ESAIA 13:4 - Jinghpaw Common Language Bible 2009

⁴ Bum ni a ntsa e garu kachyi nga ai-masha wunawng wuwa kaba a nsen, masha amyu baw ni a nsen hte mungdan ni zup hpawng nga ai nsen ni hpe madat mu. Hpyen luksuk ni a dai Madu gaw majan a matu shi a hpyen hpung ni hpe hkyen da nga ai.

Jinghpaw Hanson Version Bible

⁴ Masha wunawng wuwa kaba wu ngoi ai zawn, bum ni a ntsa e wu ngoi a hka! Masha amyu ni a mungdan ni zuphpawng nga ma ai majaw, wu kadu a hka! Zaw nawng zaw wa up ai Yehowa gaw hpyen gasat na matu amyu baw ni hpe hpyen saw nga ai.

ESAIA 13:4 ပူးပေါင်းရင်းမြစ်များ

ESAIA 17:12

Daru magam n-gun rawng ai masha amyu baw ni gaw panglai hka wu kadu ai nsen zawn, hka leng kaba ni ngoi kashaw ai nsen zawn garu gachyi nga ma ai.

ESAIA 48:14

“Nanhte yawng zup hpawng ai hte madat mu! Ngai lata da sai masha wa gaw Babelon hpe gasat na lam karai ni kadai mung tau tsun lu ma ai n rai; shi gaw ngai shi hpe galaw shangun mayu ai amu hpe galaw na ra ai.

ESAIA 5:26

Dai Madu gaw sumtsan na amyu baw langai hpe saw shaga na matu kumla langai jaw nga ai. Shi gaw shanhte hpe lamu ga htum kaw nna sa wa na matu lahpyaw hte shaga nga ai. Shanhte gaw ndai shara de tin tin, chyang chyang hte sa wa ma ai!

ESAIA 5:30

Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

YEREMIA 21:4

Dai Madu Israela a Karai Kasang gaw Zedikia hpe ning nga tsun na matu tsun nu ai: “Ngai gaw Babelon hkawhkam hte shi a hpyen luksuk ni hpe hkap gasat nga ai na a hpyen luksuk hpe jasum kau ya na nngai. Na a share shagan hpyenla ni a laknak arung arai ni hpe ndai mare ka-ang e sumpum da na nngai.

YEREMIA 25:14

Ngai gaw Babelon amyu masha ni hpe shanhte galaw dan sai amu hte maren, matai dawp na nngai, shing rai amyu baw ni hte hkawhkam kaba ni gaw shanhte hpe mayam shatai kau na ma ai,’” ngu nna tsun wu ai.

YOELA 2:25

Nanhte a nsi naisi ni sha kau ya ai dinggam-yaw unawng ni a majaw nanhte sum mat ai shaning ni a matu, ngai bai nhtang jaw na made ai. Dai gaw nanhte hpe ninghkap na matu ngai shangun dat ai hpyen hpung rai nga ai.

YOELA 3:14

Hkying hkying law nga ai masha wunawng wuwa gaw Tara Jeyang ai Kadit hta nga nga ma ai. Dai yang e, dai Madu a nhtoi kade n na yang du wa na ra ai.

SHINGRAN 18:8

Dai lam a majaw, ari zinli ni, yawn hkyen ai lam ana zinli hte hku hku ai lam ni gaw, lani jan hta sha shi kaw du nna, wan hte nat shakrawp kau ai shi hkrum na ra ai. Hpa majaw nga yang, shi hpe tara jeyang daw dan ai Karai Kasang gaw, n-gun atsam kaba rawng nga ai,” nga nna tsun ai.