ESAIA 14:2 - Jinghpaw Common Language Bible 2009

² Masha amyu baw ni law law gaw Israela amyu masha ni hpe dai Madu shanhte hpe jaw da ai mungdan de nhtang wa na matu karum la na mara ai, dai yang na masha amyu baw ni gaw mayam ni zawn Israela hpe daw jau na mara ai. Lang mi Israela hpe rim la yu sai ni gaw Israela a majaw rim la ai bai hkrum na mara ai. Israela amyu masha ni hpe lang mi dip sha lai wa sai ni hpe Israela amyu masha ni bai up hkang na mara ai.

Jinghpaw Hanson Version Bible

² Maigan amyu ni gaw shanhte hpe woi wa nna, tinang a buga de wa sa na mara ai; shing rai Israela amyu gaw, Yehowa a mungdan hta, maigan ni hpe mayam la mayam num shatai nna, shanhte hpe bawng dung shangun ai ni hpe, bawng bai dung shangun na maru ai; tinang hpe sharu shatsang ai ni a ntsa e mung, up nga na mara ai.

ESAIA 14:2 ပူးပေါင်းရင်းမြစ်များ

SHAKAWN KUNGDAWN 68:18

Bawng masha law law hte rau dai tsaw ai bum ntsa de shi lung wa nga ai; shi gaw gumlang ai masha ni kaw na kumhpaw kumhpa law law hpe hkap la da nga ai. Dai Madu Karai Kasang gaw dai shara hta shanu nga na ra ai.

ESAIA 18:7

Chyahtum Chyalai N-gun rawng ai dai Madu gaw mungkan ting jawm hkrit ai hte hkum shingyan galu nna hkum shan pri tsawm ai amyu masha ni, n-gun ja nhtawm daru magam n-gun hte hpring nga ai amyu hte hka nu hku hkan nna garan da ya sai dai mungdan kaw nna sak jaw ai shagu hkungga hpe hkap la na aten gaw du wa nga sai. Shanhte gaw Chyahtum Chyalai N-gun rawng ai dai Madu hpe nawku ai shara ngu ai Ziun Bum de sa wa na mara ai.

ESAIA 31:8

Asuri gaw masha a n-gun hte n re ai sha, majan hta jahten kau hkrum na mara ai. Dai Asuri masha ni gaw majan ginra kaw na hprawng htaw mat wa na mara ai, shanhte a la shabrang ni mayam shatai hkrum na mara ai.

ESAIA 45:14

Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.

ESAIA 49:22

Tsaw Htum ai dai Madu gaw shi a amyu masha ni hpe ning ngu tsun nga ai: “Ngai gaw masha amyu baw ni hpe kumla madun na nngai, shanhte gaw na a ma kaji ni hpe dum nta de woi wa na mara ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 49:25

Dai Madu gaw, “Dai gaw ning rai byin wa na lam rai nga ai. Hpyenla wa a bawng masha ni gaw lawt wa lu na mara ai, gumshem ai wa a lanep gaw rim la hkrum na ra ai. Ngai hpe gasat ai wa kadai hpe mung ngai gasat na nngai, ngai gaw na a ma kaji ni hpe hkye mawai la na nngai.

ESAIA 54:3

Nang gaw na a lamu ga jarit ni hpe man maga shagu de maden jat lu na rai ndai; na a amyu masha ni gaw kaga masha amyu baw ni ya madu nga ai mungdan de nhtang wa na mara ai. Ya chyawm gaw katsi katsang re ai mare ni hta amyu masha ni hpring wa na mara ai.

ESAIA 60:14

Nang hpe dip gamyet sha lai wa sai ni a aru arat ni gaw Shanhte a hkungga lara ai hpe madun na matu gum dagup na mara ai. Nang hpe lang mi n kaw n law di lai wa sai ni yawng na a lagaw nhpang e nawku na mara ai. Shanhte gaw nang hpe, ‘Dai Madu a Mare,’ ‘Ziun ngu ai, Israela a Chyoi Pra Ai Karai Kasang a Mare,’ ngu nna shaga na mara ai.

ESAIA 60:4

Grup yin de mada yu nna hpa byin nga ai hpe yu yu u: Na a amyu masha ni gaw dum nta de wa na matu zup hpawng nga ma ai! Na a shadang sha ni sumtsan kaw na wa na mara ai; Na a shayi sha ni ma kaji ni zawn pawn ba la ai hkrum na mara ai.

ESAIA 61:5

Nye a amyu masha ni e, maigan amyu masha ni nang hpe daw jau na mara ai. Shanhte gaw na a sagu hpung ni hpe bau rem nna Na a mung hta hkauna galaw ai hte sabyi sun ni hpe yu lajang na mara ai.

ESAIA 66:12

Dai Madu gaw, “Ngai gaw nang hpe agrin nga ai ngamu ngamai lam jaw ya na nngai; masha amyu baw ni a sut gan gaw galoi mung n hkyet mat ai hka nu zawn nang hta lwi sa wa na ra ai. Nang gaw kanu e bau maka nna shi a lata hta pawn da nhtawm tsaw ra myit hte makrai chyai ai ma zawn tai na rin dai.

YEREMIA 30:16

Rai ti mung, ya chyawm gaw, nanhte hpe kawa sha ai ni yawng hte gaw kawa sha kau ai hkrum na mara ai, nanhte a gumlau hpyen ni yawng bawng dung masha ni zawn woi la ai hkrum na mara ai. Nanhte hpe dip gamyet sha ai ni yawng dip gamyet sha ai hkrum na mara ai, nanhte hpe hpya lu hpya sha ai ni yawng hpya lu hpya sha ai bai hkrum na mara ai.

YEREMIA 49:2

Rai ti mung, dai Raba mare daju na mare masha ni hpe majan gasat ai nsen ngai na shangun ai aten du wa na ra ai; dai mare gaw hten run taw mat nhtawm de a kahtawng ningchyawng ni hkru sumpum taw nga na mara ai. Dai shaloi Israela masha ni gaw shanhte a lata kaw na tat kau dat ai dai mungdan hpe bai madu la lu na mara ai.

EZEKELA 39:10

Shanhte gaw wan ju na matu hpyen laknak arung arai ni lu nga ma ai majaw, layang hkan e hpun n hta, maling hkan e mung hpun n kran ra na mara ai. Shanhte hpe hpya lu hpya sha, kashun kashe lanep hta ai ni hpe shanhte hpya lu hpya sha nna kashun kashe lanep hta la na mara ai,” ngu nna tsun ai. Tsaw Htum ai dai Madu tsun nu ai.

Daniela 7:18

Tsaw Htum ai Karai Kasang a amyu masha ni gaw hkawhkam daru magam n-gun hpe hkam la nna dai hpe htani htana madu la na mara ai,” ngu nna tsun wu ai.

YOELA 3:8

Ngai gaw nanhte a shayi shadang sha ni hpe Yuda masha ni a lata de dut kau na nngai; shing rai shanhte gaw dai ma ni hpe tsan tsan e nga ai Sabean masha ni hpe dut ya na mara ai. Dai Madu ngai nan tsun ni ai.

JAW JAU 25:44

Mayam ni hpe shangun na matu nang ra ai rai yang, na a grup yin hta nga ai masha amyu baw ni kaw na mari la mai nga ndai.

OBEDIA 1:17

“Rai ti mung Ziun Bum ntsa e, nkau mi hprawng lawt lu nna, dai shara gaw chyoi pra ai shara tai na ra ai. Yaku a amyu masha ni gaw shanhte a ahkaw ahkang hte maren, dai lamu ga hpe madu la lu na mara ai.

ZEHKARIA 2:13

Masha shagu hte e, shi gaw shi a chyoi pra ai nga shara kaw na du sa nga ai majaw dai Madu a man e asim sha nga nga mu.

ZEHKARIA 2:9

“Dai Madu gaw shi nan nanhte hpe ninghkap gasat na ra ai; nanhte gaw lang mi nanhte a shangun ma ni tai yu sai amyu masha ni a kashun kashe hpya kau ai hkrum na marin dai.” Ndai lam byin wa ai shaloi, Chyahtum Chyalai N-gun rawng ai dai Madu ngai hpe shangun dat ai amu, masha shagu chye na wa na mara ai.

LUKA 12:45

Rai ti mung, dai shangun ma wa gaw, nye a madu bai du wa na naw na la nga ai, nga nna shi kraw hta myit nga let, shangun ma num, la manang ni hpe, anu ajin di ai hte, lu nga sha nga nna, chyaru nang nga ai shaloi,

ROMA 15:27

Shing rai shanhte daw dan ai lam gaw, masha e shadut ai majaw n rai, rai ti mung, teng sha tsun ga nga yang dai matsan mayan ni hpe karum madi shadaw na shanhte hta lit nga nga ai. Hpa majaw nga yang, Yuda amyu masha ni hkam la ai Wenyi shaman chyeju sali wunli ni hpe maigan masha ni hpe mung jawm hpawm hkam la shangun masai rai nna maigan masha ni mung shanhte hkam la ai shaman chyeju ni ngu ai mungkan arung arai ni hte Yuda masha ni hpe chyeju htang ai hku bai karum la ang ma ai.

2 KORINHTU 10:5

Anhte gaw Karai Kasang hpe chye chyang ai hpaji hpe dingbai dingna jaw ai amu yawng hpe run hpya jahten kau ga ai. Anhte gaw masha myit mang ai lam nga manga hpe rim sharen da nhtawm Hkristu a ga madat mara shangun ga ai.

GALATI 5:13

Nanhte chyawm gaw hpu nau ni e, shanglawt ahkang lu la myit ga, nanhte hpe shaga la ai hkrum manit dai, rai ti mung dai shanglawt ahkang hpe jahpai nna hkum shan a ra marit ai lam tam na matu ginshan hkum shatai mu; shing rai na malai, nanhte gaw tsaw ra myit hte shada da daw jau hkat nga mu.

EHPESU 4:8

Chyum Laika hta tsun ai hte maren, “Shi gaw grai tsaw ai de lung wa yang shi hte rau bawng dung ni law law hpe shaga woi mat wa ai. Shi gaw masha amyu ni hpe kumhpa ni jaw mu ai nga ai.”

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.