ESAIA 13:5 - Jinghpaw Common Language Bible 2009

⁵ Shanhte gaw ginding aga a jahtum e nga ai, tsan htum ai mungdan ni kaw nna du sa wa nga ma ai. Dai Madu gaw shi a masin kahtet ai a majaw, mungdan ting hpe jahten kau na du sa wa nga ai.

Jinghpaw Hanson Version Bible

⁵ Mungdan ting hpe jahten shabyak na matu, Yehowa hte rau, pawt sindawng ai hpyen ri nhtu ni gaw, sumtsan mung kaw nna, lamu htum ai de na, du shajang ma ai.

ESAIA 13:5 ပူးပေါင်းရင်းမြစ်များ

2 SAMUELA 1:27

“Magrau grang ai hpyenla ni kadawng taw mat sahka! Shanhte a laknak arai ni hpe kabai kau da masai, dai ni gaw hpa asung mi n shang mat sai.”

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 13:17

Dai Madu gaw, “Babelon mung hpe gasat na matu Medi masha ni hpe sharawt nga nngai. Shanhte gaw gumhpraw hpe hpa n nawn, aja mung n marin rai ma ai.

ESAIA 24:1

Dai Madu gaw ginding aga hpe agrawp mani kau na ra ai. Dai hpe katsi katsang di kabai tawn da na ra ai. Shi gaw ga man hpe galau ka-up kau nna dai hta nga ai masha ni hpe shabra kau na ra ai.

ESAIA 26:20

Nye a amyu masha ni e, nanhte a dum nta kata de shang nna chyinghka la mu. Karai Kasang a pawt sindawng ai kawp mat ai aten du hkra, tinang hkum nan loi hkring mi makoi nga mu.

ESAIA 30:27

Dai Madu a daru magam n-gun hte hpung shingkang hpe sumtsan shara hta mu lu nga ai. Wan hte wan hkut gaw shi a masin kahtet ai hpe madun dan nga ai. Shi ga shaga ai, shi shaga ai ga ni gaw wan zawn hkru nga ai.

ESAIA 34:2

Dai Madu gaw masha amyu baw ni yawng hte shanhte a hpyen luksuk ni yawng hpe pawt sindawng nga ai. Shi gaw shanhte hpe shamyit kau na matu daw dan nu ai.

ESAIA 48:14

“Nanhte yawng zup hpawng ai hte madat mu! Ngai lata da sai masha wa gaw Babelon hpe gasat na lam karai ni kadai mung tau tsun lu ma ai n rai; shi gaw ngai shi hpe galaw shangun mayu ai amu hpe galaw na ra ai.

ESAIA 5:26

Dai Madu gaw sumtsan na amyu baw langai hpe saw shaga na matu kumla langai jaw nga ai. Shi gaw shanhte hpe lamu ga htum kaw nna sa wa na matu lahpyaw hte shaga nga ai. Shanhte gaw ndai shara de tin tin, chyang chyang hte sa wa ma ai!

ESAIA 66:14

Ndai zawn byin ai hpe nang mu ai shaloi, nang kabu gara na ndai; dai gaw nang hpe n-gun shaja ya ai hte hkam kaja shangun na ra ai. Dai hpang nang gaw dai Madu ngai nan nye a ga madat ai ni hpe karum ai mung, nye a gumlau hpyen ni hpe ninghkap na matu nye a masin kahtet ai hpe madun dan ai mung nang chye na rin dai,” ngu nna tsun wu ai.

ESAIA 7:18

“Dai aten du ai shaloi, dai Madu gaw Nila hka nu a hka hku jahtum maga de nga ai hka shi, hka gai hkan nga ai jinu ni zawn law ai Egutu amyu masha ni hte, lagat zawn law ai Asuri masha ni hpe shanhte a mungdan kaw nna du sa wa na matu, lahpyaw hpyaw ai kumla hte shaga dat na ra ai.

YEREMIA 50:25

Chyahtum Chyalai N-gun rawng ai Tsaw Htum ai Madu ngai gaw Babelon mung hta galaw ra ai amu nga ai majaw, nye a laknak dum ni hpe ngai hpaw nna shanhte hpe ngai gau shapraw kau ni ai.

YEREMIA 50:3

“Dingdung maga de nna amyu baw mi gaw Babelon mare hpe gasat na matu du sa na mara ai; dai mare hpe katsi katsang shara shatai kau na mara ai. Masha hte yam nga ni hprawng pru wa nna, dai shara hta kadai mung de nga na mara ai n rai.”

YEREMIA 50:9

Ngai gaw dingdung maga nga ai n-gun ja ai masha amyu baw hpung mi hpe wa shadut shalut dat ai hte Babelon mung hpe gasat shangun na nngai. Shanhte gaw dai mung na majan pa hta tsap dingren nga ai hte dai mung hpe dang la kau na mara ai. Shanhte gaw shanhte shading da ai shara hpe n shut n shai hkra gap lu ai kung kyang jaugawng ni hte ndan gap ai masha ni rai ma ai.

YEREMIA 51:11

Dai Madu gaw Babelon mung hpe shamyit kau na matu shatawng shada da nu ai majaw shi gaw Medi hkawhkam ni a myit hpe jasu ya nu ai. Dai gaw shi a Nawku Htingnu hpe jahten shaza kau ya ai a matu matai htang ai lam rai nga wu ai. Gasat na du salang ni gaw, “Nanhte a pala ni hpe mayoi da mu! Nanhte a hpyen ninggang ni hpe jin jin galaw da mu!

YEREMIA 8:19

Madat u! Nye a amyu masha ni a hkrap shabam nga ai nsen hpe mungdan ting hta ngai na nngai. Dai Madu gaw Ziun mare hta n nga sani? Ziun a hkawhkam gaw dai yang e n nga sani? Dai Madu shanhte a hkawhkam wa gaw, “Na a hpara sumla ni hpe nawku ai hte akyu n rawng ai na a maigan karai ni hpe gum dagup ai hku ngai hpe hpa majaw pawt sindawng shangun myit ta?,” ngu nna htang shana wu ai.

EZEKELA 22:31

Dai re ai majaw, ngai gaw nye a masin kahtet ai hpe shanhte a ntsa e ru bun dat nna, shanhte galaw dan sai arawn alai hte maren, shanhte hpe wan zawn shamyit kau na we ai.” Tsaw Htum ai dai Madu tsun nu ai.

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.