ESAIA 14:27 - Jinghpaw Common Language Bible 2009

²⁷ Chyahtum Chyalai N-gun rawng ai dai Madu gaw ndai amu galaw na matu daw dan da nga ai. Shi gaw ari jaw na matu shi a lahpum hpe ladawn da nu ai, kadai mung shi hpe jahkring da lu ai n rai.

Jinghpaw Hanson Version Bible

²⁷ Kaning rai nme law, Zaw nawng zaw wa up ai Yehowa myit shatawng da ai hpe, kadai hkum lu na rai ta? shi ladawn da ai lata hpe, kadai dawm kau lu na rai ta?

ESAIA 14:27 ပူးပေါင်းရင်းမြစ်များ

2 HKAWHKAM LABAU 20:6

“O Madu anhte a kaji kawa ni a Karai Kasang e, nang gaw mungkan ga na amyu baw ni yawng hpe sumsing lamu kaw nna up hkang nga ndai. Nang gaw daru magam n-gun hte chyalai n-gun hpring nga ndai majaw kadai mung nang hpe n lu ninghkap lu nga ai.

YOBA 11:10

Karai Kasang nang hpe rim la nna tara rung de woi shadu ai rai yang, shi hpe kadai hkum da lu a ta?

YOBA 23:13

Shi galoi mung galai shai ai n rai. Kadai mung shi hpe ninghkap lu ai n rai. Shi galaw mayu ai amu galaw nga ai kaw na shi hpe jahkring kau lu ai n rai.

YOBA 40:8

Ngai gaw shut hpyit ai hte n tara nga nngai; nang nan chyawm gaw ding man nga ai ngu, nang mara shagun mayu nga n ni?

YOBA 42:2

Madu e, nang gaw daru magam n-gun yawng hte hpring ai wa rai nna; nang ra ai lam magup hpe nang galaw lu nga ndai gaw ngai chye nngai.

YOBA 9:12

Shi ra ai arai hpe shi la nga ai, kadai mung shi hpe jahkring lu ai n rai; Kadai mung shi hpe, “Nang hpa galaw nga n ta?,” ngu nna san gwi nga ai n rai.

SHAKAWN KUNGDAWN 33:11

Rai ti mung, shi a yaw shada ai lam ni gaw htani htana agrin nga ai; shatawng shada ai lam ni mung prat dingsa anga nga ai.

GA SHAGAWP 19:21

Masha gaw lam magup hpe maw mawn mai nga ai; Madu a myit ra ai hte maren sha byin wa na ra ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 23:9

Chyahtum Chyalai N-gun rawng ai dai Madu gaw dai lam hpe shabyin dat nu ai. Shanhte galaw ai amu hta, shanhte a gumrawng gumtawng ai hpe jahtum kau na hte arawng sadang hte hpring ai shanhte a masha ni hpe shagrit kau na matu dai lam shabyin dat nu ai.

ESAIA 43:13

Ngai gaw Karai Kasang rai nga nngai, tut nawng arai nga na nngai. Kadai mung nye a daru magam n-gun kata kaw na lawt lu ai n rai; kadai mung ngai galaw ai amu hpe galai lu nga ai n rai,” ngu nna tsun ai.

ESAIA 46:11

Ngai gaw sinpraw maga de na masha langai du sa na shaga nga nngai; shi gaw langji zawn ntsa de nna htim yu wa na ra ai, ngai shatawng shada ai amu ni hpe shangut na ra ai. Ngai tsun ni ai, dai gaw byin wa na ra ai.

ESAIA 8:10

Nanhte a hpyen zai ladat shaw mu! Rai ti mung dai ni gaw galoi mung awng dang na mara ai n rai. Nanhte ra ai lam mahkra tsun mu! rai ti mung dai lam yawng kaman lila rai nga ai, hpa majaw nga yang Karai Kasang gaw anhte hte rau rai nga ai.

ESAIA 9:12

Sinpraw maga nga ai Suri mung hte sinna maga nga ai Hpilisti mung ni gaw Israela hpe mayu kau na matu shanhte a n-gup ni hpe mahka tawn da manu ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

YEREMIA 4:28

Ginding aga gaw sharung shayawt nna; sumsing lamu gaw sin mak mat na ra ai. Dai Madu gaw shi tsun nu ai ga hpe shi a myit hta jashai kau na ra ai n rai. Shi gaw shi a daw dan ai amu hpe galaw nu ai, bai dawm la kau na ra ai n rai.

YEREMIA 44:28

Rai ti mung, nanhte hta na nkau mi gaw si hkrung si htan kaw na hprawng lawt wa nhtawm Egutu mung kaw nna Yuda mung de nhtang wa na marin dai. Shaloi asak naw hkrung nga lu ai ni gaw nye a ga mahtang, shing n rai, shanhte a ga mahtang teng ai n teng ai hpe chye wa na mara ai.

YEREMIA 49:20

Dai rai nna, Edom masha ni a ntsa e ngai hpaji daw ai lam hte Teman mare masha ni a ntsa e, ngai galaw na maw mawn ai lam ni hpe madat mu. Dai mung na shanhte a kashu kasha ni gaw dun garawt kau ai pyi hkrum na mara ai; masha shagu hkrit kahpra na mara ai.

YEREMIA 51:59

Masea a kashu, Neria a kasha Seraia gaw Hkawhkam Zedekia kam lu ai shangun ma rai nga ai. Yuda Hkawhkam Zedekia hkaw dung ai mali ning hta e, shi hte rau Babelon mung de lung wa ai shaloi, ngai shi hpe hkang da ai ga nkau mi matsun da ni ai.

EZEKELA 26:14

Nga hkan ai ni shanhte a sumgawn ni lam jahkraw la ai dai krin ai lungrawk shara hpe chyu sha ngam tawn da na nngai. Dai mare hpe galoi mung bai de da lu na n rai. Tsaw Htum ai dai Madu ngai nan tsun ni ai,” ngu nna tsun wu ai.

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?