ESAIA 11:3 - Jinghpaw Common Language Bible 2009

³ shi gaw dai Madu a ga madat mara ai hta awng sharawng na ra ai. Shi gaw ahpraw asam hku nna mung, na ai ga hku nna mung jeyang na ra ai n rai;

Jinghpaw Hanson Version Bible

³ shi gaw Yehowa hpe hkrit hkungga ai hta awng sharawng nga ai rai nna, shi mu hkrup ai hte maren n dawdan ai hte, na hkrup ai hte maren n jeyang na ra ai:

ESAIA 11:3 ပူးပေါင်းရင်းမြစ်များ

2 SAMUELA 14:17

Madu e, hkawhkam wa gaw Karai Kasang a lamu kasa hte bung nna kaja ai hte n kaja ai hpe chye ginhka lu ai majaw na a ga sadi gaw ngai hpe myit lum shangun na rai nga ai hpe ngai myit dum lu nga nngai. Dai Madu na a Karai Kasang gaw nang hte rau anga nga u ga law!,” ngu nna tsun wu ai.

2 SAMUELA 14:8

Hkawhkam wa gaw, “Nta de nhtang wa sanu; dai amu ngai myit yu na nngai,” ngu nna htan wu ai.

1 HKAWHKAM 3:28

Shawlumon a daw dan hparan ai hpe Israela masha ni na ma yang, Karai Kasang shi hpe jaw ya ai hpaji byeng-ya hta amu rawng ai lam hpe rap ra ai hku daw dan hparan ya nga ai hpe shanhte chye mu ai majaw shanhte yawng shi hpe grai hkrit hkungga nga ma ai.

1 HKAWHKAM 3:9

Dai re ai majaw kaja ai hte n kaja ai hpe chye ginhka nna, na a amyu masha ni hpe teng man ai hku chye up hkang na ngai hta ra ai hpaji byeng-ya ngai hpe jaw e law. Shing n rai yang, ndai na a galu kaba ai amyu masha ni hpe ngai kaning rai tut nawng up hkang lu na rai nga a ta?,” ngu nna htan wu ai.

YOBA 12:11

Rai ti mung, na a shinglet gaw lusha chyim ai hta kabu gara nna, na a na mung na la lu ai aga ni hta kabu gara nga ai.

YOBA 34:3

Nanhte lusha chyim yu myit dai shaloi kaja ai lusha rai nga ai hpe chye nga myit dai, rai ti mung, shanhte tsun ai ga na ai shaloi, dai gaw hpaji n rawng ai ga rai nga ai.

GA SHAGAWP 2:5

Shing rai yang, dai gaw, “Dai Madu hpe hkrit hkungga ai ngu ai lachyum hpe nang chye wa nna; Karai Kasang a lam sharin la ai lam hta nang awng dang wa na ndai.

GA SHAGAWP 2:9

Nang gaw ngai tsun ai ga hpe madat mara ai rai yang, teng man ai lam, tara dara ai lam hte mai kaja rap ra ai lam shagu hte hpe nang chye na lu na rin dai; nang hpa galaw ang ai lam hpe mung, nang chye lu na rin dai.

ESAIA 33:6

Amyu baw hpe ngang grin lam jaw ya na ra ai. Shi gaw shi a amyu masha ni hpe tut nawng makawp maga ai hte shanhte hpe hpaji byeng-ya hte machye machyang nyan jaw ya nga ai. Shanhte a galu kaba htum ai sut gan gaw dai Madu hpe hkrit hkungga ai lam rai nga ai.

EZEKELA 45:8

Israela mungdan na dai shara gaw mungdan up hkang du wa a sali tai na ra ai, shi gaw amyu masha ni hpe loi mi mung zingri zingrat na n rai, dai hta n-ga, naw ngam ai lamu ga hpe mung Israela amyu bawsang ni hpe madu la shangun na ra ai.

MIHKA 4:3

Shi gaw masha amyu baw ni a lapran e mung, ni ai tsan ai shara na daru magam n-gun kaba lu ai ni a lapran e mung ndang kalang lam ni hpe daw dan ya na ra ai. Shanhte gaw shanhte a nhtu ni hpe najawn, shanhte a nri ni hpe nhkyi kasha ni dup kau na mara ai. Masha amyu baw ni majan de galoi mung pru sa na ma ai n rai, majan a matu galoi mung bai hkyen na mara ai n rai.

LUKA 2:52

Yesu gaw gawng shingyan kaba wa nna, hpaji byeng-ya kung hpan wa ai hte, Karai Kasang a man e mung, masha a man e mung, myi man pa wa nga ai.

YAWHAN 2:25

Madu shi nan masha kraw lawang na myit masin a maw mawn ai lam ni hpe chye ya nga ai majaw, shanhte a lam masha gade e me shi hpe tsun dan ra ai n rai.

YAWHAN 7:24

Shinggan lam hku mu mada lu ai hpe sha yu nna hkum jeyang myit, ding hpring ai hku she jeyang mu,” ngu nna shanhte hpe htan mu ai.

HEBRE 5:14

Ja ai shahpa chyawm gaw kaba sai ni a matu rai nna, shanhte gaw hkan sa galaw shaman ai hku nna kaja ai hte n kaja ai hpe ginhka maram chye ai ni rai ma ai.

1 SAMUELA 16:7

Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.