ESAIA 13:14 - Jinghpaw Common Language Bible 2009

¹⁴ “Babelon mung hta nga nga ai maigan masha ni gaw jaugawng ni a lata na hprawng lawt wa ai shannga hte sagu rem n nga ai sagu ni zawn tinang a buga ni de hprawng bra mat wa na mara ai.

Jinghpaw Hanson Version Bible

¹⁴ Shing rai mung masha ni gaw, mai jawm na shan nga hte, kadai n rem ai sagu zawn, langai hte langai tinang htingbu wa hpang de myi man yawng nna, tinang buga de hprawng wa na mara ai.

ESAIA 13:14 ပူးပေါင်းရင်းမြစ်များ

1 HKAWHKAM 22:17

Mihkaia gaw, “Sagu rem wa n nga ai sagu ni zawn dai Israela hpyen luksuk ni kawng jinghkang hkan e bra ayai nga ma ai hpe ngai mu nngai. Dai Madu gaw, “Ndai masha ni ningbaw n lu ma ai; tinang nang a nta de ngwi ngwi pyaw pyaw hte wa kau shangun mu,’” ngu tsun wu ai, nga nna htan wu ai.

1 HKAWHKAM 22:36

Ya jan shang ni wa jang, Israela arawng aya hku hkan nna aming pru wa nga ai: “Masha shagu gaw shi a mung ga de mung, mare de mung nhtang mat wa lu sai!”

ESAIA 17:13

Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

ESAIA 21:15

Shanhte gaw shanhte hpe sat na matu jin jin rai nga ai nhtu kaw nna mung, gap na matu jin jin rai nga sai ndan kaw nna mung, majan a shoihpa shoirang yawng kaw na mung, hprawng lawt wa ai ni rai ma ai.

ESAIA 47:15

Na a prat tup hta nang bawng jahkrup ai gumhpan hpan ai sara ni gaw na a matu mai kaja ai lam yawng mayawng galaw ya na mara ai. Shanhte yawng gaw nang hpe kau da nna shanhte a lam de sa mat wa na mara ai, nang hpe hkye la na matu kadai mung nga na n rai,” nga nna tsun ai.

YEREMIA 25:12

Dai hpang, ngai gaw Babelon amyu masha ni hte de a hkawhkam wa hpe shanhte galaw ai yubak mara a majaw, ari jaw na we ai. Ngai gaw dai mungdan hpe jahten sharun kau nna prat dingsa katsi katsang shara shatai kau na we ai.

YEREMIA 50:16

Dai mung hta nli hkum gat myit; shinggyin la na matu nmut hkum shang myit. Dai mung hta shanu nga ai maigan masha shagu hte gaw majan gasat nga ai hpyen luksuk hpe hkrit na mara ai rai nna shanhte a buga de nhtang mat wa na mara ai,” ngu nna tsun ai.

YEREMIA 51:9

Dai mung hta shanu nga ai maigan masha ni gaw, ‘Babelon hpe karum la na matu anhte shakut ga ti mung, dai gaw grai hpang hkrat mat sai. Ya chyawm gaw anhte tawn kau da nna tinang a buga dum nta de wa mat saga. Karai Kasang gaw shi a chyalai n-gun mahkra hte Babelon hpe ari jaw nu ai, dai mung hpe atsai awai shamyit kau nu ai,’” ngu nna tsun ma ai.

NAHUM 3:18

Asuri hkawseng e, na a mungdu ni si mat masai, na adu magam ni htani htana yup pyaw mat masai! Na a masha ni gaw bum lang ntsa hkan bra ayai nga masai, shanhte hpe dum nta de bai woi na masha kadai n nga nga ai.

MAHTE 9:36

Dai shawa hpawng ni hpe shi mu jang, shi shanhte hpe matsan dum da mu ai; hpa majaw nga yang, shanhte gaw sagu rem wa n nga ai majaw ru tsang hkrum ai hte bra mat wa ai sagu ni hte bung nga ma ai.

MARKU 6:34

Yesu li kaw na pru lung wa yang, masha wunawng kaba hpe shi mu mada wu ai shaloi shanhte gaw sagu rem ai wa n lawm ai sagu ni zawn rai nga ma ai majaw shi a myit masin hta shanhte hpe matsan dum ai myit hte hpring nga lu ai; dai rai nna shi shanhte hpe lam law law sharin shaga hpang wu ai.

1 PETRU 2:25

Nanhte gaw lam dam mat ai sagu ni zawn rai nga myit dai; ya chyawm gaw sagu rem wa hte nanhte a myit masin ni hpe up madu da ya ai wa a hpang e hkan nang na matu shi hpang de bai woi du wa manit dai.