ESAIA 13:8 - Jinghpaw Common Language Bible 2009

⁸ Shanhte gaw shinggyim machyi ai numsha zawn yawng hte gaw hkrit kajawng ai hte nchyi nmu hkrum sha na mara ai. Shanhte gaw hkrit ai myit hte shada da yu hkat na mara ai; shanhte a myi man ni gaw kaya kahpa hte hkyeng mat na mara ai.

Jinghpaw Hanson Version Bible

⁸ shanhte mak mat na mara ai; ru tsang ai hte yawn hkyen ai hkrum na mara ai; shinggyim machyi ai num zawn, machyi hkrum na mara ai; shanhte mau mahka let, shada da azi yu na mara ai; shanhte a myi man gaw wan zawn hkyeng na ra ai.

ESAIA 13:8 ပူးပေါင်းရင်းမြစ်များ

2 HKAWHKAM 19:26

Dai shara hta shanu nga ai amyu masha ni gaw n-gun lagaw n rawng ai hte shanhte gaw hkrit gari ai hte sai kajawng nga ma ai. Shanhte gaw pa layang hta tu ai tsingdu tsingman shing n rai nta ntsa e tu nga ai tsing hpe kahtet kang ai sinpraw nbung e hpe ahpawt kau ai zawn rai ma ai.

SHAKAWN KUNGDAWN 48:7

laja lana re ai nbung laru kata, le de, wo de, adawt kanga hkrum nga ai sanghpaw li zawn hkrit gari ai hte ruyak kyindut hkrum hkra nga ma ai.

ESAIA 26:17

Madu e, nang gaw anhte hpe shinggyim machyi hkrum ai majaw jahtau nga ai numsha zawn, jahtau shangun nga ndai.

YEREMIA 13:21

Na a jinghku jingyu ni nang hpe dang kau ai hte nang hpe up ai shaloi, nang kaning ngu tsun na nu ni? Nang gaw shinggyim machyi ai num zawn nchyi nmu hkrum na rin dai.

YEREMIA 30:6

Ya chyawm gaw dai lam hpe jahkring da nna myit sawn yu mu! Lasha gaw ma shangai ya lu nga a ni? Shinggyim machyi ai num zawn shi a lata ni hte shi a kan ntsa e jum tawn da ai lasha shagu hpe hpa majaw ngai mu a ta? Masha shagu hpa majaw nsam dai daram sum nga ma ta?

YEREMIA 4:31

Ngai gaw shinggyim machyi ai numsha hte kasha alat shangai ai numsha a jahtau kyik ai nsen zawn jahtau hkrap ai nsen hpe na ni ai. Dai gaw Yerusalem a jahtau ai nsen rai nna ba galawp ai hte shi a lata ladawn nna, “Ngai gaw hten run ai hkrum nga nngai! Shanhte gaw ngai hpe sat na matu sa wa nga ma hka!,” ngu nna tsun nga ai.

YEREMIA 46:5

Rai ti mung, dai Madu gaw, “Ngai hpa baw mu a ta?,” nga nna san wu ai. “Shanhte gaw hkrit ai hte nhtang mat wa ma ai. Shanhte a hpyenla ni gaw nhtang kayat hkrum ma ai; hkrit gari ai gaw shanhte hpe ka-up kau nna, shanhte gaw lawan lu ai daram lawan nna shingdu de n kayin yu nga ai sha, kagat mat wa ma ai.

YEREMIA 48:41

mare ni hte hpyen dap ni zing la hkrum na ra ai nga nna dai Madu ga sadi tawn da nu ai. Dai shani e, Moba hpyenla ni gaw shinggyim machyi hkrum ai num zawn hkrit kajawng mat na mara ai.

YEREMIA 49:22

Galang gaw shi a singkaw ni hpe shachyen nna ntsa kaw nna htim yu wa ai zawn, hpyen wa gaw Bozra mare hpe htim gasat na ra ai. Dai shani e, Edom a share shagan hpyenla ni gaw shinggyim machyi hkrum ai num zawn hkrit gari na mara ai,” ngu nna tsun wu ai.

YEREMIA 49:24

Damasku masha ni gaw n-gun yawm nga ma ai; shanhte gaw hkrit gari ai hte hprawng mat masai. Shanhte gaw shinggyim machyi hkrum ai numsha zawn kawa machyi ai hte nchyi nmu hkrum sha nga ma ai.

YEREMIA 50:43

Babelon hkawhkam gaw shiga na nga ai, shi a lata ni kya noi mat nu ai. Shi gaw makyin madut hte wang da hkrum nna, shinggyim machyi ai num zawn nchyi nmu ngu nga wu ai.

YEREMIA 51:30

Babelon hpyenla ni gaw majan n hkap gasat ai sha, shanhte a dap kata hkan rawng nga ma ai. Shanhte gaw shanhte a share shagan ai myit htum mat manu ai, karum la lam n lu ai ni tai mat nga masai. Mare chyinghka ni agrawp daw mat nna dum nta ni wan hkru nga sai.

EZEKELA 20:47

Dai Tsaw Htum ai Madu kaning nga tsun ai mungga hpe na la na matu dingda maga de na maling hpe htawn tsun u: Yu u, ngai gaw wan shachyi dat na nngai; dai wan gaw nang hta tu ai tsit lali ai hte hkun hkraw mat ai hpun shagu hte hpe hkru kau na ra ai. Dai wan hpe hpa hte mung sat shangap kau lu na ra ai n rai, dai wan gaw dingda maga kaw nna dingdung maga de du hkra hkru mat wa nna masha shagu gaw kang kahtet ai wan numli ni hpe hkam sha na mara ai.

HOSEA 13:13

Israela gaw hkrung nga lu na ahkang lu ti mung, dai lam myit ai gaw nau wa angawk ai nga ai rai nna kanu a hkritung kaw nna shangai pru wa na matu yak nga ai ma hte bung nga ai.

YOELA 2:6

Shanhte shani sa wa yang, masha shagu hkrit gari ma ai; masha shagu a myi man chyang mat ma ai.

NAHUM 2:10

Ninewe gaw jahten hkrum, kabai da hkrum, akrin akraw shara tai mat sai! Myit masin ni hkrit myit hte byawng mat sai; lahput ni gari ashun, n-gun lagaw htum sai; myi man ni chyang mat sai.

YAWHAN 16:21

Numsha langai mi gaw kasha shangai na rai yang, shi a machyi hkam sha na ahkying aten du ra ai majaw, yawn hkyen nga ai, rai ti mung kasha shangai ngut jang, ndai mungkan ga e ma langai mi shaprat tawn nu ai majaw shi kabu gara nga ai rai nna shawng na ru tsang ai hpe n dum nu ai.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!