ESAIA 14:24 - Jinghpaw Common Language Bible 2009

²⁴ Chyahtum Chyalai N-gun rawng ai dai Madu gaw ning ngu dagam shaka wu ai: “Ngai maw mawn ai amu byin wa na ra ai. Ngai galaw na ngu daw dan da ai amu tai wa na ra ai.

Jinghpaw Hanson Version Bible

²⁴ Gaja wa, ngai myit aru yu ai hte maren byin na ra ai; ngai myit shatawng da ai hte maren tai na ra ai:

ESAIA 14:24 ပူးပေါင်းရင်းမြစ်များ

NINGPAWT NINGHPANG 41:32

Nang mu kahtap ai yup mang a lachyum gaw dai amu hpe Karai Kasang shagrin shangang nna dai hpe du na ra ai kade n na ai aten hta shi shabyin dat na ra ai lam rai nga ai.

YOBA 23:13

Shi galoi mung galai shai ai n rai. Kadai mung shi hpe ninghkap lu ai n rai. Shi galaw mayu ai amu galaw nga ai kaw na shi hpe jahkring kau lu ai n rai.

SHAKAWN KUNGDAWN 110:4

“Nang gaw Melhkizedek a hkringhtawng lam hta na htani htana hte seng ai hkinjawng tai na rin dai,” nga nna Madu dagam da ai ga sadi rai nhtawm, dai ga sadi hpe bai nhtang dawm la kau na n rai.

SHAKAWN KUNGDAWN 33:10

Dai Madu gaw masha amyu baw ni a shatawng shada ai lam ni hpe shanut kau ya nga ai; shanhte a maw mawn ai lam ni n awng dang u ga, shi shanhte hpe hkum shingdang da nga ai.

SHAKAWN KUNGDAWN 92:5

Madu e, na a amu ni gaw kade wa galu kaba nga a hka! na a myit sawn ai lam ni mung kade wa sung nga a hka!

PRU MAT 17:16

Shi gaw, “Dai Madu a ninglam sharawt mu! Dai Madu gaw Amalek masha ni hpe htani htana prat dingsa gasat nga na ra ai!,” ngu nna tsun wu ai.

GA SHAGAWP 19:21

Masha gaw lam magup hpe maw mawn mai nga ai; Madu a myit ra ai hte maren sha byin wa na ra ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 19:12

Egutu hkawhkam wa e, na a myit let ai hpaji jaw masha ni kanang nga nga ma ta? Shanhte gaw nang hpe Chyahtum Chyalai N-gun rawng ai dai Madu gaw Egutu a matu hpa baw shatawng shada da nga ai lam mahkoi lu tsun dan lu na ma ai kun?

ESAIA 19:17

Egutu masha ni gaw Chyahtum Chyalai N-gun rawng ai dai Madu gaw shanhte a matu hkyen lajang ya nu ai hpang jahtum na lam hpe shanhte aten shagu myit dum nga ma ai majaw Yuda hpe hkrit kajawng na mara ai.

ESAIA 55:8

Dai Madu gaw, “Nye a myit mang ai lam ni gaw nanhte zawn n rai nga ai, nye a lam ni gaw nanhte a lam ni hte kaga ga rai nga ai.

ESAIA 55:9

Sumsing lamu ni gaw ginding aga hta grau tsaw nga ai zawn, nye a lam ni hte nye a myit mang ai lam ni gaw nanhte hta grau tsaw nga ai.

YEREMIA 23:20

dai bungsha gaw shi galaw na matu myit shatawng da ai arai yawng mayawng hte hpe shi myit dik ai aten du hkra ahpawt nga nna, sim mat na ra ai n rai. Shi a amyu masha ni gaw du wa na aten ni hta dai lam hpe dan dan leng leng chye wa na mara ai,” ngu nna tsun ni ai.

YEREMIA 29:11

Nanhte a matu ngai hta rawng ai yaw shada lam ni hpe ngai chyu sha chye nngai, dai yaw shada lam gaw tsin-yam tsindam n rai, ngamu ngamai shangun na lam rai nga ai; nanhte myit mada nga ai du na ra ai aten hte seng ai yaw shada lam ni rai nga ai.

YEREMIA 44:26

Rai ti mung, ya chyawm gaw Egutu mung hta nga ai Israela amyu masha ni yawng hte e, dai Madu ngai nan nye a chyalai n-gun rawng ai amying hta ga shaka da sai ga hpe madat mu: ‘Ahkrung nga ai hte Tsaw Htum ai Madu a mying hte ngai dagam nngai,’ nga nna nye a mying gang let nanhte hta na langai wa mi mung dai ga shaka hpe galoi mung bai n tsun lu myit ga, ngai gaw nye a daru magam mying gang let dagam da ni ai.

YEREMIA 49:20

Dai rai nna, Edom masha ni a ntsa e ngai hpaji daw ai lam hte Teman mare masha ni a ntsa e, ngai galaw na maw mawn ai lam ni hpe madat mu. Dai mung na shanhte a kashu kasha ni gaw dun garawt kau ai pyi hkrum na mara ai; masha shagu hkrit kahpra na mara ai.

YEREMIA 50:45

Dai rai nna, Babelon mare hpe ngai htim na matu hpaji jaw ai lam hte de a amyu masha ni hpe ngai galaw na matu shatawng shada ai lam hpe madat mu. Shanhte a kashu kasha ni pyi dun garawt kau ai hkrum nna masha shagu hte gaw hkrit kajawng na mara ai.

SHARUNG SHAYAWT 3:37

Dai Madu a myit chyu sha hpa lam hpe rai tim tut nawng shabyin ya lu nga ai.

EZEKELA 12:25

Dai Madu ngai nan shanhte hpe tsun na nngai. Ngai tsun ai hte maren dik wa na ra ai. Dai gaw galoi mung aten la, htingnai nga na ra ai n rai. Gumlau chye ai ni e, nanhte asak hkrung nga ai laman, ngai galaw na ngu nna nanhte hpe shadum jahprang da ni ai hte maren ngai shadik na nngai. Ngai nan dai ga hpe tsun ni ai, nga nna Tsaw Htum ai dai Madu nan tsun ai.

EZEKELA 39:4

Goga hte shi a luksuk ni mung, shi a jinghku hpyen hpung ni mung, Israela bum ni a ntsa e kadawng si na mara ai; shanhte a moi mang ni hpe mung, ntsa malen u ni hte matse labye dusat dumyeng ni yawng a shahpa shatai kau na we ai.

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

AMO LAIKA (AMOS) 8:7

Dai Madu Israela a Karai Kasang gaw ning ngu dagam nu ai: “Ngai gaw shanhte a n hkru ai arawn alai ni hpe galoi mung malap kau na n rai.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

KASA 4:28

Shing rai shanhte hpawng de ai lam gaw Madu a n-gun atsam hte myit ra ai lam hku nna daw dan sai hte maren byin wa u ga matu rai nga ai.

EHPESU 1:9

Shi a hpaji byeng-ya hte mung, tau chye lu ai myit yawng hte mung, Karai Kasang gaw shi a shatawng da ai lam hpe galaw nu ai rai nna Hkristu a marang e shadik shatup na matu daw dan da sai, yaw shada da sai shi a makoi magap da ai galaw hkyen ai lam hpe shadan dan mani ai.

HEBRE 4:3

Kam sham ai ni anhte chyawm gaw, Karai Kasang ga ndat jaw da sai ngwi pyaw ban sa ai lam hpe hkam la lu ga ai. Dai gaw, “Ngai shanhte hpe pawt sindawng mawe ai rai nna, ‘Shanhte hpe ngai jaw na ngu ai ngwi pyaw ban sa ai mung de galoi mung n shang lu mu ga,’ ngu nna ngai ga ndat hte dagam da ni ai,’” nga nna shi tsun ai ga hte maren sha rai nga ai. Mungkan ga hpe shi nnan hpan da ai ten kaw nna shi galaw ra ai amu hpe yawng shangut da nu ai. Rai tim ndai ga hpe shi naw tsun wu ai.

YAWSHU 11:20

Israela amyu masha ni hpe hkap gasat gwi hkra dai Madu shanhte hpe daw dan shangun wu ai. Shaloi shanhte mahtang atsai awai jahten sharun kau na matu daw dan ai hkrum nna matsan dum myit n rawng ai sha shanhte yawng sat kau ai hkrum na rai ma ai. Ndai gaw dai Madu Mawshe hpe hkang da ai hte maren rai nga ai.