ESAIA 11:4 - Jinghpaw Common Language Bible 2009

⁴ shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

Jinghpaw Hanson Version Bible

⁴ shi gaw, dinghpring ai hku hkan let, matsan mayan ni hpe tara dara nna, myit malang ai hku hkan let, ga ntsa na myit gyip ai ni a hpang maga de dawdan na ra ai; shi n-gup ngu ai shingna hte ga ntsa hpe ari jaw nna, shi nten na pru ai nsoi nsa hte, tara n lang ai ni hpe sat kau na ra ai.

ESAIA 11:4 ပူးပေါင်းရင်းမြစ်များ

2 SAMUELA 8:15

Dawi gaw Israela mung ting hpe up hkang nga ai rai nna shi a amyu masha ni hpe tut nawng teng man rap ra ai hku jeyang ya nga ai.

YOBA 15:30

shanhte gaw nsin kaw nna hprawng lawt lu na ma ai n rai. Shanhte gaw lakung lakying ni hkru krawp mat ai hpun zawn tai mat nna, de a apu ni nbung e bung ahpawt kau hkrum na mara ai.

YOBA 4:9

Karai Kasang gaw shi pawt sindawng ai majaw, shanhte hpe nbung laru zawn jahten shaza nga ai.

SHAKAWN KUNGDAWN 110:2

Madu gaw na a hkawhkam daru magam arawng sadang hpe Ziun kaw nna shara shagu de, maden dat na ra ai. Shi gaw nang hpe, “Na a gumlau hpyen ni a ntsa e, up hkang nga u,” nga nna tsun nga ai.

SHAKAWN KUNGDAWN 18:8

Shi a ladi hku ni kaw nna wan hkut ni pru wa nhtawm, shi a n-gup kaw nna grung ai wan shinglet hte hkru nga ai wan n-ga ni hte pru wa nga ai.

SHAKAWN KUNGDAWN 2:9

Nang shanhte hpe hpri sumdoi hte shabya kau nna; nang shanhte hpe ga di bu langai mi hpe zawn ahkyep alep rai mat hkra, gamang kau na ndai,’” nga nna tsun ai.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 14:30

Dai Madu gaw matsan mayan re ai shi a amyu masha ni a sagu rem wa langai tai na ra ai, shi gaw shanhte hpe shim lum ai hte nga shangun na ra ai. Rai ti mung shi gaw Hpilisti masha ni a ntsa e hkrit hpa hkuwa dat dat na ra ai, dai gaw kadai hpe mung asak hkrung nga shangun na ra ai n rai.

ESAIA 16:5

Dai hpang Dawi a matu mara langai gaw hkawhkam tai na ra ai, shi gaw amyu masha ni hpe sadi sahka hte tsaw ra myit hte up hkang na ra ai. Shi gaw ding hpring ai amu galaw na matu lawan na ra ai; teng man rap ra ai amu nga nga ai hpe shi mu na ra ai.)

ESAIA 2:4

Shi gaw galu kaba ai masha amyu baw ni a lapran na ndang kalang lam ni hpe jeyang ya na ra ai. Shanhte gaw shanhte a nhtu ni hpe najawn ni, shanhte a nri ni hpe gadoi nhkyi ni dup kau na mara ai. Amyu baw ni majan galoi mung bai baw na n rai, majan a matu galoi mung bai hkyen na mara ai n rai.

ESAIA 26:6

Dip gamyet sha hkrum ai ni gaw de a ntsa hkan ya jang kabye hkawm lu nna dai hpe shanhte a lagaw lahpan hte kabye anut nga ma ai.

ESAIA 29:19

Matsan mayan ni hte shagrit shanem ai amyu masha ni gaw dai Madu Israela a chyoi pra ai Karai Kasang jaw ai kabu gara lam hpe kalang mi bai mu na mara ai.

ESAIA 3:14

Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

ESAIA 30:28

Shi gaw arai yawng mayawng hpe agre shayawng kau dat ai mawru hka hpungla zawn shi a man e nbung hpe dat dat nga ai. Dai gaw masha amyu baw ni hpe hten byak lam de ye magawn mat wa nna shanhte a n hkru n shawp ai maw mawn lam ni hpe jahtum kau ya na ra ai.

ESAIA 30:31

Asuri masha ni gaw dai Madu a nsen hpe na ai shaloi hkrit gari wa nna shi a ari jaw ai n-gun hpe hkam sha wa na mara ai.

ESAIA 30:33

Moi chyaloi nhkoi kaw nna Asuri hkawseng hpe nat na matu wan htung kaba shara mi hkyen da nga ai. Dai gaw sung ai hte dam lada rai nna hpun ni hte sumpum shatsaw da nga ai. Dai Madu gaw dai shara hta wan shachyi na matu wan shinglet gawut bang dat na ra ai.

ESAIA 32:1

Lani mi na nhtoi hta ding hpring ai myit hte up na hkawhkam langai hte teng man rap ra ai tara hte up hkang na ningbaw ni paw pru wa na mara ai.

ESAIA 32:7

Myit n su ai wa gaw n hkru nga ai rai nna n hkru ai amu ni galaw nga ai; shi gaw matsan mayan masha ni hpe masu magaw ga hte jahten sharun na hte shanhte a ahkaw ahkang ni hpe hkum shingdang na matu maw mawn chye nga ai.

ESAIA 33:22

Sanghpaw li hta lang ai hkinghku ni yawng kaman lila rai nga ai; sanghpaw li sumpan ni hpe n lu kahpyan nga ai! Anhte gaw gumlau hpyen luksuk ni a sut gan yawng hpe rim la na ra ai, dai yang e sut gan grai law nga ai majaw lagaw hten ai masha pyi gam bum langai lu la nga ai. Dai Madu shi nan anhte a hkawhkam tai na ra ai; shi gaw anhte hpe up nna anhte hpe makawp maga na ra ai.

ESAIA 40:7

Dai Madu gaw dai ni a ntsa e nbung ahpawt dat ai shaloi, tsingdu ni nyui mat nna nampan ni run mat nga ai. Amyu masha ni gaw tsingdu hta grau nna n grin nga ai.

ESAIA 49:2

Shi gaw nye a n-gup hpe dai ai nhtu zawn shatai nu ai. Shi a lata hte nan ngai hpe makawp maga da nga ai. Shi gaw ngai hpe lang na matu jin jin masen da ai pala zawn shatai nga ai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

YEREMIA 33:15

Dai aten hta ding hpring ai Dawi a aru arat hpe hkawhkam hku nna ngai lata san da na nngai. Dai hkawhkam wa gaw mungdan ting hta ding hpring ai hte teng man ai hku bungli daw dan na ra ai.

YEREMIA 5:28

Shanhte gaw hpa majaw hpum sau ai hte lu pyaw sha pyaw nga ma ta? Shanhte a n hkru ai amu galaw ai lam ni hta shadaw shadang n nga nga ai. Shanhte gaw jahkrai ma ni hpe shanhte a ahkaw ahkang n jaw ma ai, dip gamyet sha hkrum ai ni hpe teng man rap ra ai tara n madun ma ai.

HOSEA 6:5

Dai re ai majaw, ngai gaw nye a myihtoi ni hpe nanhte hpang de nye a tara dara na lam hte jahten shaza kau na mungga hte hpawn shangun dat se ai. Nanhte kaw na ngai ra ai lam gaw asan sha hte dan leng nga ai:

ZEHPANI 2:3

Dai Madu a hkang da ai ga matsun ni hpe madat mara let dai lamu ga na shagrit shanem ai amyu masha nlang hte e, Madu hpang de kayin wa marit. Teng man ai amu galaw mu, Dai Madu a man e nanhte hkum hpe shagrit shanem mu. Shi a masin kahtet ai hpe madun dan nna ari jaw na nhtoi kaw na nanhte mahkoi lawt wa lu na rai myit dai.

MALAHKI 4:6

Shi gaw kawa ni hte kashu kasha ni hpe bai shinggyin da na ra ai; dai n rai yang, ngai du sa nna nanhte a mungdan hpe jahten sharun kau ya na made ai.”

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

MAHTE 5:5

“Myit sumnung ai ni gaw a lu ma ai; hpa majaw nga yang, shanhte gaw Karai Kasang ga sadi jaw da ai lamu ga hpe madu lu na mara ai!

KASA 9:1

Dai aten ladaw hte yang Shawlu gaw Madu a hpang hkan nang ai ni hpe jahkrit shama ai hte sat kau na nga masin pawt bu nga ai. Shi gaw hkinjawng agyi kaw sa nhtawm,

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

GALATI 5:23

shagrit shanem ai, hte tinang a myit hpe hkang lu ai lam ni rai nga ai. Dai lam hte hpe hkum lu na tara mi n nga ai.

2 HTESALONI 2:8

Dai hpang dai N hkru Ai Wa dan pru na ra ai, rai ti mung Madu Yesu du sa ai shaloi N hkru Ai Wa hpe shi a n-gup kaw na pru ai nsa hte sat kau nna, shi a htoi kabrim ai hpung shingkang hte jahten shaza kau na ra ai.

TITU 3:2

Kadai hpe mung n kaja ai hku shatan nhkan ga n tsun ai sha sim sa ngwi pyaw hku hkau ai hku nga na hte, tut nawng masha yawng hte hpe sumnung ai myit madun dan mu ga, shanhte hpe tsun shadum nga u.

YAKU 3:13

Nanhte hta hpaji byeng-ya hte chye chyang ai masha langai ngai nga a ni? Dai wa gaw shi hpaji byeng-ya rawng ai lam hpe shi a mai kaja ai asak hkrung lam hte mung, shagrit shanem nna hpaji byeng-ya rawng nga ai hku mai kaja ai magam bungli galaw ai hte mung sakse madun u ga.

SHINGRAN 1:16

Shi a lata hta shagan sanit lang da wu ai; shi a n-gup kaw na nshan lahkawng maga dai ai ntawng nhtu pru nga ai. Shi a myi man gaw htoi kang ai shani chyingtung na jan zawn tu ala nga ai.

SHINGRAN 19:11

Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.

SHINGRAN 19:15

Masha amyu baw ni hpe dang manga kau na matu, shi a n-gup hta na dai ai ntawng nhtu pru nga ai. Shi gaw shanhte hpe hpri sumdoi hte up na ra ai, Chyahtum Chyalai n-gun atsam rawng ai Karai Kasang a sindawng kahtet pawt bu ai ngu ai sabyi htumbyen hta shi kabye shup na ru ai.

SHINGRAN 2:16

Dai re ai majaw ya jang na a yubak mara ni kaw na kayin wa rit! Dai n rai yang, ngai alawan nang kaw du nna, nye a n-gup hta na pru ai ntawng nhtu hte shanhte hpe gasat kau na mawe ai.