ESAIA 13:6 - Jinghpaw Common Language Bible 2009

⁶ Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

Jinghpaw Hanson Version Bible

⁶ Yehowa a nhtoi ni wa ai majaw, sharung shayawt nga mu; dai gaw, N-gun Chyalai rawng ai wa kaw na shoihpa shoirang zawn, du na ra ai.

ESAIA 13:6 ပူးပေါင်းရင်းမြစ်များ

YOBA 31:23

Karai Kasang a ari hpe ngai hkrit ai majaw, dai zawn re ai amu ngai galoi mung galaw lu nngai n rai.

ESAIA 10:25

Kade n na yang, ngai nanhte hpe ari jaw nga ai hpe jahtum kau na nngai, dai hpang ngai shanhte hpe jahten kau na nngai.

ESAIA 10:3

Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

ESAIA 13:9

Dai Madu a nhtoi du wa nga sai, dai nhtoi gaw pawt sindawng ai hte masin kahtet ai shi a gumshem ai nhtoi rai na rai nga ai. Ginding aga gaw nam mali tai mat nna yubak lu ai masha shagu jahten sharun kau hkrum na mara ai.

ESAIA 14:23

Ngai gaw Babelon hpe hka ing ai shara shatai kau na nngai, u hku ni gaw dai yang hkan nga na mara ai. Ngai gaw Babelon hpe maza mala mahkra ye kau ai dun-ye hte ye kau na nngai. Chyahtum Chyalai N-gun rawng ai dai Madu Ngai nan tsun ni ai,” nga nna tsun wu ai.

ESAIA 14:31

Hpilisti mare ni yawng hte e, karum la lam a matu hkrap shabam nga mu! Nanhte yawng hte e, hkrit gari nga mu! Sumwi nhpu gaw dingdung maga hku nna du sa wa ra ai-dai gaw magrau grang ai hpyen luksuk langai rai nga ai.

ESAIA 2:12

Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

ESAIA 23:1

Ndai gaw Turu hte seng ai mungga langai rai nga ai. Nammukdara ntsa na sanghpaw masha ni e, yawn hkyen ai hte sharung nga mu! Na a buga Turu sanghpaw daru hten za mat sai; De a nta ni hte sanghpaw danam ni hten run mat nga sai. Na a sanghpaw ni Kupru kaw na nhtang wa yang, dai shiga hpe nang na nga sai.

ESAIA 34:2

Dai Madu gaw masha amyu baw ni yawng hte shanhte a hpyen luksuk ni yawng hpe pawt sindawng nga ai. Shi gaw shanhte hpe shamyit kau na matu daw dan nu ai.

ESAIA 34:8

Ndai aten gaw dai Madu Ziun hpe hkye mawai la ai hte de a gumlau hpyen ni hpe matai htang ai aten rai na ra ai.

ESAIA 47:11

Tsin yam tsindam gaw na a ntsa e du wa na ra ai, na a mandan lakle hpaji hpa hte mung dai hpe jahkring lu na n rai. Nang galoi mung yup mang n mang yu ai hten run lam gaw nang kaw akajawng sha du wa na ra ai.

ESAIA 52:5

Ya Babelon mung hta mung dai zawn byin lai wa nga sai: nanhte gaw bawng masha ni rai nga myit dai, nanhte a matu manu jahpu n jaw ma ai. Nanhte hpe up hkang ai ni gaw shakawng shakat grang dakat ai hte ngai hpe tut nawng n kaw n law ai lam madun ma ai.

ESAIA 61:2

Dai Madu gaw shi a amyu masha ni hpe Hkye hkrang la nna shanhte a gumlau hpyen ni hpe dang kau na aten du sai lam Tsun shana na matu, Shi ngai hpe shangun dat ni ai. Shi gaw sharung shayawt ai ni yawng hpe shalan shabran na matu

ESAIA 63:4

Nye a amyu masha ni hpe hkye la na aten du nga sai; nye a gumlau hpyen ni hpe ari jaw na aten rai nga sai, ngu ngai daw dan ni ai.

ESAIA 65:14

Shanhte gaw kabu gara mahkawn mangoi na mara ai, rai ti mung nang chyawm gaw myit daw ai hte jahtau hkrap na rai ndai.

YEREMIA 25:34

Ningbaw ni e hkrap nga mu, nye a amyu masha ni hpe bau rem ai ni e, ja ja marawn hkrap nga mu! Yawn hkyen sharung shayawt ai hte ga nhpu e galwi nga mu. Nang hpe sat kau na aten du ra ai rai nna, sagu la ni hpe zawn nang sat kau ai hkrum na rai ndai.

YEREMIA 49:3

Heshbon mare masha ni e, marawn jahtau nga mu! Ai mare gaw hten za mat sai! Raba shayi sha ni e, sharung shayawt nga mu! Lachyit nba bu hpun nna sharung shayawt nga mu! Waw de kagat, le de kagat rai kagat kahkrang hkawm nga mu. Nanhte a Molek hpara gaw shi a hkinjawng ni hte hkawhkam shadang sha ni hte rau bawng rim mat wa hkrum na mara ai.

YEREMIA 51:8

Babelon mung gaw akajawng sha kadawng daw mat ai hte hten run mat sahka! Shi a matu sharung shayawt nga mu! Shi a hkala nba hpe shamai shatsai ya lu dam nhten, tsi hkrung tsi nan la wa marit.

EZEKELA 13:5

Dai Madu a nhtoi shani, hpyen majan du wa ai shaloi, shanhte gaw daw agrawp mat sai mare bunghku ni hpe n sin ma ai. Shanhte gaw mare bunghku ni hpe bai gaw gap da ma ai n rai, dai lam ni a majaw Israela gaw makawp maga hkrum lu na ra ai n rai.

EZEKELA 21:12

Si chye ai masha wa e, yawn hkyen ai hte hkrap shabam u; ndai nhtu gaw nye a amyu masha ni hte Israela ningbaw ni yawng a matu rai nga ai hpe lachyum shadan nga ai. Shanhte gaw naw ngam nga ai nye a amyu masha ni yawng hte rau sat kau ai hkrum na mara ai. Myit htum ai hte na a sinda lahtum u!

Daniela 5:26

Ndai gaw de a lachyum rai nga ai: Hti hkum, Karai Kasang gaw na a mungdan shani nhtoi hpe hti yu nna jahtum kau nu ai;

Daniela 5:9

Hkawhkam Belshaza myit ru myit yak hkrum mat ai hte myi man grau hten mat wa wu ai; shi a du magam ni hpa gan galaw na n chye myit mat ma ai.

YOELA 1:11

Yi, hkauna galaw ai ni e, yawn nga mu; hkaulan mam, muk-yaw mam, rai sa, nsi naisi nga manga yawng hten za mat ai majaw, sabyi sun lajang ai ni jahtau hkrap nga mu.

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

YOELA 1:5

Tsa chyaru ya ni e, yup hprang ai hte hkrap nga mu; sabyi lu nang ai ni e, jahtau hkrap nga mu; sabyi ntsin nnan galaw na sabyi si ni hten mat sai.

YOELA 2:1

Karai Kasang a chyoi pra ai kawng, Ziun hta e, pahtau dum mu; shadum ai nsen shapraw mu. Yuda amyu masha ni e, hkrit gari nga mu! Dai Madu a nhtoi gaw kade n na yang du wa na ra ai.

YOELA 2:11

Dai Madu gaw shi a hpyen hpung hpe nsen sharawt dat wu ai. shi a ga madat ai hpyen hpung ni law ai hte n-gun rawng nga ma ai. Dai Madu a nhtoi gaw kade sha hkrit hpa rai nga a hka! Kadai wa hkrung nga lu na rai ta?

YOELA 2:31

Galu kaba re ai hte hkrit mai ai dai Madu a Nhtoi garai n du yang, ajan gaw nsin sin mat wa nna shata gaw sai zawn hkyeng mat na ra ai.

AMO LAIKA (AMOS) 5:18

Dai Madu a nhtoi hpe ala nga ai nanhte a matu kade sha hkrit hpa rai nga a hka! Dai shani e, nanhte mai kaja lam hpa baw galaw lu na rai myit ni? Dai shani gaw nanhte a matu nhtoi n rai, nsin a shani tai na ra ai.

ZEHPANI 1:14

Dai Madu a galu kaba ai nhtoi gaw ni wa ra ai; dai gaw grai ni wa ai hte grai lawan du wa nga ai! Dai shani gaw ahkup ahka nga na ra ai, dai sharung shayawt ai nhtoi shani e, share shagan ai hpyenla ni pyi myit htum ai hte marawn jahtau wa na mara ai!

ZEHPANI 1:7

Dai Madu gaw mungkan masha ni hpe tara tingnyang hta dung nna jeyang na nhtoi ni wa magang ra ai; dai majaw shi a man e asim sha nga nga mu. Dai Madu gaw shi a amyu masha ni hpe hkungga nawng jau ya na matu poi shachyip lajang ya nga ai hte Yuda mung hpe hpya kau na matu gumlau hpyen ni hpe shaga da nga nu ai.

ZEHKARIA 14:1

Dai Madu shi a tara tingnyang hta dung na ra ai aten gaw ni wa nga sai. Shaloi Yerusalem gaw lanep kashun la hkrum na ra ai; dai lanep ni nanhte a man e karan la na mara ai.

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

YAKU 5:1

Lu su ai ni e, ya e ngai tsun ai hpe madat yu mu! Nanhte gaw du magang ra ai nni nkri nji nmu lam a majaw hkrap ngu hkrap ngoi rai nga mu!

SHINGRAN 18:10

Shanhte gaw, dai mare hkrum sha ai ari hta shanhte mung hkrum sha lawm na hpe hkrit nna, tsan tsan e tsap let, “Galu kaba ai hte atsam rawng ai Babelon mare e! Dingnye lu nga n hka! Dingnye lu nga n hka! Nang gaw hkying hkum mi laman hta sha daw dan ai hkrum nit hka!,” nga nna tsun na mara ai.