ESAIA 14:21 - Jinghpaw Common Language Bible 2009

²¹ Sat hpang sanu! Shanhte a kaji kawa ni a yubak mara ni a majaw shi a shadang sha ni si na mara ai. Shanhte hta na kadai mung ginding aga hpe galoi mung up lu sana n rai, ginding aga hpe mare ni hte jahpring lu sana n rai.

Jinghpaw Hanson Version Bible

²¹ Kashu kasha ni gaw n rawt wa lu na hte, lamu ga hpe n madu lu nna, mungkan ga hpe mare hte n jahpring lu hkra, kanu kawa ni a shut hpyit ai a majaw, shanhte hpe sat kau na, hkyen nga mu.

ESAIA 14:21 ပူးပေါင်းရင်းမြစ်များ

YOBA 37:12

dai ni gaw Karai Kasang myit ra ai hku shamu hkawm ma ai. Shanhte gaw Karai Kasang hkang da ai hte maren mungkan shara shagu hkan e amu galaw ma ai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

ESAIA 13:16

Shanhte garen gari rai yu nga ma yang, shanhte a ma chyangai ni adit sat kau hkrum na mara ai, shanhte a dum nta ni hpya kau hkrum na mara ai, shanhte a madu jan ni roi rip hkrum na mara ai,” nga nna tsun ai.

ESAIA 27:6

Dai nhtoi ni du jang, Yaku a aru arat ni ngu ai Israela amyu masha ni gaw hpun zawn aru jung wa nna asi si na matu apu pu majawm wa na mara ai. Ginding aga gaw shanhte shapraw ai nsi naisi hte jahpring na mara ai.

JAW JAU 26:39

Nanhte galaw ai yubak hte nanhte a kaji kawa ni a yubak majaw nanhte a gumlau hpyen ni a mung hta naw ngam nga ai kau chyen mi gaw yawm mat na mara ai.

MAHTE 23:35

Shing re ai a majaw, mara n kap ai Abela a asai kaw nna, dai Nawku Htingnu hte tawn hkungri lapran e nanhte sat kau ai Barahkia a kasha Zehkaria a asai du hkra nanhte bunglat ari hkrum na marin dai.