ESAIA 14:17 - Jinghpaw Common Language Bible 2009

¹⁷ Mare ni hpe jahten sharun kau nna mungkan ga hpe nam mali shatai kau ai gaw ndai masha wa rai nga a ni? Bawng dung masha ni hpe galoi mung n dat hkraw ai hte shanhte hpe nta de n wa shangun ai wa gaw ndai masha wa rai nga a ni?,” ngu nna san ma ai.

Jinghpaw Hanson Version Bible

¹⁷ Mungkan ga hpe nam shatai kau ai hte, de a mare ni hpe run shabyak kau nhtawm, bawng dung ai ni hpe, tinang nta de wa na ahkang n jaw ai wa gaw, ndai wa rai ni?

ESAIA 14:17 ပူးပေါင်းရင်းမြစ်များ

ESAIA 14:16

Si hkrung si htan gaw azi yu nna mau mahka na ra ai. Shanhte gaw, “Ginding aga hpe ashun awam di nna de a mungdan ni hpe gari shangun ai gaw ndai masha wa rai nga a ni?

ESAIA 14:18

Ginding aga a hkawhkam ni yawng hte gaw hkik hkam ai shanhte a lup ni hta yup nga ma ai,

ESAIA 45:13

Ngai nan gaw nye a yaw shada ai hpe jahpring shatsup na matu hte lam magup hpe shading sharai ya na matu mung Kuru a myit hpe shamu shamawt ya se ai. Ngai gaw shi hkawm sa na lam shagu hpe malan ya na nngai. Shi gaw nye a mare, Yerusalem hpe bai gaw gap ai hte bawng dung ai nye a amyu masha ni hpe shalawt dat na ra ai. Kadai mung shi hpe saw la na n rai, ndai amu galaw na matu shi hpe mayun kumhpa jaw na ma ai n rai.” Chyahtum Chyalai N-gun rawng ai dai Madu tsun nu ai.

ESAIA 58:6

“Ngai ra sharawng ai lusha gam lai gaw ndai hku rai nga ai: Dip gamyet sha tawn ai saidawng sumri hte n teng n man ai a kandang sumri ni hpe raw kau mu; dip gamyet sha hkrum ai ni lawt lu mu ga.

ESAIA 64:10

Na a chyoi pra ai mare ni gaw nam mali zawn tai mat sai; Yerusalem gaw katsi katsang hten run mat sai,

YEREMIA 50:33

Chyahtum Chyalai N-gun rawng ai dai Madu gaw, “Israela hte Yuda amyu masha ni gaw dip gamyet sha hkrum nga ma ai hte zingri zingrat hkrum nga masai. Shanhte hpe rim tawn da ai ni yawng gaw shanhte hpe ni htum ai hku sin tawn nga ma ai hte shanhte hpe wa shangun ma ai n rai.

EZEKELA 32:23

shanhte a lup sung hku ni gaw katsan ga a sung htum ai shara hta nga nga ma ai. Shi a hpyenla ni yawng gaw majan hta hkrat sum mat ai hkrai rai nna shanhte a lup sung hku ni gaw shi a lup wa grup yin e dingren nga ma ai. Shanhte gaw lang mi na aten hta asak hkrung ai dinghta ga hpe jahkrit shama yu manu ai.

EZEKELA 6:14

Rai sa, ngai gaw shanhte kaw du dep nang nna shanhte a mungdan hpe jahten kau na nngai. Ngai gaw dai mungdan hta Israela amyu masha ni gara shara hta mung n nga lu hkra, dingda maga de nga ai zaibru jang kaw nna dingdung maga Ribla mare du hkra shingran katsi ai shara shatai kau na nngai. Shaloi masha shagu hte gaw Ngai nan dai Madu rai nga nngai hpe chye na mara ai,” ngu nna tsun wu ai.

YOELA 2:3

Wan zawn shanhte hkai nmai ni sha ma ai. Shanhte a shawng na lamu ga gaw Eden Sun hte bung nga ai, rai ti mung shanhte a hpang e, dai gaw akrin ayang rai nga ai. Shanhte a lata kaw na hpa mung lawt lu ai n rai.

HABAKU 1:7

Shanhte gaw jahkrit ai hte hkrithpa lam shachyam shabra ma ai, shanhte nan tara hkum ni rai nga ma ai majaw, gumrawng nga ma ai.