ESAIA 14:14 - Jinghpaw Common Language Bible 2009

¹⁴ Nang gaw Chyahtum Chyalai N-gun rawng ai wa zawn sumwi ni a ntsa de lung na tsun nit dai.

Jinghpaw Hanson Version Bible

¹⁴ sumwi ni a ntsa e ngai lung na nngai; Tsaw Htum ai wa zawn ngai nga na nngai, nga nna, na a kraw e tsun nit dai.

ESAIA 14:14 ပူးပေါင်းရင်းမြစ်များ

NINGPAWT NINGHPANG 3:5

Dai asi hpe nan sha ai shaloi Karai Kasang zawn nan tai wa nna kaja ai hte n kaja ai lam hpe nan chye ginhka wa na hpe shi chye ai majaw Karai Kasang tsun da ai re,” nga nna bai htan wu ai.

YOBA 20:6

Shanhte gaw grai mai galu kaba ai hte lamu de tsaw lung wa mai nga ai, garai galu kaba ai shanhte a abaw ni gaw sumwi du hkra dep nga ai,

ESAIA 21:1

Ndai gaw Babelon mung hte seng ai mungga rai nga ai. Zaibru jang hpe lai di nna bung wa ai bung hpoi zawn, tsin-yam tsindam gaw hkrit na zawn re ai mung kaw nna sa wa na ra ai.

ESAIA 47:1

Dai Madu gaw, “Babelon e, na a tingnyang kaw na yu wa nna, ga ntsa na nhpu hta dung nga u. Nang gaw hkawn sek langai zawn, kalang mi mung ka-up la n hkrum yu ai mare langai rai nga ndai, rai ti mung nang gaw galoi mung nu nu nai nai rai nga ai n rai! Ya chyawm gaw nang mayam rai nga nit hka!

ESAIA 47:8

“Pyaw daw kadaw ai hpe tsaw ra ai wa e, ndai lam madat u, nang gaw shim nga nngai ngu nna myit nga ndai. Nang gaw Karai Kasang zawn galu kaba nna, nang zawn re ai wa mi kadai n nga nga ai, nga nna tsun ndai. Nang gaw gaida jan langai zawn galoi mung byin na n rai, na a kashu kasha ni mat mat ai nni nkri hpe galoi mung hkam sha na n rai, nga nna nang myit nawn la nga ndai.

YEREMIA 51:1

Dai Madu gaw, “Ngai hpe Babelon mung hte dai mung na masha ni hpe hkap daw na matu jahten shaza lu ai nbung bung shangun wu ai.

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

EZEKELA 31:10

“Dai rai nna, Tsaw Htum ai dai Madu ngai nan sumwi dep hkra tu kaba wa sai hpun hta hpa byin wa na lam, nang hpe tsun dan na we ai. Dai hpun grau tsaw lung wa magang gumrawng gumtawng ai mung grau jat wa rai nga ai;

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

Daniela 11:37

Dai hkawhkam wa gaw shi a kaji kawa ni daw jau ai karai hpe mung, numsha ni yu tsaw ra ai karai hpe mung, hpa zawn n nawn ya na ra ai. Shanhte hta na kadai hta mung shi grau galu kaba nga ai nga nna myit nawn la nga ai majaw dai karai shagu hpe teng teng hpa zawn n nawn na ra ai.

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.