ESAIA 12:4 - Jinghpaw Common Language Bible 2009

⁴ Amyu masha ni gaw, “Dai Madu hpe chyeju dum mu! Nang hpe karum la na matu shi hpe shaga u! Shi galaw nu ai amu masha amyu baw ni yawng hpe tsun dan mu! Shi kade wa galu kaba nga ai lam shanhte hpe tsun dan mu!

Jinghpaw Hanson Version Bible

⁴ Bai, dai shani e nanhte gaw, Yehowa a chyeju dum mu; shi a amying ningsang hpe kajai gumhkawng mu; shi a up hkang ai lam, amyu baw ni hpe shana ya mu; shi amying ningsang galu kaba nga ai hpe, chye shangun mu.

ESAIA 12:4 ပူးပေါင်းရင်းမြစ်များ

1 HKAWHKAM LABAU 16:8

Dai Madu a chyeju hpe shakawn mu, shi a galu kaba ai lam hpe htawn tsun mu; shi galaw dan sai magam bungli ni amyu baw ni hpe tsun dan mu.

1 HKAWHKAM LABAU 29:11

Nang gaw galu kaba nna daru magam n-gun hte hpung shingkang mung, hkik hkam ai hte arawng aya kaba hkam la ai wa rai nga ndai. Sumsing lamu hte ginding aga ntsa na nga manga hte gaw na a rai nga ai; nang gaw hkawhkam wa rai nna yawng mayawng a ntsa na tsaw dik htum ai up hkang ai wa rai nga ndai.

NEHEMIA 9:5

Lewi masha ni rai nga ai Yeshua, Kadmiela, Bani, Hashabneia, Sherebia, Hodia, Shebania hte Pehtahia hte gaw nawku na matu saw shaga ma ai. Shanhte gaw ning ngu tsun ma ai: “Rawt tsap let, dai Madu nanhte a Karai Kasang hpe shakawn kungdawn mu; shi hpe htani htana shakawn kungdawn mu! Masha shakawn kungdawn ai gaw n kaba nga ti mung, masha shagu gaw shi a hpung shingkang mying nsang hpe shakawn kungdawn nga mu ga.

SHAKAWN KUNGDAWN 105:1

Dai Madu a chyeju hpe shakawn nga mu, shi a galu kaba ai lam hpe htawn tsun nga mu; shi galaw dan sai magam bungli ni, amyu baw ni hpe tsun dan mu.

SHAKAWN KUNGDAWN 107:22

Shanhte gaw shagu hkungga ni hte shi hpe chyeju shakawn lu na rai mu ai; kabu gara ai mahkawn mangoi ga hte shi galaw dan sai ni yawng hpe tsun hkai dan lu na rai mu ai.

SHAKAWN KUNGDAWN 113:5

Dai Madu anhte a Karai Kasang hte bung ai wa langai mi mung n nga nga ai. Shi gaw ntsa de na tsaw ai shara hta e nga nga ai;

SHAKAWN KUNGDAWN 148:13

Dai Madu a mying nsang hpe shanhte yawng shakawn mu ga! Shi a mying nsang gaw kaga ni yawng hta grau nga ai; shi a hpung shingkang gaw ginding aga hte sumsing lamu a ntsa e, chyam nga ai.

SHAKAWN KUNGDAWN 18:46

Dai Madu gaw ahkrung nga ai law! Ngai hpe makawp maga ai wa gaw a lu u ga law! Ngai hpe hkye hkrang la ai Karai Kasang gaw galu kaba nga ai hpe htawn tsun mu.

SHAKAWN KUNGDAWN 21:13

Madu e, na a galu kaba ai n-gun atsam a majaw, anhte nang hpe shakawn ga ai! Anhte gaw na a daru magam n-gun atsam hpe mahkawn shakawn nga na ga ai law.

SHAKAWN KUNGDAWN 22:31

Garai n shangai ai masha ni hpe, “Madu gaw shi a amyu masha ni hpe hkye hkrang la sai,” nga nna tsun dan na mara ai.

SHAKAWN KUNGDAWN 34:3

Dai Madu a galu kaba ai lam hpe ngai hte rau htawn tsun ga; shi a mying nsang hpe anhte jawm shakawn ga!

SHAKAWN KUNGDAWN 40:5

Anhte a Madu Karai Kasang e, anhte a matu nang galaw da ya sai amu ni gaw law la nga ai; nang hte bung ai wa kadai mung n nga nga ai! Anhte a matu mauhpa yaw shada lam law law hpe nang galaw da ya nit dai. Dai ni gaw nau law la ai majaw, dai ni yawng a lam hpe ngai dang hti lu ai n rai!

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

SHAKAWN KUNGDAWN 57:5

O Karai Kasang e, lamu hta na a hkik hkam ai lam hte ga ntsa ting hta mung, na a hpung shingkang dan hkung nga ai hpe madun dan u.

SHAKAWN KUNGDAWN 68:5

Shi a chyoi pra ai Nawku Htingnu hta shanu nga ai Karai Kasang gaw jahkrai nmai ni hpe lanu lahku nga nna gaida jan ni hpe makawp maga ya nga ai.

SHAKAWN KUNGDAWN 73:28

Rai ti mung, nye a matu chyawm gaw, Karai Kasang hte ani sha nga lu na, Madu Karai Kasang hta makawp maga ai lam mu tam la na matu hte shi galaw dan sai magam bungli ni hpe htawn tsun na lam ni gaw kade sha mauhpa rai nga a hka!

SHAKAWN KUNGDAWN 9:11

Ziun e up nga ai Madu hpe mahkawn shakawn mu! Shi hpa galaw sai amu, amyu baw shagu hte hpe htawn tsun dan mu!

SHAKAWN KUNGDAWN 96:3

Masha amyu ni hpe shi a hpung shingkang, amyu masha ni yawng hte hpe shi a grau htum ai magam amu ni hpe htawn tsun dan nga mu.

SHAKAWN KUNGDAWN 97:9

Chyahtum Chyalai n-gun rawng ai Madu e, mungkan ga mahkra hpe up hkang ai wa nang rai nga ndai; nang gaw hpara ni mahkra hta grau nna kaba nga ndai.

PRU MAT 15:2

Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.

PRU MAT 33:19

Dai Madu gaw, “Nang hte na a man e nye a hkik hkam ai hpung shingkang nhtoi yawng hpe ngai shalai dat nna, nye a chyoi pra ai amying hpe ngai shapraw na we ai. Ngai gaw dai Madu rai nga nngai rai nna ngai lata la ai ni hpe matsan dum ai wa hpe matsan dum ai myit ngai madun dan na nngai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

ESAIA 24:15

Sinpraw maga de nga ai ni gaw shi hpe kungdawn na mara ai. Panglai mayan hku nga ai ni chyawm gaw dai Madu Israela a Karai Kasang hpe shakawn kungdawn wa na mara ai.

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 26:8

Anhte gaw na a myit hkan ga ai hte nang hpe myit mada ga ai; nang gaw anhte ra sharawng ai lam yawng rai nga ndai.

ESAIA 33:5

Dai Madu gaw kade sha galu kaba nga a hka! Shi gaw arai yawng mayawng hpe up nga ai. Shi gaw Yerusalem hpe teng man rap ra ai tara hte ding hpring ai lam hte jahpring da na ra ai,

ESAIA 42:12

Sumtsan mung ni hta nga ai ni gaw dai Madu hpe shakawn kungdawn ai hte shi a hpung shingkang hpe shagrau nga mu ga!

ESAIA 48:20

Babelon mung kaw na pru wa mu, ndut ndang pru wa mu! “Dai Madu gaw shi a shangun ma Israela hpe hkye la nu ai!,” ngu nna dai hpe mungkan shara shagu hkan tsun shabra mu; dai shiga hpe kabu gara jahtau tsun mu.

ESAIA 66:19

shanhte hpe ari jaw ai wa ngai rai nga nngai hpe chye wa na mara ai. “Rai ti mung, shanhte hta na nkau mi hpe ngai ngam tawn da nna, nye a mying dan hkung ai hpe n na yu ai, nye a galu kaba ai hte daru magam n-gun hpe n mu yu ai, dai ndan gap share shagan masha ni nga ai Spain, Libya hte Ludi mung ni hpang de mung, Tubala hte Grik mung hkan nga ai amyu baw ni hte sumtsan mung na masha ni hpang de mung, shanhte hpe ngai shangun dat na nngai. Shanhte gaw dai mungdan ni hta nga ai amyu baw ni hpe nye a galu kaba ai lam tsun dan na mara ai.

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

YAWHAN 17:26

Nang ngai hpe tsaw ra ai tsaw ra n-gaw nwai myit gaw, shanhte hta e mung rawng nga nna ngai mung shanhte hta anga nga na matu, na a lam shanhte hpe shachye shachyang mase ai, matut nna mung shachye shachyang na mawe ai,” nga ai.