ESAIA 14:23 - Jinghpaw Common Language Bible 2009

²³ Ngai gaw Babelon hpe hka ing ai shara shatai kau na nngai, u hku ni gaw dai yang hkan nga na mara ai. Ngai gaw Babelon hpe maza mala mahkra ye kau ai dun-ye hte ye kau na nngai. Chyahtum Chyalai N-gun rawng ai dai Madu Ngai nan tsun ni ai,” nga nna tsun wu ai.

Jinghpaw Hanson Version Bible

²³ Bai ngai gaw dai mare hpe dumsi ni a nga shara hte, hka ing ai shara shatai na we ai. Ngai gaw hten byak ai ding-ye hte dai mare hpe ye kau na we ai,” nga nna Zaw nawng zaw wa up ai Yehowa tsun ai.

ESAIA 14:23 ပူးပေါင်းရင်းမြစ်များ

1 HKAWHKAM 14:10

Shing re ai amu a majaw, na a hkawhkam dap matu ni a ntsa e ru yak tsin-yam tsindam shapraw dat nna, lasha matu mara hta na kaji kaba yawng hpe sat kau na we ai. Na a dinghku hpe ngai yeng kau na nngai; shing rai shanhte gaw nga hkyi hpe zawn ye kau ai hkrum na mara ai.

2 HKAWHKAM 21:13

Samari hpe ngai galaw ai zawn mung Israela Hkawhkam Ahab hte shi a amyu matu ni hpe di ai zawn Yerusalem mare hpe ngai ari jaw na we ai. Hka wan hpe katsut jasan kau nna dagup da ai zawn Yerusalem mare e nga ai amyu masha ni hpe katsut jasan kau na we ai.

ESAIA 13:20

Kadai mung dai shara e galoi mung bai nga lu na n rai. Bu hkawm nga ai Arab masha ni mung dai shara hkan shanhte a sum gap sana ma ai n rai, sagu rem ai ni mung dai yang e sagu rem sana ma ai n rai.

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 21:1

Ndai gaw Babelon mung hte seng ai mungga rai nga ai. Zaibru jang hpe lai di nna bung wa ai bung hpoi zawn, tsin-yam tsindam gaw hkrit na zawn re ai mung kaw nna sa wa na ra ai.

YEREMIA 50:26

Dai mung hpe lamu ga man shara shagu de na gasat mu; dai mung na mam dum ni hpe adawt hpaw mu! Mam sumpum zawn lanep ni hpe magawn sumpum da mu! Mungdan hpe jahten sharun kau mu! Arung arai hpa mung hkum ngam da myit!

YEREMIA 50:3

“Dingdung maga de nna amyu baw mi gaw Babelon mare hpe gasat na matu du sa na mara ai; dai mare hpe katsi katsang shara shatai kau na mara ai. Masha hte yam nga ni hprawng pru wa nna, dai shara hta kadai mung de nga na mara ai n rai.”

YEREMIA 51:62

Dai hpang, nang gaw, ‘Madu e, ndai shara hta masha mung, yam nga mung n shanu nga lu hkra htani htana shingran katsi ai zaibru jang zawn shatai kau nna, ndai shara hpe jahten kau na lam, nang tsun nit dai,’ ngu nna hpyi jahtau u.

ZEHPANI 2:14

Yam nga u hpung ni hte dusat amyu shagu gaw dai shara hta hpum nga na mara ai. Dai hten run mat sai shara na hkuwawt ni hta u hku ni dung nga na mara ai; hkuwawt chyinghka ntsa hkan e mung nga nga na mara ai. Chyinghka hkinbawng ntsa hkan e u hka ni ak nga na mara ai. Dai dum nta gap ai arit hpunpyen ni mung gawng mat na ra ai.

SHINGRAN 14:8

Bai, lahkawng ngu na lamu kasa langai mi gaw, shawng na lamu kasa a hpang hprut dan pru nna, “Babelon mare kaba kadawng daw mat sai! Kadawng daw mat sai! Dai mare gaw hpye ai amu hta myit kayut ai ngu ai nsa ja sabyi ntsin masha amyu baw shagu hpe lu shangun nu ai!,” nga nna tsun nga ai.

SHINGRAN 18:2

Dai wa gaw nsen kaba hte, “Galu Kaba ai Babelon mare kadawng mat sai! Kadawng mat sai! Dai shara kaw ya nat tsasam ni de nga ai shara, n san n seng ai wenyi shagu a shingwung shara hte n san n seng matsat shabat re ai u amyu myu a shingbyi shara tai mat sai.