nkri hkrum ai ni gaw, dai hta e shingbyi nga na mara ai.

ESAIA 14:32 ပူးပေါင်းရင်းမြစ်များ

2 SAMUELA 8:10

Shaloi shi gaw Toi e law law lang gasat ninghkap yu sai Hadadeza hpe gasat dang kau lu sai Hkawhkam Dawi a awng padang hpe shakawn shagrau na matu mung, shi hpe sa shakram la na matu mung, shi a kasha Yoram hpe shangun dat wu ai. Yoram mung aja, gumhpraw hte magri mang hte galaw ai kumhpa arung arai ni hpe la sa ya wu ai.

SHAKAWN KUNGDAWN 102:16

Madu gaw Ziun mare hpe bai gaw gap da ai shaloi, shi a galu kaba ai lam hpe madun dan na ra ai.

SHAKAWN KUNGDAWN 102:28

Anhte a kashu kasha ni shim lum ai hte shanu nga lu na mara ai; shanhte a aru arat ni gaw na a makawp maga ai npu hta shim nga lu na mara ai.

SHAKAWN KUNGDAWN 48:4

Hkawhkam ni jawm hpawng nga nna, Ziun bum hpe htim gasat na matu, shanhte pru sa wa ma ai.

SHAKAWN KUNGDAWN 87:1

Madu gaw shi a mare hpe chyoi pra ai bum ntsa e, de da nu ai;

SHAKAWN KUNGDAWN 87:5

Ziun chyawm gaw amyu baw yawng hte hte seng nga ai; Chyahtum Chyalai n-gun rawng ai Wa gaw dai bum hpe shangang shakang da na ra ai, nga nna tsun pru wa na mara ai.

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 25:4

Matsan mayan masha ni hte karum la masha n lu ai ni gaw nang kaw hprawng shang wa nna ru tsang hkrum ai aten ni hta shim lum nga ma ai. Nang gaw shanhte hpe nbung laru kaw na makoi shingbyi shara jaw ai hte hkru kahtet kang nga ai kaw na shingnip ka-up da ya nga ndai. Mazut ai gumlau hpyen ni gaw nshung ta na nbung laru langai zawn,

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ESAIA 29:19

Matsan mayan ni hte shagrit shanem ai amyu masha ni gaw dai Madu Israela a chyoi pra ai Karai Kasang jaw ai kabu gara lam hpe kalang mi bai mu na mara ai.

ESAIA 37:32

Yerusalem hte Ziun Bum ntsa hta naw ngam nga ai amyu masha ni nga nga na mara ai, hpa majaw nga yang, Chyahtum Chyalai N-gun rawng ai dai Madu gaw ndai hku byin shangun na myit daw dan da nu ai.

ESAIA 37:9

Ehtiopi Hkawhkam Tirhaka gaw Egutu hpyen luksuk woi nna shanhte hpe gasat na matu lung wa nga ai shiga Asuri masha ni kaw hkrang pru wa nga ai. Asuri hkawseng wa dai shiga na ai shaloi, shi gaw Yuda Hkawhkam Hezekia hpang de ning ngu ai laika langai shana dat wu ai.

ESAIA 39:1

Dai aten daram hta nan, Baladan a kasha Babelon hkawhkam Merodak Baladan gaw Hkawhkam Hezekia machyi hkrum nga ai shiga na wu ai, dai rai nna shi gaw shi hpang de laika langai hte kumhpa shagun ya wu ai.

ESAIA 4:6

Shi a hpung shingkang gaw shani na jan a kahtet kang ai kata kaw nna shim nga ai shara hte nbung laru hte marang htu ai kaw na shingbyi shinggang na matu dai mare a ntsa e shingnip ya na ra ai aten du wa nga ai.

ESAIA 44:28

Ngai gaw Kuru hkawhkam wa hpe, ‘Nang gaw nye a matu up hkang ai wa tai na rin dai; ngai nang hpe galaw shangun mayu ai amu hpe nang galaw na rai ndai: Yerusalem gaw bai de da na lam mung, Nawku Htingnu a npawt nhpang ni hpe jahkrat tawn na lam hpe mung, nang tara shapraw na rai ndai,’” ngu nna tsun ai.

ESAIA 54:11

Dai Madu gaw, “Nang gaw nni nkri hte matsan mayan hkrum ai mare, nang hpe shalan shabran na kadai n nga ai Yerusalem e, Ngai gaw na a npawt nhpang ni hpe hpu reng ai nlung ni hte bai gaw gap da na nngai.

ESAIA 57:13

Karum la na matu nanhte jahtau ai shaloi, ndai nanhte a hpara sumla ni nanhte hpe hkye la mu ga! Nsa sa lai nbung gaw shanhte hpe shapoi kau na ra ai. Rai ti mung ngai hpe kam hpa ai ni gaw mungdan hta shanu nga lu nna ngai hpe nye a Nawku Htingnu hta nawku lu na mara ai,” ngu nna tsun ai.

EZEKELA 48:35

Man maga mali grup ngu na mare bunghku hpe shadawn yang, yawng hkra pe 30,240 rai nga ai. Dai shani kaw nna dai mare a mying hpe, “Dai Madu Gaw Ndai Shara E Anga Nga Ai,” ngu nna shamying na mara ai.

ZEHPANI 3:12

Ngai gaw shagrit shanem ai masha ni hte matsan mayan re ai masha ni hpe Yerusalem e jahti da nna shanhte gaw karum la lam lu na matu ngai hpang de sa wa na mara ai.

ZEHKARIA 11:11

Dai rai nna, dai shani e dai ga shaka run kau hkrum nna, dut mari hkrum ai sagu ni ngai hpe azi yu nga ma ai rai nna, dai Madu tsun ai hte maren ngai galaw ai hpe shanhte chye nga ma ai.

ZEHKARIA 11:7

Sagu ni hpe dut mari ai ni gaw ngai hpe saw shaga ma ai; dai rai nna ngai gaw sat na matu san da ai sagu ni hpe rem ai wa ngai tai nga nngai. Ngai gaw dawhkrawng lahkawng la nna langai mi hpe “Myi man pa lam” kaga langai mi hpe “Myit hkrum lam” ngu nna shamying nngai. Shaloi sagu hpung hpe ngai bau rem nngai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

HEBRE 11:10

Hpa majaw nga yang, Abraham gaw Karai Kasang e hkrang kasi shapraw nna ngang grin ai npawt nhpang hte gaw gap da ngut sai mare hpe, shi myit mada ala nga ai.

HEBRE 12:22

Nanhte chyawm gaw Sina Bum a malai Ziun Bum hte lamu kasa mun sen nga ai ahkrung nga ai Karai Kasang a mare ngu ai sumsing lamu na Yerusalem mare de du nga manit dai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.