ESAIA 13:2 - Jinghpaw Common Language Bible 2009

² Kawng krin pungding ntsa e majan dawnghkawn sharawt da mu! Hpyenla ni hpe jahtau mu, gumrawng gumtawng ai mare chyinghka ni hpe gasat na, shanhte a matu kumla tai u ga, nanhte a lata lahpum sharawt da mu.

Jinghpaw Hanson Version Bible

² Krin ai bum ntsa e dawnghkawn sharawt mu; nsen kaba hte shanhte hpe jahtau mu; shanhte gaw du magam ni a chyinghka ni hta shang lu hkra, lata wak mu.

ESAIA 13:2 ပူးပေါင်းရင်းမြစ်များ

SHAKAWN KUNGDAWN 60:4

Nang hpe hkrit hkungga ai ni gaw jahten shabyak ai kaw nna lawt wa lu na matu, shanhte hpe shadum jahprang nit dai.

ESAIA 10:32

Dai ni jang, gumlau hpyen ni gaw Noba mare hta nga nga ma ai, dai yang e shanhte gaw Ziun Bum ngu ai Yerusalem mare hpe sha-ang nna shanhte a lata latup nna kanga dan ma ai.

ESAIA 11:12

Dai Madu gaw bra ayai hkawm nga sai Israela hte Yuda amyu masha ni hpe lamu ga jut mali kaw nna bai woi la ai hte shinggyin da nga ai lam masha amyu baw hpe madun dan na nga, kumla dawnghkawn langai sharawt da na ra ai.

ESAIA 11:15

Dai Madu gaw Nawng Hkyeng hpunggaw hpe jahkyet kau na ra ai, shi gaw Uhprat hka nu hpe hkun hkraw shangun na matu kahtet ai nbung shaga dat na ra ai, grai kaji ai hka shi sanit hpe sha tawn da na ra ai, shaloi kadai mung lai hkawm lu na ma ai.

ESAIA 18:3

Ginding aga ntsa ting hta nga ai masha shagu hte e, madat mu! Bum pungding ntsa e sharawt da na kumla dawnghkawn hpe yu yu mu! Pahtau dum ai nsen hpe madat mu!

ESAIA 19:16

Egutu masha ni gaw numsha ni zawn hkrit kaya agam wa ai aten du wa nga ai. Shanhte gaw dai Madu shanhte hpe ari jaw na matu shi a lata ladawn da nu ai hpe mu ai shaloi hkrit kajawng ai hte gari mat na mara ai.

ESAIA 31:9

Shanhte a hkawseng wa gaw hkrit gari ai hte hprawng mat wa na ra ai, du salang ni mung grai hkrit kajawng mat ma ai majaw shanhte a majan dawnghkawn ni hpe kabai kau da na mara ai,” ngu nna tsun ai. Dai Madu gaw ning nga tsun nu ai-dai Madu gaw Yerusalem hta nawku daw jau hkrum ai hte dai yang e shagu hkungga ni a matu wan nat hkungga nawng jau ya ai hkrum nga ai.

ESAIA 5:26

Dai Madu gaw sumtsan na amyu baw langai hpe saw shaga na matu kumla langai jaw nga ai. Shi gaw shanhte hpe lamu ga htum kaw nna sa wa na matu lahpyaw hte shaga nga ai. Shanhte gaw ndai shara de tin tin, chyang chyang hte sa wa ma ai!

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

YEREMIA 50:41

“Dingdung maga de nga ai mungdan langai mi kaw na masha ni du sa wa ra ai, tsan ai shara na chyalai n-gun rawng ai masha amyu baw langai rai nga ai; hkawhkam law law ni gaw majan a matu shachyip nga ma ai.

YEREMIA 51:12

Babelon mare bunghku ni hpe htim gasat na matu masat dawnghkawn sharawt mu. Sin langa shalaw da mu! Sin masha ni hpe tawn da mu! Makoi gasat na matu masha jahkrat tawn mu!,” ngu nna hkang da ma ai. Dai Madu gaw Babelon masha ni hpe galaw na ngu tsun nu ai hte maren galaw shadik nu ai.

YEREMIA 51:25

Babelon e, nang gaw mungkan ga ting hpe jahten kau ai bum zawn rai nga ti mung, dai Madu ngai nan na a hpyen rai nga nngai. Ngai gaw nang hpe magra jum da nhtawm ga madang hte maren adit jahkrat kau nna a mani di tawn na we ai.

YEREMIA 51:58

Chyalai n-gun rawng ai Babelon a bunghku ni ga de daw ru mat nna, de a tsaw ai chyinghka ni mung nat kau hkrum nga sai. Masha amyu baw ni a amu yawng gaw kaman lila rai nga ai; shanhte a shakut shaja ai gaw wan shinglet sha rai nga ai. Chyahtum Chyalai N-gun rawng ai dai Madu ngai nan tsun ni ai.”