ESAIA 11:6 - Jinghpaw Common Language Bible 2009

⁶ Chyahkyawn ni hte sagu ni ngwi pyaw sim sa ai hte rau shanu nga na mara ai, rawng teng ni gaw bainam kasha ni hte rau hpum nga na mara ai. Dumsu kasha ni hte hkanghkyi hkalung ni rau shat sha nna ma kaji ni dai ni hpe lanu lahku na mara ai.

Jinghpaw Hanson Version Bible

⁶ Shing rai chyahkyawn gaw sagu kasha hte rau shanu nga nna, rawnggawk gaw bainam kasha hte rau hpum nga na ra ai; dumsu kasha, hkanghkyi hkalung hte hpum sau ai yamnga gaw, rau hkawm sa nna, ma kaji shanhte hpe dun woi na ra ai.

ESAIA 11:6 ပူးပေါင်းရင်းမြစ်များ

YOBA 5:23

Nang shawt ai yi hkauna ni hta lunghkrung lungbra ni nga na n rai; matse labye dusat ni mung nang hpe galoi mung htim na n rai.

ESAIA 2:4

Shi gaw galu kaba ai masha amyu baw ni a lapran na ndang kalang lam ni hpe jeyang ya na ra ai. Shanhte gaw shanhte a nhtu ni hpe najawn ni, shanhte a nri ni hpe gadoi nhkyi ni dup kau na mara ai. Amyu baw ni majan galoi mung bai baw na n rai, majan a matu galoi mung bai hkyen na mara ai n rai.

ESAIA 65:25

Chyahkyawn hte sagu kasha ni shat rau sha na mara ai; hkanghkyi ni gaw dumsu ni zawn yihku sha na mara ai, lapu ni a lusha gaw aga rai na ra ai. Ziun ngu ai nye a chyoi pra ai kawng ntsa hta, machyi shoichyum ai mung, n hkru ai lam hpa mung nga na ra ai n rai.”

EZEKELA 34:25

Ngai gaw shanhte a shim lum lam jaw ya lu ai ga shaka shanhte hte shagrin da na nngai. Mungdan kata na hkrit tsang ra ai matse labye ni hpe mung yeng seng kau na nngai, shaloi nye a sagu ni pa layang ni hta shim ai hte shanu nga lu nna maling kata hkan e mung yup nga lu na mara ai.

HOSEA 2:18

Dai aten hta, ngai gaw nam na matse labye dusat ni, ntsa malen u ni hte ga shaka tawn da na nngai; dai ni gaw nye a amyu masha ni hpe zingri na mara ai n rai. Dai mungdan na majan laknak yawng hpe mung, nhtu, ndan yawng hpe mung yeng seng kau na nngai; nye a amyu masha ni hpe ngwi pyaw sim sa ai hte shim lum ai hku nga shangun na nngai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.