ESAIA 14:22 - Jinghpaw Common Language Bible 2009

²² Chyahtum Chyalai N-gun rawng ai dai Madu gaw, “Ngai gaw Babelon hpe gasat nna dai mung hpe jahten sharun kau na we ai. Ngai gaw arai hpa hpe mung, kashu kasha ni hpe mung, asak hkrung nga ai masha langai mi hpe mung tawn da na nngai n rai. Dai Madu Ngai nan tsun ni ai.

Jinghpaw Hanson Version Bible

²² Zaw nawng zaw wa up ai Yehowa gaw, “Ngai shanhte hpe rawt gasat nna, Babelon mare a amying hte naw ngam nga ai ni hpe mung, kashu kasha ni hte aru arat hpe mung, shamyit kau na we ai, nga ai.

ESAIA 14:22 ပူးပေါင်းရင်းမြစ်များ

1 HKAWHKAM 14:10

Shing re ai amu a majaw, na a hkawhkam dap matu ni a ntsa e ru yak tsin-yam tsindam shapraw dat nna, lasha matu mara hta na kaji kaba yawng hpe sat kau na we ai. Na a dinghku hpe ngai yeng kau na nngai; shing rai shanhte gaw nga hkyi hpe zawn ye kau ai hkrum na mara ai.

SHAKAWN KUNGDAWN 12:6

Dai Madu a ga sadi ni gaw kam mai nga ai; dai ni gaw wan htung hta sanit lang shabyawng jen kau sai gumhpraw jet zawn rai nga ai.

GA SHAGAWP 10:7

Mai kaja ai masha ni gaw shaman chyeju langai zawn, matsing da ai hkrum nga ma ai; tara n lang ai masha ni chyawm gaw, loi hkring mi rai jang, malap kau ai hkrum na mara ai.

ESAIA 13:5

Shanhte gaw ginding aga a jahtum e nga ai, tsan htum ai mungdan ni kaw nna du sa wa nga ma ai. Dai Madu gaw shi a masin kahtet ai a majaw, mungdan ting hpe jahten kau na du sa wa nga ai.

ESAIA 21:9

Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.

ESAIA 43:14

Nang hpe hkye la ai dai Madu Israela a chyoi pra ai Karai Kasang gaw, “Nang hpe hkye la na matu, Babelon mung hpe ninghkap lu ai hpyen luksuk langai ngai shangun dat na nngai; Ngai gaw mare chyinghka ni hpe run kau na we ai, dai mung na masha ni a jahtau garu ai nsen hpe hkrap agru ai nsen shatai kau na we ai.

YEREMIA 50:3

“Dingdung maga de nna amyu baw mi gaw Babelon mare hpe gasat na matu du sa na mara ai; dai mare hpe katsi katsang shara shatai kau na mara ai. Masha hte yam nga ni hprawng pru wa nna, dai shara hta kadai mung de nga na mara ai n rai.”

NAHUM 1:14

Ndai gaw Asuri masha ni hte seng nna dai Madu daw dan ai mungga rai nga ai: “Shanhte hta shanhte a amying shingteng matut ya na aru arat ni pyi n nga mat na mara ai. Ngai gaw shanhte a karai ni a htingnu hta nga ai hpara sumla ni hpe jahten shaza ya na nngai. Ngai gaw Asuri masha ni a matu lupwa lajang ya nga nngai-shanhte asak hkrung nga na n ging nga masai!”