ESAIA 13:10 - Jinghpaw Common Language Bible 2009

¹⁰ Shagan shagu hte shagan majaw shagu hte gaw nhtoi htoi na n rai, ajan pru wa tim sin mat na ra ai, shata gaw nhtoi jaw na ra ai n rai.

Jinghpaw Hanson Version Bible

¹⁰ Kaning rai nme law, sumsing lamu na shagan ni hte, de a maka kumla ni gaw nhtoi htoi na n rai; ajan pru timung nsin sin nna, shata gaw nhtoi n htoi nga ai.

ESAIA 13:10 ပူးပေါင်းရင်းမြစ်များ

YOBA 9:7

Shi gaw ajan rawt wa ai hpe mung, shana e shagan ni htoi kabrim nga ai hpe mung hkang da lu ai.

HPAJI NINGLI 12:2

Ajan, shata hte shagan ni a nhtoi gaw na a matu sin mat wa na ra a, marang sumwi gaw galoi mung lai mat wa na ra ai n rai.

ESAIA 24:21

Dai Madu gaw matsaw ntsa na daru magam n-gun rawng ai ni hte ga ntsa na up hkang du salang ni hpe ari jaw ai shaloi, dai aten gaw du wa nga ai.

ESAIA 24:23

Shata gaw sin mat wa na ra ai, ajan mung htoi na ra ai n rai, hpa majaw nga yang, Chyahtum Chyalai N-gun rawng ai dai Madu gaw hkawhkam tai na ra ai. Shi gaw Ziun Bum ntsa na Yerusalem hta up nga na ra ai, amyu masha ni a ningbaw ni gaw shi a hpung shingkang hpe mu lu na mara ai.

ESAIA 47:5

Dai Madu gaw Babelon hpe, “Atsin sha hte nsin e dung nga u; shanhte gaw nang hpe masha amyu baw ni a hkawhkam jan ngu nna, galoi mung tsun na mara ai n rai!

ESAIA 5:30

Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

ESAIA 50:3

Si hkrung si htan a majaw sharung shayawt ai zawn, ngai gaw sumsing lamu hpe nsin shatai kau lu nga nngai,” ngu nna tsun wu ai.

YOELA 2:10

Shanhte rawt lung wa yang, ginding aga ashun awam nga ai; sumsing lamu gari ashun nga ai. Ajan hte shata sin mak mat nna, shagan ni loi mi pyi n htoi mat ma ai.

YOELA 2:31

Galu kaba re ai hte hkrit mai ai dai Madu a Nhtoi garai n du yang, ajan gaw nsin sin mat wa nna shata gaw sai zawn hkyeng mat na ra ai.

YOELA 3:15

Ajan hte shata sin mat wa nna, shagan ni loi mi mung htoi na ra ai n rai.

AMO LAIKA (AMOS) 5:20

Dai Madu a shani gaw nhtoi n rai, nsin tai na ra ai; dai shani gaw sin mak wa nna, hpa mung htoi tu na ra ai n rai.

NAHUM 1:8

Shi gaw shi a gumlau hpyen ni hpe mawru kaba zawn atsai awai jahten kau nga ai; shi gaw shi hte nhtan shai ai ni hpe shanhte a si du a lata de sa dat ya nga ai.

ZEHKARIA 14:6

Dai aten du jang, dai yang e galoi mung katsi nna hkyen hkrat na ra ai n rai.

MAHTE 24:29

“Bai, dai ru tsang ai nhtoi ni a hpang kalang ta nan jan gaw nip mat wa nna, shata mung n htoi mat na ra ai; shagan ni mung lamu de nna di hkrat mat na mara ai rai nna, lamu gang hkau na n-gun atsam ni gaw tinang a hkawm kayin nga ai lam ni kaw na htawt kamawng kau ai hkrum na mara ai.

MARKU 13:24

“Dai ru tsang ai hpang na nhtoi hte hta e, jan gaw sin mat wa nna shata ni nip mat na ra ai.

LUKA 21:25

“Dai shaloi e, jan shata, shagan ni hta laklai ai lamik kumla ni dan pru na ra ai. Ga ntsa e mungdan ni yawng gaw, panglai hkaleng ni a wu kadu ai nsen majaw hkrit kajawng ai hte myit ru myit tsang hkrum na mara ai.

KASA 2:20

Karai Kasang a galu kaba ai hte hpung shingkang rawng ai Nhtoi garai n du yang, jan gaw nsin chyip rai mat nna, shata mung sai zawn hkyeng mat na ra ai.

SHINGRAN 8:12

Bai, mali ngu na lamu kasa gaw shi a pahtau dum dat wu ai. Shaloi, jan a htam masum na htam mi, shagan ni htam masum a htam mi grawp hten nip mat wa nna, shanhte a nhtoi gaw htam masum na htam mi sin mak mat wa ai hte, shani a htam masum na htam mi, shana a htam masum na htam mi nhtoi n lu mat ai.