ESAIA 14:13 - Jinghpaw Common Language Bible 2009

¹³ Nang gaw sumsing lamu de lung nna tsaw htum ai shagan ni a ntsa e na a tingnyang tawn da na matu, myit daw dan da nit dai. Nang gaw karai ni zup hpawng ai dingdung maga na dai bum ntsa hta e hkawhkam langai zawn dung lu na hpe myit yu nit dai.

Jinghpaw Hanson Version Bible

¹³ Nang mahtang, Sumsing lamu de ngai lung na nngai; Karai Wa a shagan ni a ntsa e, nye a tingnyang ngai shadun na we ai; dingdung maga htum, majoi shingra bum ntsa e ngai dung na nngai;

ESAIA 14:13 ပူးပေါင်းရင်းမြစ်များ

YOBA 20:6

Shanhte gaw grai mai galu kaba ai hte lamu de tsaw lung wa mai nga ai, garai galu kaba ai shanhte a abaw ni gaw sumwi du hkra dep nga ai,

SHAKAWN KUNGDAWN 48:2

Karai Kasang a bum ngu ai Ziun gaw tsaw nga nna, tsawm htap nga ai; galu kaba ai hkawhkam wa a mare gaw mungkan amyu masha ni yawng hte hpe, kabu gara shangun nga ai.

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

YEREMIA 49:16

Na a gumrawng gumtawng ai myit gaw nang hpe hkalem kau nit dai. Nang myit nawn ai daram, kadai mung nang hpe n hkrit nga masai. Nang gaw lunghkrung ninggam ni hte tsaw ai bum pungding hkan e shanu machyu nga nna, galang zawn tsaw ai shara hta machyu nga ti mung, dai Madu gaw nang hpe shayu kau na ra ai. Dai Madu ngai nan tsun ni ai,” nga nna tsun wu ai.

EZEKELA 27:3

hkin-gau mayan shagu hta shanu nga ai masha ni hte hpaga ga ai mare ngu ai dai Turu a matu sharung shayawt ai mahkawn hkawn u. Tsaw Htum ai dai Madu tsun nga ai mungga shi hpe htawn tsun u: “Turu e, nang gaw na a hkum tsup tsawm htap ai hta shakawng nga nit dai.

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

EZEKELA 28:9

Shanhte nang hpe sa sat kau na matu du sa ai shaloi, nang gaw karai langai rai nga nngai ngu naw tsun na n ni? Masha sat ai ni hte nang hkrum ai shaloi, nang gaw karai nan n rai, si chye ai masha rai na rai nga ndai.

EZEKELA 29:3

Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

EZEKELA 31:10

“Dai rai nna, Tsaw Htum ai dai Madu ngai nan sumwi dep hkra tu kaba wa sai hpun hta hpa byin wa na lam, nang hpe tsun dan na we ai. Dai hpun grau tsaw lung wa magang gumrawng gumtawng ai mung grau jat wa rai nga ai;

EZEKELA 40:2

Karai Kasang gaw ngai hpe shingran hta Israela mung de woi wa nna, grai tsaw ai bum ntsa e ngai hpe tawn da nga ai. Dai bum a man de dum nta ni hte gaw de da ai mare zawn san ai hpe ngai mu nngai.

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

Daniela 5:20

Rai ti mung shi mahtang gumrawng gumtawng ai hte du ja nna mazut gumshem nga ai majaw shi a hkawhkam tingnyang kaw na hkrat mat ai hkrum ai hte shi hpe shagrau sha-a ai mung n nga mat nga ai.

OBEDIA 1:3

Na gumrawng gumtawng ai myit gaw nang hpe hkalem kau nga sai. Na a mare daju gaw ngang ai lunghkrung hta gap da ai hpyen dap rai nga ai; na a dum nta gaw bum ni hta tsaw nga ai, dai rai nna nang gaw na a kraw kata e, ‘Kadai wa ngai hpe gang kadang lu na i?,’ nga nna tsun nga ndai.

ZEHPANI 2:15

Dai mare gaw shi a daru magam n-gun hta gumrawng gumtawng nga nna shim ai mare re, ngu myit aru yu ai a majaw, byin wa na lam rai nga ai. Dai mare masha ni mung shanhte a mare gaw mungkan hta hkik hkam htum ai mare rai nga ai, nga nna myit la nga ma ai. Ya mare dai gaw katsi katsang byin mat nna matse labye dusat ni hpum shanu ai shara tai mat wa sa hka! Dai mare hku lai wa ai ni yawng yu hkrit kajawng nna shingdu de htingnut mat wa na mara ai.

MAHTE 11:23

Nang mung Kurazin e, lamu du hkra shagrau sharawt ai hkam la lu na ra ai ngu nna nawn da wu ni? Katsan ga du hkra jahkrat kau ai nang hkrum na rin dai. Hpa majaw nga yang, nang hta dan ai mauhpa magam bungli ni hpe, Sodom hta e shabyin taw gaw, dai mare gaw dai ni du hkra naw agrin nga na rai nga ai.

LUKA 10:15

Nang mung, Kaperna-um e, lamu du hkra sharawt ai, nang hkrum mayu nga n ni? Katsan ga du hkra jahkrat kau ai nang hkrum na rin dai!”

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.