ESAIA 12:6 - Jinghpaw Common Language Bible 2009

⁶ Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

Jinghpaw Hanson Version Bible

⁶ Ziun bum hta shanu ai jan e, na a ka-ang e Israela Chyoi pra ai Wa gaw galu kaba nga ai majaw, garu jahtau u, kabu ninglaw u,” nga nna tsun na ra ai.

ESAIA 12:6 ပူးပေါင်းရင်းမြစ်များ

SHAKAWN KUNGDAWN 132:14

“Ndai shara hta htani htana ngai anga nga na nngai, dai mare hpe mung, ngai up hkang mayu nga nngai.

SHAKAWN KUNGDAWN 135:21

Ziun ntsa e mung, shi shanu nga ai Yerusalem hta mung, dai Madu hpe shakawn mu. Dai Madu hpe shakawn mu.

SHAKAWN KUNGDAWN 46:5

Karai Kasang gaw dai mare hta shanu nga nna, dai mare gaw galoi mung jahten kau ai hkrum na n rai; jahpawt manap jau jau e, dai mare hpe shi karum la na matu pru sa na ra ai.

SHAKAWN KUNGDAWN 68:16

Pungding law law marawng nga ai bum kaba kaw nna Karai Kasang shanu nga na matu lata san da ai bum hpe asawng ai nsam hte hpa majaw nang yu nga a ni? Dai Madu gaw dai shara hta htani htana shanu nga na ra ai!

SHAKAWN KUNGDAWN 71:22

Ngai nang hpe teng teng, tingse hte dum shakawn na nngai; nye a Karai Kasang e, na a sadi sahka lam hpe ngai shakawn nga na nngai. Israela a Chyoi Pra ai Wa e, tingse hte ngai nang hpe dum mahkawn nga na nngai.

SHAKAWN KUNGDAWN 89:18

Madu e, Nang gaw anhte hpe makawp maga la na wa hpe lata da ya nga ndai; Israela a chyoi pra ai Karai Kasang e, nang anhte a matu hkawhkam jaw ya nit dai.

SHAKAWN KUNGDAWN 9:11

Ziun e up nga ai Madu hpe mahkawn shakawn mu! Shi hpa galaw sai amu, amyu baw shagu hte hpe htawn tsun dan mu!

SHAKAWN KUNGDAWN 99:2

Ziun e shanu nga ai dai Madu gaw n-gun chyalai rawng nga ai; amyu baw ni yawng hta grau htum ai wa rai nga ai.

ESAIA 1:24

Dai rai nna, ya chyawm gaw, Chyahtum Chyalai N-gun rawng ai dai Madu Israela a daru magam n-gun hte hpring ai Karai Kasang tsun nga ai ga hpe madat mu: “Nye a gumlau hpyen ni e, ngai nanhte hpe matai htang na we ai, nanhte gaw ngai hpe ru yak tsin-yam tsindam loi mi mung shabyin lu na myit dai n rai.

ESAIA 10:24

Chyahtum Chyalai N-gun rawng ai Tsaw Htum ai dai Madu gaw Ziun Bum hta shanu nga ai shi a amyu masha ni hpe, “Egutu masha ni galaw ga ma ai zawn Asuri masha ni nanhte hpe dip gamyet tim, shanhte hpe hkum hkrit nga myit.

ESAIA 24:14

Naw ngam nga ai ni chyawm gaw kabu gara ai hte mahkawn mangoi lu na mara ai. Sinna maga de nga ai ni gaw dai Madu kade wa galu kaba nga ai lam tsun na mara ai,

ESAIA 24:23

Shata gaw sin mat wa na ra ai, ajan mung htoi na ra ai n rai, hpa majaw nga yang, Chyahtum Chyalai N-gun rawng ai dai Madu gaw hkawhkam tai na ra ai. Shi gaw Ziun Bum ntsa na Yerusalem hta up nga na ra ai, amyu masha ni a ningbaw ni gaw shi a hpung shingkang hpe mu lu na mara ai.

ESAIA 30:19

Yerusalem hta shanu nga ai amyu masha ni, nanhte gaw galoi mung hkrap sana n rai. Dai Madu gaw matsan chye dum ai wa rai nga ai, nanhte shi kaw karum la na matu jahtau ai shaloi, shi nanhte hpe htan ya na ra ai.

ESAIA 33:21

Dai Madu gaw anhte hpe shi a hpung shingkang madun na ra ai. Anhte gaw dam lada ai hka nu ni hte hka shi ni a makau hkan nga lu na ga ai, rai ti mung hpyen tai ai sanghpaw li ni chyawm gaw de ntsa hkan e yawng lu na ma ai n rai.

ESAIA 33:24

Anhte a mungdan hta shanu nga ai kadai mung machyi nna aput angun ai lam galoi mung nga na ra ai n rai; yubak mara yawng gaw raw dat kau hkrum na ra ai.

ESAIA 40:9

Yerusalem e, tsaw ai bum ntsa de lung nna kabu gara shiga htawn tsun u! Ziun e, ja ai nsen hte shaga nna, kabu gara shiga ndau shabra u! Dai hpe jahtau tsun u, hkum hkrit nga et. Shanhte a Karai Kasang du sa wa nga ai ngu, Yuda mare ni hpe tsun mu!

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 41:16

Nang gaw dai ni hpe nbung hta katsap kau na rin dai; nbung gaw dai ni hpe ahpawt mat wa na ra ai, dai ni gaw nbung laru hte shabra kau hkrum na mara ai. Dai hpang nang kabu gara lu na ndai hpa majaw nga yang, ngai gaw na a Karai Kasang rai nga nngai; nang gaw chyoi pra ai Israela a Karai Kasang ngai hpe shakawn kungdawn na ra ai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 54:1

Yerusalem e, nang gaw maudung num zawn rai nga ndai, rai ti mung, ya chyawm gaw nang mahkawn mangoi lu nna, kabu gara jahtau lu nga ndai. Ya chyawm gaw, madu wa galoi mung n kau da yu ai numsha hta pyi grau nna kashu kasha lu na rai ndai.

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.

ESAIA 8:18

Ngai gaw ndai yang e dai Madu ngai hpe jaw da sai kashu kasha ni hte rau nga nga nngai. Chyahtum Chyalai N-gun rawng ai dai Madu a tingnyang gaw Ziun Bum ntsa e nga nga ai rai nna anhte hpe Israela amyu masha ni hpang de ahkrung nga ai mungga ni hku shangun dat mi ai.

YEREMIA 10:6

Madu e, nang hte bung ai wa langai mi mung n nga nga ai; nang gaw chyalai n-gun rawng ai wa rai nga ndai, na a amying nsang gaw galu kaba ai hte daru magam n-gun rawng nga ai.

EZEKELA 35:10

“Dai Madu ngai nan shanhte a Karai Kasang rai nga tim pyi, nang gaw ndai amyu lahkawng rai nga ai Yuda hte Israela ngu ai shanhte a mungdan ni hpe mung rau hpawn nang madu la na nngai, ngu nna nang tsun nit dai.

EZEKELA 39:7

Ngai gaw nye a chyoi pra ai mying ningsang hpe nye a amyu masha ni hpe kaja wa teng teng chye shangun nna nye a mying ningsang hpe htawm hpang de galoi mung myi man sum shangun na n rai. Dai hpang, dai Madu ngai nan Israela a chyoi pra ai Karai Kasang rai nga ai hpe masha amyu baw ni chye lu na mara ai,” ngu nna tsun wu ai.

EZEKELA 43:7

“Si chye ai masha wa e, ndai gaw nye a tingnyang rai li ai. Ndai yang e, Israela amyu masha ni hte rau ngai shanu nga nna shanhte hpe htani htana up hkang nga na nngai. Israela amyu masha ni hte shanhte a hkawhkam ni gaw karai shaje ni hpe nawku ai hku nna mung, shanhte a hkawhkam ni a si mang ni a makau hkan e mung, nye a chyoi pra ai mying ningsang hpe awu asin bai di lu na mara ai n rai.

EZEKELA 48:35

Man maga mali grup ngu na mare bunghku hpe shadawn yang, yawng hkra pe 30,240 rai nga ai. Dai shani kaw nna dai mare a mying hpe, “Dai Madu Gaw Ndai Shara E Anga Nga Ai,” ngu nna shamying na mara ai.

EZEKELA 48:8

Bai lamu ga a kaga daw langai mi hpe mung lak san lang na matu kaga san di da nga ai. Dai lamu ga gaw amyu bawsang ni hpe garan ya ai zawn dingdung kaw nna dingda de deng 10 galu nna sinpraw kaw nna sinna de du hkra mung maren rai nga ai. Nawku Htingnu mung dai lamu ga hta rai na rai nga ai.

HOSEA 11:9

Nye a masin kahtet ai majaw ngai nanhte hpe ari jaw na n rai; Ngai gaw Israela hpe bai jahten kau na n rai. Hpa majaw nga yang, ngai gaw masha n rai; Karai Kasang rai nga nngai. Ngai gaw nanhte hte rau nga ai dai Chyoi Pra ai Wa rai nga nngai. Ngai gaw nanhte hpang de masin pawt ai hte du sa na n rai.

YOELA 2:27

Dai hpang, Israela e, ngai nanhte a lapran e nga nga nngai mung, Ngai gaw dai Madu nanhte a Karai Kasang rai nga nngai hte ngai hta lai karai shaje n nga sai hpe nanhte chye wa na rai myit dai. Nye a amyu masha ni gaw galoi mung n kaw n law bai di hkrum na masai n rai.

ZEHPANI 2:5

Panglai hkin-gau mayan hku nga ai Hpilisti masha ni e, nanhte gaw dingnye hkrum nga myit dai. Dai Madu gaw nanhte hpe ari jaw na matu daw dan nu ai. Shi gaw nanhte hpe jahten kau na ra ai, nanhte kadai mung ngam nga lu na n rai.

ZEHKARIA 2:5

Dai Madu chyawm gaw dai mare hpe makawp maga na matu mare grup grup e shi nan wan bunghku tai nna, shi a hpung shingkang hte dai yang e shanu nga na nngai, nga nna ga sadi jaw da nu ai,” nga nna tsun dan wu ai.

ZEHKARIA 2:9

“Dai Madu gaw shi nan nanhte hpe ninghkap gasat na ra ai; nanhte gaw lang mi nanhte a shangun ma ni tai yu sai amyu masha ni a kashun kashe hpya kau ai hkrum na marin dai.” Ndai lam byin wa ai shaloi, Chyahtum Chyalai N-gun rawng ai dai Madu ngai hpe shangun dat ai amu, masha shagu chye na wa na mara ai.

BU HKAWM 23:21

Israela a du na ra ai aten e, shi hta n kaja ai lam hte Ru yak tsin-yam tsindam dingbai dingna hpa mung du shang wa na n rai nga ai hpe ngai tau chye da se ai. Dai Madu shanhte a Karai Kasang gaw shanhte hte rau rai nga ai; Shi gaw shanhte a Karai Kasang rai nga ai nga nna shanhte tsun garu ma ai.

TARA JAHPRANG 23:15

“Mayam madu kaw na nang kaw shingbyi na matu hprawng shang wa ai mayam rai yang, dai wa hpe bai nhtang ap ya lu na n rai.